Iñaki Viñaspre irabazle, Arabako Bertsolari Txapelketako azkenengo finalerdian
2013-03-04 09:58 Bertsolaritzea
Iñaki Viñaspre izan da garaile Arabako Bertsolari Txapelketako azkenengo finalerdian. Beraz, finala lotuta dago. Martiaren 16an Gasteizko Printzipal Antzokian ondoko seikoteak jardungo dau betsotan: Asier Otamendi, Manex Agirre, Iñaki Viñaspre, Ruben Sanchez, Oihane Perea eta Jagoba Apaolaza.
Bertso Korrikak 25 bertso-eskola eta makina bat bertsozale lotuko ditu
2013-03-01 15:34 Bertsolaritzea
Bertso-eskolek, AEK-k eta Bertsozale alkarteak Korrikagaz batera joango dan bertso zirkuitua aurkeztu dabe Donostiako Koldo Mitxelena Kulturunean. Euskera ikasleen neurrira egindako saioak izango dira. Euskal Herriko 25 herri lotuko ditu Bertso Korrikak.
Raquel Rochas eta bere ikasleen artelanen ongintzazko salmentea antolatu dabe
2013-03-01 14:51 Kulturea
Bilboko Barrainkuako Udaltegiak Raquel Rochas margolari bilbotarraren eta bere ikasleen erakusketea edegiko dau hilaren 4an, Vicente Ferrer Fundazinoaren proiektu baten alde. Artelan guztiak salgai egongo dira, erdi prezioan, eta batutako dirua Indian eskola bat eregiteko erabiliko da.
Hamar ikastaro eskainiko ditu UEUk aurten udabarrian
2013-03-01 14:06 kulturbiz
Udako Euskal Unibersidadeak udabarriko eskaintzea aurkeztu barri dau. Hamar ikastaro prestau ditue Eibarko Markeskoa Jauregian, horreetako lau aurreratuak. Ane Sarasua UEUko idazkari nagusiak eta Mari Karmen Menika UEUko Ikastetxe Nagusiko arduradunak aurkeztu ditue.
Borda, Castillo Suárez, Bilbao eta Meaberen poemak, ingelesezko 'Forked Tongues' antologian
2013-03-01 12:27 Kulturea
Itxaro Borda, Castillo Suárez, Leire Bilbao eta Miren Agur Meabe idazleen olerkien antologia osotu dau Shearmans Books argitaletxeak Forked Tongues liburuan. Manuela Palacios editoreak batu ditu poemak, galizieraz, katalanez eta euskeraz, danak ingelesera itzulita.
Irakurketatik idazketarako bidea aztergai, Gutun Zuria Letren Nazinoarteko Jaialdian
2013-03-01 11:58 jardunaldiak
Apirilaren 11n hasi eta 21ean amaituko da Gutun Zuria Letren Nazinoarteko VI. Jaialdia Bilboko Alondiga aretoan, Irakurle-idazlearen elezaharrak lemapean. Aurten, idazle eta kazetari konbidaduek irakurketatik idazketara bitarteko bidea zelan eta zergaitik egin daben aztertuko da. Aurten be, literatur ekitaldia antolatu dabe Basauriko kartzelan.
Irudimena sormen lehiaketearen hirugarren edizinoa martxan dago
2013-03-01 10:30 kulturbiz
Azkue Fundazinoak eta Euskal Kultur Erakundeak martxan ipini barri dabe Irudimena lehiaketearen hirugarren edizinoa. Martiaren 1ean hasi eta maiatzaren 15era bitartean, euskal kulturearen inguruko sormen literarioa eta grafikoa ardatz daben lanak bialdu ahalko ditue parte-hartzaileek.
Txina artearen bidez ezagutzen
2013-02-28 13:35 Kulturea
Erakusketa honetako artelanak Nadia Barkate eta Cristian Villavicencio UPV/EHUko Arte Ederretako gardu ondoko ikasleenak dira. Ikusgai dagozan obra horreek Pekinen, Judas Arrietaren MA Studio-n, egoitza bekeagaz egon ziranean egin zituen, 2012ko udan.
'3.szn' Siroka bizkaitarren hirugarren diskoa plazan dago
2013-02-28 11:57 Musikea
Siroka talde bizkaitarrak disko barria aurkeztu dau gaur Bilbon; urtarrila eta zezeilean zehar Andoaineko Garate Studiosetan grabau dabe Kaki Arkarazoren gidaritzapean eta honezkero taldearen hirugarren disko luzea da.
Kimuak 2013 programan parte hartzeko epea edegi dabe
2013-02-28 10:30 Barriak
Kimuak ekimenaren 2013ko edizinoa martxan dago. Katalogoaren aukeraketan parte hartu gura daben zuzendari edo produktoreek maiatzaren 31ra bitartean eukiko dabe lanak bialtzeko epea.
'Komunikazioa-Inkomunikazioa' jantza-ikuskizuna aurkeztu dabe Arriagak, Kukaik eta Tanttakak
2013-02-27 14:47 Kulturea
Arriaga antzokiak, Kukai jantza konpainiak eta Tanttaka Teatroak bat egin dabe Komunikazioa-Inkomunikazioa ikuskizunaren produkzinoan. Martiaren 1ean izango da estreinaldia, Arriagan bertan. Hurrengo egunean, hilak 2, beste emonaldi bat eskainiko dabe. Mireia Gabilondo eta Jon Maya dira egileak.
Euskal Onomastikearen Datutegia eta Euskaltzaindiaren Argitalpen Katalogoa, ingelesez
2013-02-27 14:16
Euskeraz, gaztelaniaz eta frantsesez gan, Euskal Onomastikearen Datutegia (EODA) eta Akademiaren Argitalpen Katalogoa ingelesez be konsultau daitekez daborduko Euskaltzaindiaren webgunean.
Zortzi film labur ikusgai, Laburbira zirkuituaren hamargarren edizinoan
2013-02-27 11:34 Barriak
Laburbira film laburren zirkuitua Erandion hasiko da aurten, martiaren 4an, 19:00etan, Josu Murueta kultur etxean. Martiaren 20ra arte, Bizkaia, Araba eta Gipuzkoako 20 herritan izango da Laburbira. Bizkaian, Sondika, Barakaldo, Bilbo, Ermua eta eta Igorrera ailegauko da Laburbiraren hamargarren edizinoa.
Emakumeak leku berezia izango dau Bermeoko Liburu Azokan
2013-02-27 10:36 Kulturea
Emakumeak protagonismo berezia izango dau Bermeoko Liburu Azokan, martiaren 1etik 10era bitartean. Aurton, hamabost liburu-denda, argitaletxe eta banatzailek parte hartuko dabe. Egitarauan, besteak beste, Toti Martinez de Lezea idazlearen berbaldia, Euskal emakume idazleak erakusketea eta Lilijira: Emakumiok jabetzara goaz! kalejirea prestau ditue.
Fretwork biola-boskotearen eskutik hasiko dira Getxoko kontzertu klasikoak
2013-02-27 09:53 Musikea
Datorren zapatuan, martiak 2, hasiko dira Getxoko 28. Kontzertu Klasikoak, Fretwork biola-boskote britainiarraren eskutik, zango-biola musikan espezializautako taldea, hain zuzen be. Aurreko edizinoetan legez, saioak zapatuetan izango dira martiaren 2an, 9an eta 16an, hain zuzen be.
'Bazen behin uharte bat' dokumentala euskerazko azpitituluakaz estreinauko da 'Zinema Euskaraz' egitasmoari esker
2013-02-26 17:45 Barriak
Bazen behin uharte bat dokumentalaren emonaldia ingurumenaren gaia ardatz dauen eta Euskal Herriko hainbat aretotan ospatzen dan Ekozinemaldia jaialdi ibiltariaren barruan izango da.
Espido Freirek eta Susanne Vålandek 'Emakume izan Norvegian: gizartea eta literatura' berbaldia emongo dabe Bilbon
2013-02-26 14:52 kulturbiz
Espido Freire idazle bilbotarrak eta Susanne Våland norvegiarrak, gizartearen eta literaturearen ikuspegietatik emakumeak Norvegian beteten dauen lekuari buruzko berbaldia emongo dabe, datorren eguenean, zezeilaren 28an. Berbaldia, Bilboko Udaleko Kultura eta Hezkuntza Sailak, Emakumearen Eguna ospatzeko, antolatu dituan jardueren barruan sartzen da.
Gaixorik dagoan neskato baten familiari laguntzeko dirua batzen dabilz Atxuri ikastetxeko gurasoak
2013-02-26 13:02
Atxuriko García Rivero Ikastetxean matrikulauta dagoan sei urteko neskato bat da Cloe. Bihotzeko gaixotasun bat dala eta, bihotz-transplante baten zain dago. Igazko maiatzean, Madrilgo Gregorio Marañon Ospitalean ingresau eben Cloe, Estaduan beste inon ez dabelako egiten umeen transplanterik.
'Moneda suelta' eta 'Nube y cuchara' poesia lanak aurkeztuko ditue arrastian Bidebarrietan
2013-02-26 11:07 Kulturea
Jorge Gonzalez Arangurenek eta Javier Agirre Gandariasek liburu bana aurkeztuko dabe arrastian Bilboko Bidebarrieta liburutegian, Moneda suelta eta Nube y cuchara poesia lanak hai zuzen be. Ekitaldia 19:30ean hasiko da.
Euskaltzaindiak 14 euskaltzain urgazle barri izentau ditu
2013-02-25 13:45 Euskerea berbagai
Akademiaren batzorde akademikoetan 2005etik lanean dabilzan personak izentau ditue: Iñaki Aldekoa, Kaxildo Alkorta, Iñaki Amundarain, Nagore Etxebarria, Beatriz Fernandez, Juan Garzia, Antton Gurrutxaga, Patxi Juaristi, Gerardo Luzuriaga, Elena Martinez de Madina, Felix Mugurutza, Manu Ormazabal, Erramun Osa eta Iratxe Retolaza
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...