Izaki Gardenak taldeak 'Itsargiak' lehenengo disko laburra argitaratu dau
2012-11-07 17:33 Musikea
Jon Basagurenek aurkeztu barri dau Izaki Gardenak (Oihuka) proiektua. Itsasargiak disko laburra da lehenengo emoitzea. Amerikar musikea, popa eta rocka nahastau ditu, ahotsari garrantzi berezia emonez. Zemendiaren 10an Gasteizko Gaztetxean joko dau, 21:00etan.
Zarautzen batuko dira Euskal Herriko bertso-eskoletako kideak zemendiaren 24an
2012-11-07 16:53 Bertsolaritzea
Beeee Eguna Euskal Herriko bertso-eskolen Topaketea zemendiaren 24an izango da, Zarautzen. Hango eta hemengo helduen bertso-eskolen arteko harremonak egitea eta alkarregaz bertsoaz, jaiaz, lagun taldeaz gozetako egitaraua atondu dabe.
Bilboko XXXI. Nazinoarteko Txotxongilo Jaialdia zemendiaren 19tik 25era bitartean izango da
2012-11-07 14:52 Kulturea
Danetara, Kuba, Kolonbia, Hungaria eta Mexiko zein Katalunia, Andaluzia, Kantabria Kanarietako eta Bizkaiko, Leioako taldeek 10 ikuskizun eta 19 emonaldi eskainiko ditue. Horrezaz gan, ikastaroak, berbaldiak, erakusketak, liburu aurkezpenak, omenaldiak eta proiekzinoak be izango dira aurten.
Kontseiluak euskeraz biziteko eskubidea aldarrikatuko dau abenduaren 1ean Donostian
2012-11-07 14:36 Euskerea berbagai
Osasun arloan euskeraz bizi nahi daben hainbat herritarrek eta Kontseiluko idazkari nagusi Paul Bilbaok agerraldia egin dabe Bilbon. Euskeraz biziteko nahia abenduaren 1ean Euskaraz bizi nahi dugu lemapean Donostian egingo dan manifestazinoan aldarrikatuko dala aurreratu dabe, eta herritarrei parte hartzeko deia egin deutsie.
Artea eta ekologia aztertuko ditue Leioako III. Su + Arte Sinposioan
2012-11-07 13:11 jardunaldiak
EHUko Arte Ederren Fakultadeko Ikasketa Barrikuntzako eta Kalidadeko Dekanordeak artearen eta ekologiaren arteko hartu-emona aztergai izango dauan III. Su + Arte Sinposioa antolatu dau Leioako Campusean. Zemendiaren 7an eta 8an egingo ditue topaketak.
'Palosanto' Ion Macareno eta Fernando Mestreren erakusketea, Bilboko Batzar Nagusietan
2012-11-07 12:45 Kulturea
Ion Macareno eta Fernando Mestre EHUko Arte Eder Fakultadeko artistek Palosanto erakusketea edegiko dabe iluntzean Bilboko Batzar Nagusietako egoitzan. Zemendiaren 30era arte egongo da zabalik.
Literaturea, zinemea eta mendia berbagai egunotan, Gasteizko EHUko Letren Fakultadean
2012-11-07 11:56
Literatura, zinema eta mendiari buruzko II. Jardunaldiak hasi barri ditue Gasteizko EHUko Letren Fakultadean. Aurten jardunaldiak goiz eta arratsaldez egingo ditue. Esplorazino geografikoa, kirol eta mendiko jarduerak, mendi liburuak eta beste hamaika gai jorratuko dira zemendiaren 9ara arte.
Europar LUX Sariak jaso dituen filmak Euskadiko zinema-aretoetan egongo dira ikusgai Zineuskadiri esker
2012-11-07 10:50 Barriak
Zemendian, Media Antena Euskal Herria-ren laguntzinoari esker, azken hiru edizinotan Lux Sariak jaso dituen filmak ikusgai egongo dira Tolosan, Ordizian, Barakaldon eta Andoainen, Zineuskadiren areto sarearen barruan dagozan zinemetan.
Simon Singh zientzia-idazlearen 'Kodeen liburua' argitaratu dau Elhuyarrek
2012-11-07 10:40
Simon Singh zientzia-idazlearen Kodeen liburua. Kodeen eta kodeak hausteko sistemen historia sekretua (The Code Book) dibulgazino-liburua euskerara itzuli eta argitaratu berri dau Elhuyar Fundazinoak. Z izpiak bildumako laugarrena da, publiko orokorrari zuzenduta dago.
Iruña-Veleira buruzko I. Nazinoarteko Biltzarra egingo dabe Gasteizen, zemendiaren 24an
2012-11-06 17:10 jardunaldiak
Zemendiaren 24an egingo da Iruña-Veleiari buruzko I. Nazinoarteko Biltzarra, Gasteizko Europa jauregian. Edwar Harris, Antonio Rodriguez Colmenero eta Francico Javier Santos adituek hartuko dabe parte batzarrean, besteak beste
Green Day, Two Door Cinema Club, Delorentos, Delorean, We Are Standard eta L.A. Bilbao BBK Live jaialdian izango dira
2012-11-06 13:18 Musikea
Bilbao VIII. BBK Live jaialdiko bigarren kartelburua ezagutarazo dabe gaur: Green Day, hain zuzen be; talde estadubatuarraren kontzertua gaur bertan iragarri dabe antolatzaileek eta, aurreikusitakoaren arabera, 2013ko udan eskainiko daben kontzertu bakarra izango da Bizkaiko uriburukoa.
Zientziaren Asteak gizartea eta zientzia hurreratuko ditu egunotan Bilbon, Gasteizen eta Donostian
2012-11-06 11:02
Bilboko Alondigan, Donostiako Artzain Onaren plazan eta Arabako Campusean egingo da UPV/EHUko Zientziaren, Teknologiaren eta Barrikuntzearen Astea zemendiaren 7tik 11ra arte. Jaialdi ludiko eta pedagogiko honek zientziaren eta teknologiaren mundura erakarri gura dau gizartea.
III. Argia Ereiten Euskara Sarirako hautagaiak aurkezteko azken egunak
2012-11-05 16:36 Euskerea berbagai
Euskerearen gizarte erabilerea babestu, sustatu edo zabaltzeko zereginetan nabarmendu diran erakunde, alkarte edo persona fisiko nahiz juridikoak goraipatzeko helburuagaz, Getxoko Udalak Argia Ereiten Getxoko Euskara Sariaren hirugarren edizinoa dauka martxan.
Hemen da aurtengo PreZinebi egitaraua
2012-11-05 14:50 Barriak
Zinebi Bilboko Zine Dokumental eta Film Laburren Nazinoarteko Zinemaldiaren 54. edizino zemendiaren 16an hasiko da, lehenago, hilaren 9tik aurrera, PreZinebi egitarauari ekingo deutse. PreZinebiko emonaldi guztiak doban dira. Javier Gullón Hierro filmearen gidolariaren berbaldiak abiatuko dau zemendiaren 9an PreZinebi.
Prestik'12 Bizkaiko gazteentzako enplegu azokea Bilbon
2012-11-05 14:26
Azokea enpleguaren, autoenpleguaren, ekintzailetzaren edo 30 urtetik gorakoen prestakuntzan zeresana daben enpresa, entidade eta erakunde guztien topaleku izango da.
Manuel Lekuona gogoratuko dabe zemendiaren 7an Oiartzunen
2012-11-05 10:56 sariak-autortzak
Manuel Lekuona euskaltzaina, antropologoa eta hizkuntzalaria hil zala 25 urte bete diran honetan (garagarrilaren 30ean), Oiartzungo Udalak omenaldia eskainiko deutso Etxetxikiko abadeari.
Oihana Bartrak irabazi dau finalaurrekoetarako azken txartela
2012-11-05 10:06 Bertsolaritzea
Datorren zemendiaren 18an, 17:30ean, Basauriko Kiroldegian jokatuko da Bizkaiko Bertsolari Txapelketako lehenengo finalaurrekoa. Kantauko daben bertsolariak: Eneko Abasolo, Onintza Enbeita, Arkaitz Estiballes, Oihana Bartra, Gorka Lazkano eta Iñaki Iturriotz.
Getxoko Euskal Kulturearen XIV. Jardunaldiak laster hasiko dira
2012-11-02 14:55 jardunaldiak
Hemen dira aurten be Getxoko Euskal Kulturearen Jardunaldiak. Hamalaugarren edizino honetan berbaldi, tailer eta emonaldi ugari atondu ditue ume eta helduentzat.
Xare euskerazko teknologia barrien azokea egingo dabe Donostian
2012-11-02 13:55
Xare euskerazko teknologia barrien azokea egingo dabe Donostian zemendiaren 23an eta 24an. Kursaalen teknologia barrietan euskerea bultzatzeko proiektuak eta ekimenak izango ditue berbagai ikastaro, berbaldi eta lehiaketetan. Sarrerea doban izango da.
Antzerkizale Egunak egitarau ederra eskainiko dau zapatuan Usurbilen
2012-11-02 12:23 Kulturea
Usurbilen egingo dabe zapatuak, hilak 3, III. Antzerkizale Eguna. EHAZE Euskal Herriko Antzerkizale Alkarteak emonaldi ugari atondu ditu eskualdeko antzerki taldeen lanekaz. Besteak beste, Lasarte Kukuka antzerki eskoleak, Andoaingo Katramilak eta Bilbo, Ondarroa eta Markinako eskolek parte hartuko dabe.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...