Bizkaie!

Lekuz Leku 2020. XI. Nazinoarteko Jantza Jaialdia

2020/07/07 20:00

Danser L'Espace dokumentala.

Informazino gehiago hemen.

Kortxeak & Krispetak. IBIL BEDI

2020/07/31 20:00

Ibil Bedi talde nafarrak emongo deutso amaierea zikloari, iluntzeko 20:00etatik aurrera. Gasteizeko Falerina lorategian aurkeztuko dabe Berandu baina garaiz diskoa. 

Kortxeak & Krispetak

2020/07/01 - 2020/07/29

Sei urte igaro dira Oihaneder Euskerearen Etxeak Kortxeak & Krispetak zikloa martxan jarri ebanetik. Aurten ziklo honek 5 film eta kontzertu bat eskainiko ditu: filmak garagarrileko eguaztenetan izango dira eta kontzertua, barriz, garagarrileko azken barikuan. Aurreko urteetan baino saio gehiago izango dira aurten eta hilabetera zabaldu da programazioa. Baina ez dira barrikuntza bakarrak izango, izan be, film guztiak Ortuño aretoan emongo dira, pandemiaren osteko egoera barriak eraginda. Ibil Bedi talde nafarraren kontzertua, barriz, Falerina lorategian egingo da. Zikloa Laboral Kutxak babestu dau eta Filmazpitegaz batera antolatu da.

Badira sei urte Oihaneder musika eta musikariei lotutako dokumentalak eskaintzen hasi zela, Kortxeak & Krispetak zikloaren baitan. Eta aurten ere udako bost iluntzetan bost musika-dokumental eskainiko ditu. Zikloa borobiltzeko, berriz, pandemia garaian bertan behera geratu zen kontzertu emanaldia izango da.

Kortxeak & Krispetak uztailean hasiko da, lehenengo egunarekin batera, eta aurreko urteetan ez bezala (astebete inguruan burutzen zen), zikloa uztaila osoan zehar luzatuko da. Uztailaren 1ean hasi (uztailaren 8, 15, 22 eta 29) eta asteazkenero, iluntzeko 19:00etan, musikari edo musika talde ezberdinei buruzko filmak eskainiko ditu. Kontzertua, berriz, uztaileko azkenengo egunean izango da, uztailaren 31n, ostiral iluntzean, 20:00etan.

Datak ez ezik, emanaldiak egiteko espazioak ere egokitu behar izan dira. Izan ere, egoerak eskatzen dituen segurtasun baldintzak bermatzeko, film guztiak Ortuño aretoan izango dira. Kontzertua, aldiz, Falerina lorategian egingo da.

Zikloa uztailaren 1ean hasiko da, Fermin Muguruzak zuzendutako Beltza naiz dokumentalagaz, iluntzeko 19:00etan. 

Garagarrilaren 8an jarraituko dau zikloak eta Seamus Murphy-k zuzendutako A dog called money filma emongo dabe. PJ Harvey-ren disko baten inspirazino, idazketa eta grabazinoaren bidaia intimoa azaltzen da bertan.

Garagarrilaren 15ean, Ethan Hawke-n Blaze filmaren txandea izango da, Texas Outlaw Music mobimenduaren musikearen kondaira ezezaguna dan Blaze Foley-ren bizitzan oinarrituta dago.

Garagarrilaren 22an, laugarren filma ikusi ahal izango da, Kikol Grau zuzendariak 2020an argitaratutako Los demenciales chicos acelerados. Primera parte: Euskadi y tal, Euskal Herriko garaiko punk taldeei buruzko errepaso parebakoa.

Azkenengo filma, garagarrilaren 29an eskainiko da, Oihanederreko erabiltzaileek eurek sare sozialetan aukeratutako filma, hain zuzen: Amy, Asif Kapadia-k zuzendutako Amy Winehouse artista britainiarraren bizitzea eta heriotzea azaltzen dauen dokumentala.

Kontzertuari dagokionean, barriz, Ibil Bedi talde nafarrak emongo deutso amaierea zikloari garagarrilaren 31n, iluntzeko 20:00etatik aurrera. Falerina lorategian aurkeztuko dabe Berandu baina garaiz diskoa. 

Filmazpit-egaz alkarlanean, bost filmak jatorrizko bersinoan erakutsiko ditue, euskerazko azpitituluakaz.

TolosandBlues 2020. IKER PIRIS SOLO

2020/07/05 20:00

TolosandBlues 2020

2020/07/04 13:00

STARBLUES + VIKTOR + FREDI + NOA VD + BIG DANI

TolosandBlues 2020. LUCKYMAKERS

2020/07/03 19:30

TolosandBlues 2020. MOJO HAND

2020/07/02 20:00

Kortxeak & Krispetak

2020/07/01 19:00

Zikloa garagarrilaren 1ean hasiko da, Fermin Muguruzak zuzendutako Beltza naiz dokumentalagaz. Making of  dokumentala da, Black is Beltza filma zelan egin eben kontetan dauena.  Zati bi ditu: lehenengoak, Black is Beltza filmaren inguruan transmedia proiektu bat zelan landu zan adierazoten da eta horren ardatza filmean parte hartu eban Amaia Jackson afro-euskalduna da (aita Tanzaniakoa eta ama Zarauzkoa); bigarrenean, barriz, animazino prozesua azaltzen da zehatzago eta artista nahiz aktibistakaz egindako alkarrizketak tartekatu dira.

Filmazpit-egaz alkarlanean, filmak jatorrizko bersinoan eskainiko ditue, euskerazko azpitituluakaz.

Jarduera guztiak doban dira baina edukierea mugatua izango danez, gonbidapenak aurrez hartu behar dira; horretarako 3 bide dagoz:

• Bibe plataforman
• oihaneder@oihaneder.eus helbidera idatzita
• Telefonoz eskatuta (615.986.832), 10:00etatik 12:00etara.

*Gonbidapenak agortu arte, edo saioaren egunera arte.

ENERITZ FURYAK

2020/07/05 20:00

VI. Animakom Fest

2020/07/06 - 2020/07/12

Informazino gehiago hemen.