Hainbat jarduera antolatu ditu GetxoPhotok iraileko lehenengo astean
2011-08-02 12:52 Kulturea
GetxoPhoto ekimenaren bosgarren edizinoak zahartzaroari gorazarren egingo deutso, irailaren 1etik 10era bitartean. Hogei bat erakusketa egongo dira ikusgai hilabetez, baina jaialdiaren lehenengo astean, ganera, bestelako jarduerak atondu ditue Getxon, tailerrak, erakustaldiak eta abar. Izena emotea behar-beharrezkoa da.
Araiako Umore Antzerkiaren Jaialdiak makina bat emonaldi eskainiko ditu abuztuan
2011-08-01 15:17 Kulturea
Araiako XVIII. Umore Antzerkiaren Jaialdia abuztuaren 12an hasiko da Gorakada, Les Grotesques eta Botproject konpainien eskutik. Gorakadak Jim altxorraren uhartean taularatuko dau; Las Grotesquesek, Sin balas; eta Botprojectek, Collage. Arabako udako jaialdi nagusia da Araiakoa.
Shangaiko Erakusketa Unibersalerako egindako 'Argizko larruazala' eskulturea, Bilboko Itsas Museoan ikusgai
2011-08-01 14:04 Kulturea
Esther Pizarrok Shangaiko Erakusketa Unibersalerako egin eban eskulturea ikusgai egongo da Bilboko Itsasadarra Itsas Museoan, 2012ko garragarrilera arte. Bilboko Udalak doban itxi deutso Argizko larruazala obrea museoari.
'BilbaoHistorikoko mila aurpegi' erakusketeak edegi dau ExpoGela areto barria
2011-07-29 12:18 Kulturea
Jorge Lamas argazkilari bilbotarraren BilbaoHistorikoko mila aurpegi erakusketeagaz edegi dau BilbaoHistorikok Expogela erabilera anitzetarako gune barria, Bilboko San Frantzisko kalean. ExpoGela auzoko informazino zentroa izango da, eta inguruan egiten diran jardueren barri emongo dau.
EHUko Arte Eder Fakultadeko hiru artistaren lanak ikusgai dagoz egunotan Moskun
2011-07-27 15:53 Kulturea
Jokes and Nightmares, Spanish video art from Dalí to the present day izeneko erakusketan parte hartuko dabe Josu Rekalde UPV/EHUko Arte Ederretako irakasle eta dekanoak eta Francisco Ruiz de Infante eta Pepo Salazar zentro bereko ikasle ohiek, Moskuko Na Solyanke galerian. Ekimena Espainia-Errusia 2011 Urte Dualaren barruan dago. Taldeko erakusketea abuztuaren 21era arte egongo da zabalik.
Aita Lino Akesolo aztergai, 'Idatz & Mintz' aldizkariaren 51. zenbakian
2011-07-26 11:21 Kulturea
Idatz & Mintz aldizkariaren 2011ko lehenengo zenbakia kaleratu barri dau Labayru Ikastegiak. 51. zenbaki honetan, literatureagaz lotutako hainbat idazlan batu dira: esaterako, Aita Lino Akesolo ekarri dabe gogora Adolfo Arejitak eta Juan Manuel Etxebarriak artikulu banatan, haren jaiotzaren mendeurrena oraintsu bete dala kontuan hartuta.
Telesforo Monzonen omenezko pastorala aurkeztuko dau Larraineko herriak abuztuaren 13an
2011-07-19 14:10 Kulturea
Aurtengo pastoralak Telesforo Monzon politikari eta kultur gizon ezaguna izango dau protagonista. Jean Bordaxar kantari zuberotarrak idatzi dau Monzon pastorala, eta Larrainen eszenaratuko dau, abuztuaren 7an eta 13an. Hirugarren emanaldia Monzonen jaioterrian bertan egingo dabe, Bergaran, irailaren 17an.
New York City Ballet konpainiaren 'Stars of Ballet', Bilboko Guggenheim museoan
2011-07-19 11:28 Kulturea
Works & Process at the Guggenheim izeneko egitarauaren barruan, New York City Ballet konpainiako izarrik garrantzitsuenak Guggemnheim Museoan izango dira, abuztuaren 2an, 19:00etan. Stars of Ballet ikuskizuna eskainiko dau, hain zuzen be, New Yorkeko taldeak.
Blas de Otero - Bilbo Hiria Nazinoarteko IV. Poesia Sariak igazko parte-hartzea hirukoiztu egin dau
2011-07-18 14:33 Kulturea
Lanak jasoteko epea amaitu ondoren, gaztelaniazko 241 poema bilduma eta euskerazko 13 jaso dira. Igaz, barriz, gaztelaniazko 71 lan eta euskerazko 5 jaso ziran.
Badator Portugaleteko Nazinoarteko XXVII. Folklore Jaialdia
2011-07-15 15:45 Kulturea
Garagarrilaren 17tik 31ra, Portugaleteko Elai Alai Kultur Elkarteak konbidauta, 280 jantzari eta musikari baino gehiago ikusiko doguz jantzan Portugaleten ez eze baita Euskal Herrian zehar be. Aurten, Kolonbia, Egipto, Indonesia, Martinica, Serbia, Togo eta Udmurtiako taldeak izango dira gurean Elai Alai taldegaz batera eta Portugaleten eta Euskal Herriko 28 udalerritan ikusi ahal izango dira jantza saioak.
'ArtFutura XXI', kultura digitaleren bilakaerea ikusgai Bilboko Alondigan
2011-07-14 15:28 Kulturea
Azken hogeita bat urteetan ArtFutura ekimenak emon dituan lan adierazgarrienen antologia erakusketa batean batu dabe Bilboko Alondigan, ArtFutura XXI. Etorkizuna berraztertzen izenburupean. Jaialdiaren ibilbide historikoaz gan, Sachiko Kodama, Paul Friedlander eta Theo Jansen artisten lanak be ikusgai dagoz. Irailaren 2ra arte egongo da zabalik erakusketea.
XVII. mendeko tapiz zaharbarritua aurkeztu dau Bilboko Arte Eder Museoak
2011-07-13 15:52 Kulturea
Lehoia, ibai baten ertzean XVII. mendeko tapiz zaharbarritua aurkeztu dau Bilboko Arte Eder Museoak. Francisco Tons maisu ezagunaren Pastrana (Guadalajara, Espainia) tailerrean egindako lana da, 1622 eta 1626 urteen artean. Tapiza bost piezako bilduma baten parte da.
'Zaharrei gorazarre' egingo deutse aurten GetxoPhotok
2011-07-12 18:21 Kulturea
Begihandi kolektiboak eta Imanol Landak, Getxoko Alkateak, GetxoPhoto Jaialdiaren irudi barria eta egitarauaren aurrerapena aurkeztu ditue gaur goizean Algortako Portu Zaharrean. Bosgarren edizinoa beteko dau Jaialdiak eta oraingoan zahartzaroa goraipatzea proposatuko dau, datorren irailaren 1etik 30era.
Lekeitioko Kale Antzerki Jaialdiak 25.000 lagun batu zituan astegoienean
2011-07-12 10:40 Kulturea
Joan dan barikuan, garagarrilaren 8an hasi, eta domeka iluntzean amaitu zan Lekeitiko Kale Antzerki Jaialdia. Antolatzaileek azaldu dabenez, gauetan batu da ikusle gehien. Aurten eguraldia lagun izan dau Lekeitioko jaialdiak, eta emonaldi bakarra egin behar izan dabe eleizako arkupeetan.
Gasteizeko Txotxongiloen Udako Erakustaldia martxan, domekatik aurrera
2011-07-08 13:14 Kulturea
Txotxongiloen Udako Erakustaldia abiatuko da domekan, hilaren 10ean, Gasteizen. Aurten be egitarau bete-betea atondu dabe; irailera bitarteko zapatu eta domeketan makina bat emonaldi izango dira aukeran urian.
Egungo euskal haur eta gazte literaturearen historia batzen dauen liburu bat argitaratu dau UPV/EHUk
2011-07-07 18:03 Kulturea
Xabier Etxanizek eta J.M. López Gasenik zuzendu dabe ale hau, Jon Kortazar irakasle eta ikastaro honen koordinatzaileak gidatzen dauen Euskal Literatura Saila bildumearen barruan dagoana. BizBAKeko ikastaroetan parte hartutako adituek euren azterketak sartu ditue ale honetan.
Algortako Itxartu Taldeak Klatovy-ko XVIII. Nazioarteko Folklore Jaialdian parte hartuko dau Euskadiren ordezkari moduan
2011-07-07 12:29 Kulturea
Klatovy-ko aurtengo jaialdian, Mexico, Kolonbia, Alemania, Grezia, Serbia, Eslobenia eta Txekiar Errepublikako taldeek parte hartuko dabe Itxartukoakaz batera; helburuetako bat, euren artean hartu-emonak sortu eta sendotzea izango da, antolatzaileek adierazo dabenaren arabera.
Ezpadantzari Egunaren 39. edizinoa Garain, garagarrilaren 9an
2011-07-06 12:57 Kulturea
Ezpadantzari Egunaren 39 edizinoa izango da zapatukoa, garagarrilaren 9koa, Garain. Antolatzaileek adierazo dabenez, danetera Durangaldeko hamasei taldek parte hartuko dabe. Eguna arratsaldean hasiko dabe, 18:30ean, kalejireagaz.
Magritterren 'La Belle Societe', Bilboko Arte Eder Museoko obra konbidatua
2011-07-05 18:14 Kulturea
René Magritteren La Belle Societe lana izango da Arte Eder Museoko Obra Konbidatua, garagarrilaren 5etik irailaren 25era arte. 1965-66 urteen artean pintau eban, hil baino apur bat lehenago. La Belle Société lanean personaia beraren silueta bi gainjarten ditu egileak, baina gizon baten irudiaren ordez, natura eta paisaje irudiak dituan siluetea ipinten dau.
Berreginen Museoa zabalik egongo da astelehenean, garagarrilaren 4an, Balendin Berriotxoa Santuaren Egunean
2011-07-01 10:52 Kulturea
Bizkaiko Foru Aldundiaren eta Bilboko Udalaren Kultura eta Hezkuntza Sailaren esku dagoan Arte Berreginen Museoak ordutegi berezia izango dau hurrengo domekan eta astelehenean, Balendin Berriotxoa Santuaren jaiagaz bat etorriz. Bi egun horreetan goizeko 10:00etatik 13:30etara eta arratsaldeko 16:00etatik 20:00etara bitarteko ordutegia izango da.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...