II. Euskal Nobela Baltzaren Astea urtarrilaren 18tik 24ra
2016-01-18 13:32 Kulturea
Barriketaldiz eta liburu aurkezpenez jositako egitaraua atondu dabe. Astea proiektu berri baten aurkezpenagaz abiatuko dabe ganera: (H)ilbeltza beltzaz webgune barriaren aurkezpena. Antolatzaileek adierazo dabenez guneak hainbat atal izango ditu: Elkarrizketa, Generoaz, Puska beltzak, Liburu aipamenak, Izara Beltzeko izarrak eta Beltzometroa.
Expodistrito zikloak hainbat erakusketa eroango ditu Bilboko auzoetara
2016-01-18 10:23 Kulturea
Urtarrilaren 18tik apirilaren 14ra bitartean egongo da martxan Expodistrito ekimenaren lehenengo hiruhilekoko programazinoa. Bost pintura-erakusketa ipiniko ditue, Bilboko zortzi udaltegitan. Arteagaz lotutako eskaintzea deszentralizau eta artista gazteen lanak publikoari hurreratzea dira Expodistritoren helburuak, Bilboko Udaleko Kultura Sailak azaldu dauenez.
Liburutegi edegi barriztua jarri dau sarean Susa argitaletxeak
2016-01-15 11:03 Kulturea
Oraintsu webgunea barriztu egin dau Susak liburutegi edegi izakerea areagotuz. 1983an argitaratu eben Xabier Montoiaren Anfetamiñak poesia liburutik oraingoz barriena daben Harkaitz Canoren Beti oporretan narrazino bildumara, 325 tituluko katalogoa osotu dabe hiru hamarkadotan. Ganera, horreetako gehienak, 300 inguru, osorik irakurri daitekez on-line, doban.
Arabako Alea komunikabide multimedia sortu da, Arabako euskaldunei informazinoa emoteko
2016-01-15 09:28 Kulturea
Bat egin dabe Hirinet atariak eta Alea astekariak, papelezko, interneteko eta irratiko hedabide barri bat sortzeko, Arabako Alea. Herrialde horretako barriak euskeraz emongo ditu. Gaurtik aurrera martxan da proiektu komunikatibo barria, eskaintza zabalekoa, alkarlanean oinarritua eta Arabako eskualde guztietarako aproposa izateko asmoz.
Gabriel Aresti ipuin lehiaketarako deialdia zabaldu dau Bilboko Udalak
2016-01-14 13:54 Kulturea
Dagoeneko, 33. aldia beteko dau lehiaketa horrek eta, ohiko moduan, euskeraz zein gaztelaniaz idatzitako ipuinak sarituko ditu. Sari nagusi bi eta akzesitak emongo ditue. Bilboko Udalak jakin eragin dauenez, martiaren 31ra arteko epea dago lanak aurkezteko. Gabriel Aresti ipuin lehiaketeak gero eta parte-hartzaile gehiago dituala nabarmendu dabe antolatzaileek.
Miren Garatek irabazi dau Tene Mujika Saria
2016-01-14 12:49 Kulturea
Miren Garate kazetari azpeitiarrak irabazi dau aurtengo Tene Mujika bekea, azken urteotako krisi ekonomikoaren eraginak kontau nahi dituan Ekaitzaren zipriztinak izenburuko egitasmo bategaz. Euskal Herriko hurreko historiaz idazteko ez-fikzinozko proiektuak saritzen ditu Debako Udalak eta Elkar argitaletxeak antolatutako beka honek.
Hiru erakusketa izango dituan #Burdinkolorea zikloa hasi da Bilboko Itsas Museoan
2016-01-14 12:45 Kulturea
Hiru pintore, hiru begirada Bilboko Itsasadarraren historiari, lanbideei eta eraldaketeari, horixe da Bilboko Itsas Museoak urte barrirako proponiduten dauena. Txandaka, Antonio Aldama, Jose Abel eta Enrike Zubiaren obrek hartuko dabe museoa #Burdinkolorea zikloan. Gaur hasi eta martiaren 13ra bitartean egongo da lehenengo erakusketea, Aldamaren Metalezko argia.
Oscar Castaño 'Garbitxu' SGAE Euskadiko Lurralde Batzordearen buru izango da
2016-01-14 12:06 Kulturea
Abenduan Xabi Puerta presidente ohiak dimisinoa emoterakoan aurreratu lez, atzo SGAE Euskadiko Lurralde Batzordearen bilerea izan zan eta, bertan, Batzordekideek presidente barri baten hautaketearen gaia jorratu eben; azkenean, urte erdialderantz hauteskundeak egin arte behintzat, Oscar Castaño Garbitxu bizkaitarra Batzordearen presidente lanetan ibiliko dala erabagi eben.
Itsasoratze Artibistea gizartea aldarazoteko eta bakea eregiteko
2016-01-13 17:07 Kulturea
Itsasoratze Artibistea gaur egungo premina sozialei artearen bidez ekiteko ikerketa, partaidetza, eta erakusketa-prozesu bat da. Gernika Gogoratuzek, Gernikako Bakearen Museoak eta Donostia 2016 Fundazinoak sustatutako programa honen helburua gatazka giroa eraldatzeko sormen-bideak eta indarkeriarik bakoak iradokitzea eta ikertzea da.
Bilbo eta Bizkaira bisitariak erakarteko plana aurkeztu dau Foru Aldundiak
2016-01-13 16:31 Kulturea
Guztira, 18 herrialdetako 33 uritan Bilbo eta Bizkaiaren eskaintza turistikoa ezagutzera emongo dabe, Kanpo Sustapenerako Estrategia 2016 plangintzearen arabera. Nazinoarteko biltzar, topaketa eta aurkezpen nagusietan egon nahi dabe Bizkaiko Foru Aldundiak eta Bilboko Udalak. Batez be, turismo profesionala, luxuzkoa eta itsas-bidaietakoa erakarri nahi dabe.
Calixto Bieito izango da Arriaga Antzokiko zuzendari artistikoa
2016-01-13 14:17 Kulturea
Emilio Sagik itxitako hutsunea beteteko, Calixto Bieito proponidu dau Bilboko alkate Juan Mari Aburtok. Bieito izango da, beraz, Arriaga Antzokiko zuzendari artistikoa aurrerantzean. Esperientzia luzea dauka Bieitok artearen munduan, batez be operak zuzentzen eta proiektu artistikoak aurrera eroaten.
Abian da aurtengo Barriek programea Rekalde Aretoan, Miriam Isasiren erakusketeagaz
2016-01-13 12:26 Kulturea
Orain hasi eta 2017ko urtarrilera arte martxan egongo dan Barriek zikloaren barruan, bakarkako sei erakusketa ipiniko ditue Bilboko Rekalde Aretoan. Artista gazteak bultzatzeko Bizkaiko Foru Aldundiak emoten dituen beken onuradunak dira seirak. Lehenengo erakusketea, martira bitartekoa, Miriam Isasirena da.
Desgaitasunak daukiezan personentzat aproposak diran lau ibilbide aurkeztu ditue #Bizkaia4all ekimenean
2016-01-12 17:07 Kulturea
Ekimen publikoak eta pribaduak bat eginda sortu dabe #Bizkaia4all proiektua, astialdirako eta turismorako aukerea herritar guzti-guztiei emoteko asmoz. Holan, lau pakete turistiko eratu ditue Bilbo eta Bizkaiko txokorik erakargarrienak ikusteko. Desgaitasunak daukiezan personek gainbegiratu ditue lau ibilbideak, irisgarritasun baldintzak beteten dituela ziurtetako.
'Monsieur de Pourceaugnac' komedia-balleta Bilboko Arriaga antzokian, hilaren 17 eta 18an
2016-01-12 11:11 Kulturea
Moliere idazle frantses ezagunak 1669an sortutako piezea da Monsieur de Pourceaugnac. Gaur egun gitxitan antzezten dan ikuskizuna Les Arts Florissants jantza-taldeak eroango dau Arriaga antzokiko oholtzara urtarrilaren 17 eta 18an, William Christie zuzendari dala. Obrearen bersino honen erabateko estreinaldia orain dala hilabete eskas egin zan, Caen urian.
Bilboko Euskalduna Jauregiko Gabonetako programazinoak 35.000 ikusle erakarri ditu
2016-01-12 10:12 Kulturea
Abenduaren 12tik urtarrilaren 10era bitartean, 31 emonaldi egon dira Euskalduna Jauregian. Horreetatik hamaikatan, sarrera guztiak saldu dira. Guztira, ia-ia 35.000 ikusle joan dira antzoki horretara eta 735.000 euro batu dira. Ganera, DreamWorks produktorearen lanei buruzko erakusketea dago Euskaldunan, zezeilaren 14ra arte.
Martin Olmos eta Pablo Martinez kazetariak aurrez aurre Eztabaidak Literatureagaz ekimenean
2016-01-11 16:57 Kulturea
Bilboko Bidebarrietako Kulturgunean, urtarrilaren 12an, martitzenean, 19:30ean, Literaturea eta kazetaritzea: distantziak eta mugak izeneko topaketan Martin Olmos eta Pablo Martinez kazetari eta idazle bilbotarrak batuko dira Juan Carlos de Rojo kazetariak gidatutako saioan.
Zuberoako maskaradak hasiko dira domekan, Sohütako gazteen eskutik
2016-01-08 14:13 Kulturea
Urtarrilaren 10ean hasi eta apirilaren 10era bitartean, Zuberoako dozena bat herritan ibiliko dira Sohütako herritarrak maskaradearen 2016ko ekitaldian. Lantalde gazte baten buru, Battitta Berrogain eta Alain Guimon izango dira errejenta edo zuzendariak.
Getxoko Wanted idea lehiaketearen 2015eko edizinoan bost proiektu saritu ditue
2016-01-08 13:06 Kulturea
Getxoexpress, Lola y Dolo, Ejes de precisión para longboard, RedMedia Productions eta Eskubeltz 25, koloreak zabaltzen dira Getxoko Udaleko Gazteria Zerbitzuak eta Ekonomia-Sustapen sailak deitutako Wanted idea lehiaketearen zazpigarren edizinoan saria irabazi daben bost proiektuen izenak.
La Encartada museoa doban bisitau ahal izango da domekan, 9. urteurrena ospatzeko
2016-01-08 11:36 Kulturea
Balmasedan dago La Encartada fabrika-museoa, izen bereko txapel-fabrikea egon zan lekuan. Museoaren 9. urteurrena ospatzeko, doban ikusi ahal izango dira bertako erakusketak domekan, hilak 10. Ganera, lau bisitaldi gidatu egongo dira.
Cristina Iglesias eskultoreak jasoko dau Urrezko Tanborra
2016-01-08 11:01 Kulturea
Urrezko Tanborra Iglesiasi emoteko erabagia aho batez hartu dau Donostia Turismok, eta urtarrilaren 11n berretsiko dabe udalbatzarrean. Beste finalistak Woody Allen zinemagilea, Ricardo Darin aktorea, Richard Oribe kirolaria eta Alicia Amatriain jantzaria ziran.
Nabarmenak
The government is considering imposing a mandatory code of conduct on tech companies, which could be accompanied by fines for...
»» Mastodon.eus sare sozial libre eta ...