Disko barria zemendian plazaratu baino lehen kontzertu partidea iragarri dau Mikel Urdangarinek
2015-09-17 11:52 MusikeaAbendura bitartean, 11 kontzertu emongo ditu Mikel Urdangarinek. Irailaren 26an, Berrizen ekingo deutso udagoieneko eta neguko bireari eta abenduaren 19an, disko barria aurkeztuko dau zuzenean Getxon.
2015ko udabarrian hainbat kontzertu eskaini eta gero, uda ostean bireagaz jarraitzeko beste hainbat lekutik deitu deutse zornotzarrari eta abendura bitarteko kontzertuak atontzen dabilz orain.
Zezeilean hasi eta maiatzan amaitu, Mikel Urdangarinek bere gitarra eta ahotsa lagun Euskal Herri osoa bisitau du: Getxotik Heletara, tartean Lizarra, Bilbo, Donostia, Gasteiz, Iruñea, Gernika, Lodosa, Baiona, Madril eta abar luze bat. Jentearen erantzun bikainagaz, sarrerak agortuz horreetako askotan. Kontzertu gogoangarriak gehienak.
Hona hemen hurrengo kontzertuen zerrendea, disko barria datorren zemendian aurkeztu baino lehen:
Iraila
26an, Berrizen, 20:00etan, San Mikel Baseleizan.
Urria
4an, Donostian, 19:00etan, Antzoki Zaharrean.
16an, Alegian, 22:00etan, Elizpe zinema-aretoan.
22an, Hernanin, 20:00etan, Biteri Kultur Etxean.
Zemendia
1ean, New Yorken, 20:30ean / 22:00etan, Bowery Club aretoan.
13an, Zumarragan, 22:30ean, Zelai Arizti Antzokian.
21ean, Andoainen, 20:00etan, Bastero Kulturgunean.
27an, Bermeon, 21:00etan, Nestor Basterretxea aretoan.
Abendua
19an, Getxon, 20:00retan, Areetako Andres Isasi Aretoan. Disko barriaren aurkezpena.
Beste alde batetik, azken urteotan lez, datozen gabonetan Mikel Urdangarinek bere taldeagaz lagunduta kontzertu bereziak eskainiko ditu; aurten Bilbon eta Iruñean kantauko dau:
- Abenduaren 26an, Bilboko Kafe Antzokian, 22:00etan.
- Abenduaren 30ean, Iruñeako Zentral aretoan, 22:00etan.
Erantzun
Erantzuteko, izena emanda egon behar duzu. Sartu komunitatera!