Gabriel Arestiren 'Harri eta Herri' liburua eten barik irakurriko dabe maiatzaren 22an
2014-05-19 15:06 kulturbiz
Klasikoen Irakurketa ekimenaren zazpigarren edizinoa egingo da eguenean, Bilboko Arriaga antzokian. Gabriel Aresti idazle bilbotarraren Harri eta Herri poesia liburua izango da protagonistea. Goizeko zortziretan hasi eta arrastiko zortziretan amaituko da eten bako irakurraldia. Mikel Martinez aktoreak abiatuko dau saioa.
'Euskal zinema: zinemagileen hiru belaunaldi' biltzarra antolatu dabe Euskadiko Filmategiak eta EHUk
2014-05-19 14:04 Barriak
Zinemagile ezagunek hartuko dabe parte EHUko Udako Ikastaroen barruan, egingo dan kongresuan, besteak beste, Montxo Armendariz, Victor Erice, Julio Medem, Helena Taberna, Borja Cobeaga eta Koldo Almandoz zuzendariek. Donostiako Miramar jauregian batuko dira, garagarrilaren 2tik 4ra.
Hortzmuga, Manolo Alcantara, Kukai, Kadavresky Cie de Cirque eta Iron Skulls Co. dira Umore Azoka 2014ko sarituak
2014-05-19 13:57 sariak-autortzak
Saridunen zerrendea Hortzmuga Teatro taldeagaz osotzen da, aurten 2014ko Umore Azokako Ohorezko Saria jaso dauen konpainiagaz. Sari honen helburua Arte Eszenikoen inguruan lan azpimarragarria egiten dauen konpainia, persona edo erakundea saritzea da eta azokako antolatzaileek konpainia bizkaitarrak kale arteen arloan daroazan hogeita bost urte luzeetan bizi izandako transformazinoa nabarmendu nahi izan dabe.
Nerea Ibarzabal markinarra eta Gorka Lazkano berriztarra, zuzenean Bizkaiko Bertsolari Txapelketara
2014-05-19 10:56 Bertsolaritzea
Lea-Artibaiko eta Durangaldeko eskualdetako finalak astegoienean jokatu dira, Nerea Ibarzabalek irabazi dau batean, eta Gorka Lazkanok, bestean. Datorren zapatuan Uribe Kostako txapelduna erabagiko dabe.
Lorea Agirre kazetaria, 'Jakin' aldizkariko zuzendari barria
2014-05-16 15:36
Azkenengo 37 urtean Jakin-eko zuzendari izan dan Joan Mari Torrealdaik talde barriko kideak aurkeztu zituan atzo Hernanin, aurrerantzeaz zuzendari izango dan Lorea Agirre, Haizea Barcenilla, Harkaitz Cano, Idurre Eskisabel, Patxi Juaristi, Joanmari Larrarte, Maialen Lujanbio, Imanol Murua Uria, Andoni Olariaga, Olatz Osa, Gexan Sors eta Eguzki Urteaga. Aldizkaria bera eta webgune be barriztau egin ditue.
'Ikasle euskaldun eleaniztunak sortzen' proposamena da ikasleak euskalduntzeko biderik egokiena
2014-05-16 15:18 Euskerea berbagai
Kontseiluaren barruan batzen diran hezkuntza alorreko eragileek, Ikasle euskaldun eleaniztunak sortzen proposamenagaz lanean dabilz. 2008an osotu eben proposamenaren inplementazinoagaz jarraitzeko helburuagaz, Gaur egungo irakastereduak aztergai dokumentala (laburpena) egin dabe proposamena ezagutzera emoteko asmoz.
Claude Iruretagoyena koreografo ospetsuak jauzien eta mutildantzearen sekretuak argituko ditu astegoienean Areatzan
2014-05-16 14:19 Kulturea
Aiko taldeak jantzan jarriko dau barriro be Areatza herria astegoien honetan, maiatzak 17 eta 18. Euskal jantzak zabaltzen dabilen musikari eta jantza-maisuen kolektibo honek Jantza Astegoiena antolatu dau barriro.
Manuel Vicente Cajon artistearen 'Alma mia' disko poetikoaren aurkezpen antzestua Bilbon
2014-05-16 12:40 kulturbiz
Bidebarrietako Liburutegiak Manuel Vicente Cajón artisteak ¡Alma mía! izenburupean landu dauen lehen disko poetiko musikala aurkeztuko dau gaur, barikua, maiatzak 16. Lana errezitaldi antzeztu batez aurkeztuko dau Bidebarrietako Liburutegiko ekitaldi-aretoan 20:00etatik aurrera, eta horren osogarri, Almario film laburra eskainiko dabe.
Euskaltzaindiak literatura lanak doban eskaini deutsez Euskal Herriko ikastetxeei
2014-05-16 11:37 kulturbiz
Euskerea sustatzea da Euskaltzaindiaren helburu nagusia eta, gauzak holan dirala, bere Argitalpen zerbitzuaren bitartez, Euskal Herriko ikastetxeei Bilbao Bizkaia Kutxa-Euskaltzaindia literatura lehiaketako lanak doban eskaini deutsez.
'Gerra Zibila Lekeition' ikus-entzunezkoa landuko dabe herriko ikastetxeetan
2014-05-16 11:02
Herriko historia eta ohituren transmisinoa hezkuntza formalean be emon behar dala eretxita, Lekeitioko Udalak www.ahotsak.com proiektuan jasotako lekukotzak herriko ikastetxeetara eroateko proiektua martxan ipini dau.
Javier Mariscal diseinatzaileak IV. Serifalaris topaketan parte hartuko dau
2014-05-16 10:23 jardunaldiak
Javier Mariscal sortzaile valentziarrak, Serifalaris diseinatzaile grafikoen laugarren topagunean hizlari lez jardungo dau Getxon. Maiatzaren 16an eta 17an egingo da Euskadin diseinu grafikoa zabaltzea eta sustatzea, sektorea agirikoa egitea eta zonaldeko profesionalen artean komunidadea sortzea helburu dituan topagunea.
Ane eta Markel dira Euskadin jaiotako umeen izen erabilienak
2014-05-15 15:40
1996tik hona, Ane da neska izena aukeratzeko orduan gurasoen faboritoa, eta ondoren, June, Irati, Nahia, Uxue eta Izaro. Mutikoentzako izen erabiliena, barriz, Markel da, eta jarraian, Jon, Iker, Oier, Ander eta Unai.
Bizkaiko Foru Aldundiak Ertibil Bizkaia 2014 erakusketea aurkeztu dau
2014-05-15 15:21 Kulturea
Edizino honetan, 35 urtetik beherako 104 artistek parte hartu dabe. Epaimahai kalifikatzaileak 14 obra aukeratu ditu, eta hiru sari berezi emon deutsez hiru sortze-lanei, euren balio artistikoak merezidu dauela uste izan dabelako. Aurtengo irabazleen artean, Maria Azconak (8848 metros) lehenengo saria eroan dau, Kristina Losak (Concrete) bigarrena eta Oihana Torrek (49 Kubo) hirugarrena.
Leioako Umore Azokeak 40.000tik gora ikusle batuko ditu datozen egunotan
2014-05-15 12:59 Kulturea
Maiatzaren 15tik 18ra, Umore Azokan 120 emonalditik gora ikusteko aukerea egongo da; 43 konpainiek 45 ikuskizun aurkeztuko ditue eta horreetatik 6 nazinoartekoak izango dira, Argentina, Frantzia eta Holandatik datozenak; 24 estadukoak, Aragoi, Asturias, Gaztela-Leoi, Katalunia, Valentzia Erkidegoa eta Murtziakoak, eta 13 euskal konpainia.
Oroimenaren Astea antolatu dabe Galdakaon, maiatzaren 16tik 25era
2014-05-15 11:49 kulturbiz
Galdakao Gogora alkarteak, Galdakaoko Udalaren laguntzinoagaz, Oroimenaren Astea antolatu dau hirugarren urtez. Ekitaldiak maiatzaren 16an hasi eta hilaren 25ean amaituko dira. Berbaldiak, erakusketa barria eta Burdin Hesia ezagutzeko urteerak atondu ditue.
'Arratsalde bat argazkilari batekin' jarduerea Bilboko Ondare Aretoan
2014-05-15 11:28 jardunaldiak
Maiatzaren 15ean, Carlos Villoch izango da lehenengoa bere esperientzia eta pasadizuak kontetan. Hilaren 20an, martitzenean, Santi Yañiz egongo da; eta 22an, eguenean, Mikel Bilbao. Hilaren 29an, Joseba del Villarren txandea izango da; eta, azkenik, bagilaren 5ean, eguenean, Xabier Armendarizek amaierea emongo deutso zikloari. Bilera guztiak 19:00etan hasiko dira, eta ordubeteko iraupena izango dabe, gitxi gorabehera.
UEUk 42 ikastaro eskainiko ditu Udako Ikastaroetan
2014-05-14 15:39 kulturbiz
Udako Euskal Unibersidadeak (UEU) bere 42. Udako Ikastaroak aurkeztu ditu gaur, maiatzak 14, eta danetara, 42 ikastaro antolatu ditu, pasa dan urteko jentearen erantzun bikainari eusteko asmoagaz, bagilaren 30etik garagarrilaren 23ra.
'Egoera eraldatuak', Bizkaiko Batzar Nagusien eta UPV/EHUko Arte Eder Fakultadearen erakusketa barria Bilbon ikusgai
2014-05-14 15:08 Kulturea
Egoera eraldatuak proiektua aurrez aurre ipinitako bi begiradaren arteko topaketa konplize lez azaltzen da. Bertan, bi artistek huts berezi baten inguruko alderdi garrantzitsuak topau nahi ditue, eta han lotura paradoxiko bat ezarri nahi dabe, absentzia eta presentzia alkarrizketa piktorikoaren ardatz nagusiak izanik.
EHUko Zientzia eta Teknologia Fakultadeak Landareakaz Liluratzeko Eguna ospatuko dau
2014-05-14 13:52
Euskal Herriko Unibersidadeko (EHU) Zientzia eta Teknologia Fakultadeak bat egingo dau maiatzaren 18an ospatzen dan Landareakaz Liluratzeko Egunagaz, eta eguazten honetan, maiatzaren 14an, landare liluragarri eta haziei buruzko erakusketak bisitetako eta landare baten erdigunera bidaia egiteko aukerea izango dira.
Malik Bendjelloul zinemagile suediarra hil da
2014-05-14 12:28 Barriak
Malik Bendjelloul zinemagilea bart hil da Stockholmen, 36 urte zituala, Sony Pictures Classics etxeak jakinarazo dauenez. Bendjelloulen heriotzea zerk eragin dauen ez dabe oraindino argitu, baina dagoeneko Poliziak ukatu egin dau hilketa baten ondorioz hil danik.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...