Alfredo Baeschlin arkitekto suitzarra omenduko dabe Abadiñon
2011-04-27 18:21 sariak-autortzak
Alfredo Baeschlin arkitekto suitzarra jaio zala 128 urte beteko dira eguenean, hilak 28. Abadiñon bizi izan zan eta 1929an Euskal Herriko baserrien arkitektureari buruzko liburua argitaratu eban. Baeschlin-en omenez, eguenean, Gerediaga Elkarteak 1984an Abadiñoko Astola auzoko beseleizan ipinitako plakea barritu egingo dau.
'Getxo Sound' disko-liburu bikotxa aurkeztu dabe
2011-04-27 15:59 Musikea
Getxoko Udalak udalerrian musika barriaren historia ezagutarazoteko asmoz, Getxo Sound-Getxoko Soinua-El Sonido de Getxo argitaratu dau. Alvaro Heras-Gröh getxotarrak egindako CD bikotxa-Liburuaren mila ale kaleratu dira, hedabide, liburutegi eta udal artxibategietan banatzeko.
Genetikea eta euskerearen jatorria aztertuko ditue Garesen
2011-04-27 15:19 Euskerea berbagai
Euskerearen Jatorriaren 6. Biltzarra maiatzaren 7an egingo da Garesen eta Stephen Oppenheimer genetisteagaz batera, Sergio Cardoso, Marian Martinez de Pancorbo eta Antonio Arnaiz genetistek hartuko dabe parte. Gai nagusia genetikeak Euskal Herriko historiari eta hizkuntzalaritzeari egin leikion ekarpena izango da.
Jon Zamalloa 'Txistu' musikari galdakoztarra hil da
2011-04-27 14:40 kulturbiz
Jon Zamalloa Txistu musikari galdakoztarra hil zan atzo, 56 urte zituala. Euskal musika eta jantza alorrean ibilbide oparoa euki eban, Andra Mari jantzari taldearen eskutik. Hileta eleizkizuna gaur izango da, hilak 27, Galdakaoko Andra Mari Parrokian, 19:00etan.
Matematikeak eguneroko bizimoduan daukan eragina ezagutzeko berbaldiak antolatu ditue
2011-04-27 13:42
Maiatzaren 5ean Matematika eguneroko bizimoduan izenburuko berbaldi-zikloaren zortzigarren edizinoa hasiko da Bilboko Bidebarrieta liburutegian. Zikloa jakin-mina daukan edonori zuzenduta dago, antolatzaileek azaldu dabenez: gazteak, gurasoak, irakasleak, matematika gorroto dabenak...
Jose Antonio Arana Martija euskaltzainaren aldeko hiletak gaur, Gernikan
2011-04-27 12:15 kulturbiz
Jose Antonio Arana Martija euskaltzaina apirilaren 26an hil zan, 80 urte zituala. Euskaltzaindiak euskaltzain oso izentau eban 1988an. 2006an euskaltzain emeritua izentau eben. Hileta eleizkizuna gaur izango da, hilak 28, 19:00etan, Gernikako Andra Mari parrokia nagusian.
Abian da hó PLAY Bideo-jokoen Nazioarteko II. Lehiaketea
2011-04-27 11:37 kulturbiz
Bilboko Alondigeak hó PLAY Bideo-jokoen Nazioarteko II. Lehiaketea ipini dau martxan. Ekimenaren helburua bideo-joko originalenak, barritzaileenak, ludikoenak eta hezigarrienak aintzat hartzea eta saritzea da.
DF Bertsozale Eskola'11: bertsolaritzea hobeto ezagutzeko aukera parebakoa
2011-04-26 18:09 Bertsolaritzea
Maiatzeko eguenetan Durangoko Plateruenan izango dan DF Bertsozale Eskola hau bertsozaleriari zuzendutakoa da, zaleari oro har; bertsoaz gehiago jakin eta gozau gura dauen edonori bertsogintzeari buruzko dibulgazino saio didaktikoak eskaintzea da asmoa.
Hizkuntza-teknologiako barrikuntzak danon eskura BerbaTek proiektuaren webgunean
2011-04-26 17:21
BerbaTek hiru urterako (2009-2011) ikerketa estrategikoko proiektua da. Hizkuntza-, ahots- eta multimedia-teknologiak garatzea dau helburu, eta itzulpena, irakaskuntza eta edukiak lantzen dituan sektore ekonomiko zabalaren euskarri teknologiko nagusia izan nahi dau.
Jantzaren Nazinoarteko Eguna jantzan ospatzeko aukera ederra
2011-04-26 15:47 Kulturea
Bilbok Jantzaren Nazinoarteko Eguna ospatuko dau barikuan, hilaren 29an, jantza saio edegi bategaz. Jantzaldia Arriaga plazan egingo da, 17:00etan, eta edonork parte hartu ahal izango dau.
Gordexolako VI. Dultzaina Eguna ospatuko da maiatzaren 1ean
2011-04-26 15:34
Ohitura zaharrei eta Euskal Herrian sendo dirauten musika-tresnei eustea da jaiaren helburu nagusia, Gordexolako Udaleko iturriek jakinarazo dabenez.
Itsaspeko Zinearen Nazioarteko 35. Zikloa martxan da Donostian
2011-04-26 14:58 Barriak
Itsaspeko Zinearen Nazioarteko 35. Zikloak hogeita hamahiru film eskainiko ditu hilaren 26tik 30era bitartean Donostian. Emonaldi guztiak Andia kaleko Kutxaren aretoan egingo ditue eta doban izango dira.
SPRIk bulego bat zabaldu dau Beijinen
2011-04-26 14:35 Euskaldunak munduan
Momentu honetan, automozino, energia, makina-erreminta zein bestelako sektoretako 120tik gora euskal enpresak ezarpen iraunkorrak ditue Txinan.
Asteon 'No tengas miedo' pelikula barria estreinauko dau Montxo Armendarizek
2011-04-26 13:01 Barriak
Montxo Armendariz zinema zuzendariak No tengas miedo pelikulea estreinauko dau barikuan, hilaren 29an. Adinbakoek sufriduten dituen sexu-gehiegikerien ingurukoa da zinegile nafarraren film barria. Michelle Jenner, Belén Rueda eta Lluís Homar aktoreak dira protagonista nagusiak.
Egun batzuk besterik ez Bilboko Aste Nagusiko Bertoko Taldeen Pop-Rock Erakustaldian izena emoteko
2011-04-26 12:09 Musikea
2011ko Aste Nagusirako antolaketa lanak abian dagoz eta horregaz batera baita Aste Nagusiko Bertoko Taldeen Pop-Rock Erakustaldia be. Erakustaldian parte hartu gura izan ezkero, izena emoteko epea apirilaren 28an amaituko da.
Aitzol Aramaio zinema zuzendari ondarrutarra hil da
2011-04-26 11:24 Barriak
Aitzol Aramaio (1971, Ondarroa) zinema zuzendaria hilda topau eben zapatuan bere etxean. Antza danez, lo egoala bihotzekoak jota hil zan. 2003an Terminal film laburrari esker sari ugari irabazi zituan. Luzemetraia bakarra egin eban, Unai Elorriagaren SPrako tranbia nobelan oinarritutako Txokolalate apur bat.
Mikel Urdangarinen zuzeneko diskoaren masterizazinoa amaitzen dabil Mikel F. Krutzaga
2011-04-20 16:44 Musikea
Mikel F. Krutzaga produktore eta soinu-teknikaria Mikel Urdangarin musikariaren zuzeneko disko barriaren nahasketak amaitzen dabil Musikart estudioetan.
Ikasle nerabeek telebista edo Internet behar bezela erabilten ikasi behar dabela dino EHUko katedra batek
2011-04-20 15:53
Hauxe da gure hipotesia: landu daiguzan telebistak transmitiduten dituan edukiak, deskodetu daiguzan. Zer ari da gertatzen hor? Normala al da sexu-harremanak izatea irakasleen eta ikasleen artean? Normala al da gazteek darabilten hizkerea? Zergaitik dago ondo? Zergaitik txarto?
Zortzi proiektu aukeratu dira Jet Lag Ideiak 11 lehiaketan
2011-04-20 12:59 jardunaldiak
Ideia irabazleak hurrengoak dira: 100% fragmentados, Mercedes Alvarezena; Retromáquina, Mariangela Arteserena; Kalemonsters, Raul Lopezena; Miradas urbanas, Maitane Galarragarena; Oasis floracústicos, Jonathan Garciarena; Txalabilbote, Laura Silesena; Bilbao photowalk (Bilbao PW), Jon Egurrolarena; eta Urban knitting Bilbao, Ana Gonzalezena.
Kimuak 2011 programarako deialdia egin barri dabe
2011-04-19 18:44 Barriak
Kimuak 2011 azken urtean film laburren bat egin daben euskal zinemagileei zuzendutako programarako deialdia argitaratu barri dabe Eusko Jaurlaritzako Kultura Sailak eta Euskadiko Filmategiak. Epea garagarrilaren 8an amaituko da.
Sarrera behar da? Aurretik erosi behar da?
»» 'Erbestez erbeste', bertso saio literarioa