Cristina Iglesias eskultoreak jasoko dau Urrezko Tanborra

Bizkaie! 2016-01-08 11:01   Kulturea

Urrezko Tanborra Iglesiasi emoteko erabagia aho batez hartu dau Donostia Turismok, eta urtarrilaren 11n berretsiko dabe udalbatzarrean. Beste finalistak Woody Allen zinemagilea, Ricardo Darin aktorea, Richard Oribe kirolaria eta Alicia Amatriain jantzaria ziran.

Aiko taldeak Dantzakantu ipiniko dau martxan, beti-betiko doinuen inguruko ikastaroa

Bizkaie! 2016-01-08 09:39   Kulturea

Urtarrilaren 11n hasita, astelehenero emongo dabe Dantzakantu ikastaroa Bilboko Bizkaia Aretoan, bagilera arte. Melodia tradizionaletako doinuak kantetan ikasi eta zelan jantzatu ikasteko kursoa izango dala aurreratu dau Aiko taldeak. Euskal Herriko ahozko ondarean aditua dan Itsaso Arrietak gidatuko ditu saioak.

»» Ikusi argazki guztiak (2)

Umeentzako albumen Etxepare sariketea antolatu dabe

Bizkaie! 2016-01-07 09:53   Kulturea

Umeentzako irudidun ipuinak bultzatzeko asmoz antolatzen dabe urtero Etxepare saria Nafarroako Udaletako Euskera Zerbitzuek. Saria emoteaz gan, album irabazlea argitaratzen laguntzen dabe lehiaketearen bidez, Pamiela argitaletxeagaz daukien alkarlanari esker. Maiatzaren 20ra arte dago lanak bialtzeko epea eta bagilean emongo dabe irabazlearen barri.

»» Ikusi argazki guztiak (2)

Wroclaw-n egonaldi artistikoa egiteko deialdia zabaldu dabe Donostia 2016k eta Etxeparek

Bizkaie! 2016-01-05 13:32   Kulturea

Poloniako Wroclaw urian egonaldia egiteko aukerea eukiko dabe artista bik maiatzetik garagarrilera. Etxepare Euskal Institutuak eta Donostia 2016k antolatutako truke artistikoaren hirugarren ekitaldia izango da aurtengoa eta parte hartu nahi daben sortzaileek zezeilaren 29ra arteko epea daukie eskaria egiteko. Wroclawn eragin artistiko eta kulturala eukiko dauen proiektua proponidu beharko dabe hautagaiek.

Kultura Ondarea sariketearen bigarren edizinoa martxan ipini dau Jaurlaritzeak

Bizkaie! 2016-01-05 11:35   Kulturea

Euskal Herriko ondare kulturala ezagutzera emoteko bideoen lehiaketea da Kultur Ondarea. DBH, Batxilergo eta Lanbide Heziketako ikasleei zuzenduta dago eta sari nagusia Irlandan egonaldia izango da. Apirilaren 8ra arteko epea daukie gazteek bideoak aurkezteko, Eusko Jaurlaritzeak azaldu dauenez.

EHUk bere egiturea aldatu dau eta 20 ikastegi eukiko ditu aurrerantzean

Bizkaie! 2016-01-05 09:53   Kulturea

Bere historiako aldaketarik handiena egin dau Euskal Herriko Unibersidadeak. Araba, Bizkaia eta Gipuzkoako kanpusetako fakultade eta eskolak berrantolatu eta 20 ikastegitan banatu ditu, orain arteko 32en aldean. EHUren egiturea sinpleagoa bihurtzea da helburua, kudeaketea be errazagoa izan daiten.

Bilboko Guggenheim Museoak gora egin dau bisitarien kopuruan 2015ean

Bizkaie! 2016-01-04 13:17   Kulturea

Museoak plazaratu dauen balantzean ikusten danez, 2015ean 1.103.000 bisitari euki zituan Guggenheimek. 1998an baino ez zan kopuru handiagoa lortu eta, beraz, historiako urterik onenetan bigarrena izan zan igazkoa museoarentzat, bisitari kopuruari jagokonez. Aurreko urteagaz alderatuta, %9 egin eban gora. Bisitari gehienak atzerritarrak izan ziran, ohiko moduan.

Orain dala 100 urteko Bilboko bizimodua, Zabalguneko eraikinean

Bizkaie! 2016-01-04 10:00   Kulturea

Bilboko Zabalguneko merkaduan 120 argazki zahar ikusgai ipini ditue. Bertan, 20. mendearen hasikerako Bilbo eta bilbotarren bizimodua zelakoak ziran ikusi leiteke. Benito Tejedorrek ezustean topautako argazkiak dira, urte askoan ezkutuan egon diranak. Urtarrilaren 24ra arte egongo da erakusketea zabalik eta doban ikusi ahal izango da.

»» Ikusi argazki guztiak (4)

UPV/EHUk ikasteko gelak zabalduko ditu azterketa sasoian

Bizkaie! 2015-12-30 16:46   Kulturea

Bizkaian, urtarrilaren 2tik 17ra bitarteko jaietan eta astegoien guztietan egongo dira zabalik ikasteko gelak Ekonomia eta Enpresa Zientzien Fakultadean (Sarriko), 9:30etik 24:00etara bitartean, eta Bilboko Injinerutza Goi Eskola Teknikoan (Luis Briñas kaletik sartuta), 9:30etik 22:00etara bitartean. Bertan sartzeko UPV/EHUko ikasle txartela erakutsi beharko da.

Gernikako Bakearen Museoak inoiz baino bisitari gehiago jaso dau 2015ean

Bizkaie! 2015-12-29 10:17   Kulturea

Gernikako Bakearen Museoak 2015. urteari agur esango deutso balorazino oso positiboa eginaz. Aurten, danetara, 37.441 bisitari hurreratu dira museora, azken urteetako bisitari kopururik handiena, igaz baino 3.354 bisitari gehiago.

»» Ikusi argazki guztiak (2)

Arratiako tranbiari buruzko erakusketea urtarrilaren 15era arte egongo da Bilbon

Bizkaie! 2015-12-29 09:41   Kulturea

Bizkaiko Foru Liburutegian dago Arratiako tranbiaren historia aztertzen dauen erakusketea, urriaren 30etik. Hasikera baten abenduaren 29ra arte bertan eukiteko asmoa egon da baina, bisitari ugari egon danez, luzatzea erabagi dabe. Holan, urtarrilaren 15era arte ikusi ahal izango da erakusketea. Argazkiak, prentsa-txatalak, agiriak eta maketak dagoz.

»» Ikusi argazki guztiak (6)

'Narrazioak eta olerkiak 2014' liburuaren bersino digitala eskuragarri

Bizkaie! 2015-12-28 14:16   Kulturea

Euskaltzaindiak Narrazioak eta olerkiak 2014 liburua euskarri digitalean jarri dau bere webgunean. Argitalpen digital hau BBK-Euskaltzaindia literatura atalaren barruan kokatu da, Azkue sariketak (Haur eta Gazteak) azpiatalean. Liburua osotzen daben narrazinoak eta olerkiak banaka konsultau daitekez.

'Eh, Petrel! Julio Villarrekin hizketan' antzezlanaren estreinaldia urtarrilaren 3an

Bizkaie! 2015-12-28 11:20   Kulturea

Europako kultur uriburutzearen urtea urtarrilaren 3an hasiko da Pasaiko Albaola Itsas Kultur Faktorian, Eh, Petrel! Julio Villarrekin hizketan ikuskizunaren estreinaldiagaz. Astrolabium Teatroaren antzezlana da, Mikel Sarriegiren eskutik sortutako talde barriarena. Emonaldia, Albaola Itsas Kultur Faktoriak eta Donostia 2016k martxan jarritako Itsasgileak programearen barruan dator.

»» Ikusi argazki guztiak (5)

Bizkaiko Foru Aldundiaren museoetan, ume eta gaztetxuentzako jarduerak Gabonetan

Bizkaie! 2015-12-23 16:15   Kulturea

Tailerrak, erakusketa gidatuak eta abar programau ditue datozan egunetarako BizkaiKOA, Bizkaiko Foru Aldundiaren sareko museoetan. Arkeologi Museoa, Arrantzaleen Museoa, La Encartada txapel fabrikea, El Pobal burdinolea, Euskal Herria Museoa, Txakolingunea, Santimamiñeko kobazuloa eta Ondare eta Rekalde aretoak dira sare horretako kide.

Bilboko Itsas Museoak Itsasadarrari buruzko mila marrazki batzeko erronkea egin deutse 4 eta 12 urte arteko umeei

Bizkaie! 2015-12-23 11:10   Kulturea

Bilbo Metropolitarraren Osoko Saneamendu Planaren 35 urteei buruzko Itsasadarraren magia– 35 urte bizia sortuz aldi baterako erakusketearen amaierearen harian, Bilboko Itsasadarra Itsas Museoak erronkea bota deutse 4 eta 12 urte arteko umeei, Itsasadarri buruzko mila marrazki batzeko, etorkizunean zelakoa izatea nahiko leukien adierazo deien.

»» Ikusi argazki guztiak (2)

Bilbao Arten 2016an sorkuntza lanak erakutsiko dituen artistak ezagutu doguz

Bizkaie! 2015-12-23 10:31   Kulturea

2016an, produkzino propioko erakusketak izango ditue ondokoek: Roberto Aguirrezabala (Sestao). Entropia; Ivan Gomez (Irun);  Karlos Martinez Bordoy (Durango); Amaia Molinet (Lodosa). Nociones de habitabilidad;  Claudia Müller Montes (Txile). Catastros de agua;  Tunipanea: Jonathan Garcia (Belgika). Rizoma[TA]; eta Laura Ruiz Saenz & Nora Aurrekoetxea Etxebarria (Bilbo). Si vis pacem para bellum.

»» Ikusi argazki guztiak (7)

Erkidego guztiko liburutegietara heldu da eLiburutegia egitasmoa

Bizkaie! 2015-12-23 10:29   Kulturea

Santurtziko Udal Liburutegiak bat egin dau eLiburutegiagaz eta, holan, Jaurlaritzeak abian ipìnitako liburutegi digitala Araba, Bizkaia eta Gipuzkoako udalerri guztietara heldu da. Santurtziko Liburutegiko 25.000 bazkideek, aurrerantzean, internet bidez liburuak maileguan hartu ahal izango ditue eta eLiburutegiak eskaintzen dituan abantaila guztiak eskura eukiko ditue.

Artista gazte biren arteko 'sinbiosia', Batzar Nagusietako erakusketa gelan

Dabi Piedra 2015-12-22 14:11   Kulturea

Aitana Campo eta Jorge Gimeno artisten koadroak batu ditue Simbiosis erakusketan. Campok artelan figuratiboak sortzen ditu eta Gimenok, abstraktuak. Horregaitik, eurentzat esperientzia berezia izan da bien estiloak buztartzen dituan erakusketea preparetea. Artista gazteen sorkuntzea zabaltzeko Bizkaiko Batzar Nagusiek martxan daukien egitasmoari esker egongo da erakusketea Bilbon, urtarrilaren  23ra arte.

»» Ikusi argazki guztiak (3)

Norbere edertasunerako objektu greziar eta erromatarrak ikusgai, Arkeologia Museoan

Dabi Piedra 2015-12-22 13:34   Kulturea

Apain-mahaiko istorioak izenburuko erakusketea preparetako, Kataluniako Arkeologia Museoaren laguntzinoa euki dau Bizkaiko Arkeologia Museoak. Apirilaren 3ra arte, sasoi klasikoko objektu ugari ikusi leitekez, danak norbere edertasuna eta itxurea jagotekoak. Horregaz lotutako jarduerak be antolatuko ditu museoak datozan asteetan.

»» Ikusi argazki guztiak (2)

Joan Martí ohorezko euskaltzaina Tarragonako seme kutun izentau dabe

Bizkaie! 2015-12-22 10:21   Kulturea

Institut d'Estudis Catalans erakundeko kide osoa da, eta 2002tik 2010era bertako Secció Filològica saileko burua izan zan. Hogeita hamar liburu baino gehiago argitaratu ditu, katalan hizkuntzearen historia, gramatika eta erabilereari buruz, baita artikulu ugari be. Bernard Etxepareren 1545eko Linguae Vasconum Primitiae liburua katalanera itzuli dau (2013ko abenduan, Eusko legebiltzarrak eta Euskaltzaindiak aurkeztua).