Kukai Jantza Taldeak birea egingo dau Argentinan abuztuaren 22tik irailaren 7ra
2014-07-02 17:55 Kulturea
Kukai Jantza Taldeak bira zabala egingo dau Argentinan abuztuaren 22tik irailaren 7ra bitartean. Jon Maya koreografoak zuzendutako taldeak Komunikazioa-Inkomunikazioa eta Gelajauziak lanak aurkeztuko ditu Hego Amerikako herrialdean, bertako Kultura Ministerioagaz antolatutako biran.
Chiharu Shiotaren 'State of Being, Kimono Dress' lana ikusgai, Bilboko Arte Eder Museoan
2014-07-02 15:14 Kulturea
Irailaren 14ra arte zabalik egongo dan Japoniar artea eta japonismoa erakusketeagaz bat eginez, Bilboko Arte Eder Museoa Chiharu Shiota artista japoniarrak 2012an egindako State of Being, Kimono Dress instalazinoa aurkeztu dau, Obra konbidadua egitarauaren barruan. Irailaren 15era arte egongo da ikusgai.
Euskal Hedabideen Behategia berbagai UEUko 42. Udako Ikastaroetan
2014-07-02 14:54 jardunaldiak
Euskal komunikazino-eremua: ikerketa eta ekintzarako gure bideen bila. Euskal Hedabideen Behategirantz jardunaldiaren barruan, Euskal Hedabideen Behategiaz berba egin dabe Alberto Barandiaranek eta Alaitz Artolazabalek UEUko ikastaroetan.
Carmen Souza jazz kantariak abiatuko dau Elorrioko Musikaire jaialdia
2014-07-02 12:54 Musikea
Garagarrilaren 27a bitartean musika, jantza eta antzerki emonaldiak izango dira aukeran Elorrion, Musikaire jaialdiaren barruan. Cabo Verdeko Carmen Souza abeslariak emongo dau lehenengo kontzertua garagarrilaren 4an, Lariz jauregian, 22:30ean. Emonaldi guztiak debalde dira.
Letren Terrazek irakurketea eta aisialdia aterako ditue Getxoko kaleetara udan
2014-07-02 11:29 kulturbiz
Danetara, 2.000 liburuz osotutako funtsa eskainiko deutseez Letren Terrazek erabiltzaileei, eta holan, udal liburutegien arduradunek hautatutako eleberriak, ipuinak, komikiak eta abar izango ditue eskura. Era berean, eguneko prentsa be egongo da. Azken finean, udarako eta batez be umeentzat aproposak diran irakurgaiak kaleratzea da ekimenaren helburu nagusia.
Durangoko I. Euskal Sagardao Eguna egingo dabe zapatuan
2014-07-02 11:22 Jan edanak
Dendak Bai alkartearen ekimenez, Durangoko hamalau establezimenduk hartuko dabe parte garagarrilaren 5ean, I. Euskal Sagardao Egunean. Hain zuzen be, ondokoak dira parte-hartzaileak: Zero, Gure Kabiya, Anboto, Rugby, Maite, Arkupe, Pol-Pol, Lurbi, Plateruena Kafe Antzokia, Misarbe, Leku Berri, Alpino, Udaberri eta Tabirako Igerilekua
Kirol elektronikoen munduko jokalari talde onenek parte hartuko dabe XIV. Gamegune lehiaketan
2014-07-01 14:22
Orain arte Euskal Encounter jaialdiaren barruan egin da Gamegune nazinoarteko bideojoko txapelketea, baina, aurten, lehiaketeari merezidu dauen protagonismoa emotea erabagi dabe antolatzaileek eta, beraz, ekitaldi propioa izango dau garagarrilaren 4 eta 6 bitartean.
Leire Salaberriak irabazi dau Etxepare Saria
2014-07-01 11:41 sariak-autortzak
Leire Salaberriaren Hiltzaileak album ilustratuak irabazi dau 2014ko Etxepare Saria. Aurtengo sariketara aurkeztu diran 25 lanen artean andoaindarraren albuma aukeratu dau Yolanda Arrietak, Patxi Zubizarretak eta Mikel Valverdek osotutako epaimahaiak.
Gipuzkoako Goierriko II. Jazzaldiak egun bi izango ditu aurten
2014-07-01 11:16 Musikea
Garagarrilaren 4an eta 5ean egingo dabe Goierriko II. Jazzaldia, egun bitan oraingoan batean barik. Igaz lez, kontzertuak Araman eta Ordizian izango dira, eta bost eszenatoki eukiko ditue. Combo Jazz taldeak edegiko dau jazz jaialdia Ordiziako Plaza Nagusian, 19:30ean.
Euskerazko zinema ikustea sustatzeko ekimen bat abiarazo dabe Donostiako Udalak, Zinemaldiak eta Euskalbideo alkarteak
2014-07-01 11:08 Barriak
Nahi dauenak euro baten truke eskuratu ahal izango dau Euskalbideo klubaren bazkide karneta, eta hemendik urte amaierara arte bakotxa 0,50 euroan nahi beste film alokatu ahal izango dira, euskeraz bikoiztutako nahiz azpitituluak dituen filmak. Bideo klubaren webgunean (www.euskalbideo.com) nahiz saltokian bertan konsultau ahal izango da eskura dagozan 133 filmen zerrendea.
Yoko Onoren 'Jarraibideak' dagoz ikusgai Bilboko Abandoibarra etorbidean
2014-07-01 10:43 Kulturea
Bilboko Abandoibarra etorbidetik oinez zein ibilgailuan igarotzen diranek Yoko Onoren Jarraibideak lanen hautaketa bat ikusteko aukerea izango dabe bagilaren 30etik garagarrilaren 15era bitartean, Yoko Ono. Half-A-Wind-Show. Atzera begirakoa erakusketearen harira.
'The young and prodigious T.S. Spivet' euskeraz zinema aretoetan
2014-06-30 18:23 Barriak
Datorren barikuan, garagarrilaren 4an, helduko da euskeraz Gazte harrigarria, T.S. Spivet film luzea aretoetara Zineuskadi Alkarteak kudeatzen dauen Zinema Euskaraz programeari esker.
Udan makinatxu bat aukera euskerea ikasteko
2014-06-30 17:30 Euskerea berbagai
Hizkuntza Politikarako sailburuorde Patxi Baztarrikak, batetik, goraipatu egin dau euskaldun barriek euskereari eta hizkuntza bizikidetzeari egiten deutsien ekarpena; eta, bestetik, euskal hiztunei erabilerearen aldeko mezua luzatu deutse: euskerea gogotik eta bihotzetik ezpanetara eroatea da euskereari egin geinkion mesederik handiena.
.eus domeinua erabilten hasi dira 92 erakunde
2014-06-30 14:21
Honezkero aktibo dago .eus domeinua, hori erabiltea erabagi daben 92 erakunderen eskutik. Gehienak joandako zapatuan hasi ziran .eus domeinua erabilten, PuntuEus Fundazinoak Bilboko Kafe Antzokian egindako agerraldiagaz batera. Aitatutako ekitaldian, 92 aitzindarien zerrendea aurkezteaz gan, orain arteko prozesuaren balorazinoa egin eban PuntuEus Fundazinoak.
Omar Rodríguez da Silva, Bilbao Arte Fundazinoaren artista konbidadua
2014-06-30 11:09 Kulturea
Omar Rodriguez da Silva Bilbao Arteko artista konbidaduak bere pinturak erakutsiko ditu garagarrilaren 2ra arte, Urazurrutiako 32an kokatuta dagoan arte-zentro bilbotarreko Kristalezko patioan, Amazonas, beso irekiekin izeneko erakusketan.
UEUren 42. Udako Ikastaroak gaur, hilak 30, hasiko dira Eibarren
2014-06-30 10:37 kulturbiz
Musikearen erabilerea eta bizipena Ume Hezkuntzan (bagilak 30 eta garagarrilak 1), Literaturearen ahozko baliabideak: zelan kontau ipuinak eta olerkiak umeei (garagarrilak 3 eta 4), Publizidadea euskeratik eta euskeraz: zelan asmau zure erakundearen komunikazinoan (garagarrilak 1 eta 2), Herrigintza eta formakuntza politikoa (bagilak 30) eta NoSQL datu-baseak. MongoDB (garagarrilak 2 eta 3) dira aste honetako ikastaroak.
Bilbon sortutako kultur jarduerak batzeko atari barria abiarazo dabe interneten
2014-06-27 16:23
Bizkaiko uriburuko kultur jarduerak tresna barria dauka Interneten: Bilboko Udaleko Kultura eta Hezkuntza Sailak abiarazo dauen www.bibaokultura.net ataria, musikeagaz, jantzeagaz, arte eszenikoakaz, arteagaz, literatureagaz eta bestelakoakaz zerikusia daben kultur jarduerei buruzko informazinoa sistematizau, antolatu eta erraztea helburu dauena.
Gasteizko Udalak eta Euskaltzaindiak aurtengo lankidetza hitzarmena sinatu dabe
2014-06-27 15:52 Euskerea berbagai
Gasteizko Udalaren eta Euskaltzaindiaren arteko alkarlanaren emoitza behinena Gasteizko Toponimia ikertzeko egitasmoa da eta holan azpimarratu dabe gaur bi erakundeotako buruek.
Bilbo Hiria 26. Pop Rock Lehiaketan parte hartuko daben 38 taldeak aukeratu ditu epaimahaiak
2014-06-27 14:51 Musikea
Aurtengo edizinoan 620 taldek emon dabe izena, eta holan, inskripzinoek %10eko igoerea izan dabe aurreko edizinoagaz konparauta. Zehatz esateko, Pop Rock modalidadeko 449 taldek, Metal arloko 122 taldek eta Elektronika eta Beste Joera Batzuetako 49 taldek emon dabe izena. Jatorriaren arabera, Euskal Herriko taldeak %25 dira, Estadukoak %71 eta beste herrialde batzuetakoak %4.
Bilboko Alondigako Mediatekeak 'Irakurri, plazer eta eskubide bat' erakusketea antolatu dau
2014-06-27 14:22 kulturbiz
Bilboko Alondigako Mediateka BBK-k garagarrilaren 1etik 20ra bitartean, Irakurketa Erraza kontzeptuari buruzko Irakurri, plazer eta eskubide bat erakusketea jarriko dau martxan. Irakurketa Errazako materialeak arreta bereziz eginda dagoz, arazo sozial, psikiko edo bestelako arrazoiakaitik irakurteko zein ulertzeko zailtasunak dituen edozein personak irakur daian.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...