Calin Peter Netzerren 'Pozitia Copilului' pelikuleak irabazi dau Berlinaleko Urrezko Hartza
2013-02-18 11:10 Barriak
Calin Peter Netzerren Pozitia Copilului (Chid's Pose) pelikuleak irabazi dau 63. Berlinale jaialdiko Urrezko Hartza. Paulina Garcia txiletarrak irabazi dau Zilarrezko Hartza emakumezko aktore onenari, Gloria pelikuleagaitik; eta, gizonezko aktore onena Nazif Mujic bosniarra izan da, Epizoda u zivotuberaca zeljeza (An Episode in the Life of an Iron Picker) lanari esker.
Oskar Estangak irabazi dau Zubiriko saioa
2013-02-18 11:07 Bertsolaritzea
Azkenean, Estangak irabazi dau, baina bi puntuko aldea besterik ez da izan bigarren sailkatuagaz. Joxema Leitzak eta Iban Garrok, bakarkako lan polita egin ostean, hirugarren eta laugarren postua eskuratu ditue. Ozta-ozta Josema Leitzak be finalaurrekoetarako txartela irabazi dau.
'Blancanieves' Pablo Berger zinemagile bilbotarraren pelikulea nagusi izan da Goya sarietan
2013-02-18 10:14 Barriak
Blancanieves Pablo Berger zuzendari bilbotarraren pelikuleak hamar Goya sari irabazi ditu bart, pelikula onenaren saria, jatorrizko gidoi onenarena, abesti onenarena eta emakumezko aktore onenarena, besteak beste. Gaur egungo egoera ekonomiko eta sozialak prrotagonismo nabarmena izan eban galan, izan be Eva Hache aurkezleak eta hainbat sarituk BEZ zergearen igoerea kulturan, murrizketak eta ustelkeria izan zituen gogoan.
Asier Otamendik finalerako txartela Izarran irabazi dau
2013-02-18 10:08 Bertsolaritzea
Hurrengo saioa zezeilaren 23an jokatuko da Aramaioko kultur etxean; kantauko daben bertsolariak: Manex Agirre, Paula Amilburu, Andere Arriolabengoa, Ander Solozabal, Zigor Enbeita eta Unai Mendibill. Gai-jartzailea: Olatz Santocildes.
Hemengo kultur aniztasunaren alde ehunka atxikimendu jaso ditu EH 11 Kolorek
2013-02-18 09:31 kulturbiz
Bozeroaileek orain arte jasotako atxikimenduak -400 baino gehiago dira dagoeneko- eskertu ditue. Besteren artean, Adierazpenagaz bat egin dabenen artean dagoz Mikel Urdangarin, Roberto Moso, Harkaitz Martinez, Kepa Junkera edota Gose taldea. Baita arte eszenikoen arloko Ramon Barea, Mikel Martinez, Galder Perez, Garbitxu (Deabru Beltzak) eta Pirritx, Porrotx eta Mari Motots pailazoak be.
Unai Elorriaga eta Jesus Ferrero protagonista 'Eztabaidak Literatureagaz' programan
2013-02-15 14:53 Kulturea
Bilboko Udaleko Kultura eta Hezkuntza Sailaren ekimenak Jesús Ferrero eta Unai Elorriaga idazleak eta gidari lana egingo dauen Alicia San Juan kazetaria batuko ditu datorren martitzenean, hilak 19, Bilboko Bidebarrieta Kulturgunean, uriek literatur generoetan beteten daben lekuari buruz berba egin deien.
Euskal Herria 11 Kolorek orain arteko atxikimenduen barri emongo dau zapatuan, Bilborocken
2013-02-15 14:22
Euskal Herria 11 Kolore ekimenak jasotako lehenengo atxikimenduak aurkeztuko ditu zapatuan, hilak 16, Bilboko Bilborock aretoan. Lidia de Lorenzo flamenko-jantzariak eta Arkaitz Estiballes eta Maialen Lujanbio bertsolariek hartuko dabe parte ekitaldian, besteak beste.
Oskorrik 'Gabriel Aresti bizsitan' egitasmo barria aurkeztuko dau Tolosan, zezeilaren 22an
2013-02-15 11:29 Musikea
Hogei hamar urteren ostean, Oskorri hasierara bueltauko da Gabriel Aresti bizsitan proiektu barriaren bidez. Poeta bilbotarraren errepertorioa zein berak inspirautako kantak batu ditu taldeak. Lehenengo emonaldia zezeilaren 22an egingo dabe, Tolosako Leidor antzokian, Kilometroak jaiaren kanpainearen barruan.
Joseba Sarrionaindiaren azken liburuaren katalanezko itzulpena aurkeztuko dabe datorren astean Bartzelonan
2013-02-15 11:20 Kulturea
Joseba Sarrionandiaren Moroak gara behelaino artean? liburuaren katalanezko itzulpenaren (Som com moros dins la boira?) aurkezpena izango da zezeilaren 23an Bartzelonako Kultura Garaikideko Zentroan (CCCB). Ainara Munt Ojanguren itzultzailea be bertan izango da.
Maite Goñik edegiko ditu aurten Ermuko 'Berbetan' jardunaldiak
2013-02-15 10:24 Euskerea berbagai
Euskerearen ezagutzea eta erabilerea izango dira Ermuko Berbetan jardunaldien ardatza. Lau berbaldi eta mahai-inguru atondu ditue, lehenengoa zezeilaren 19an, Maite Goñik IKTei buruz jardungo dau Lobiano aretoan, 19:00etan
Fermin Muguruza, Jimmy Cliff, Willis Drummond eta Belako, aurtengo EHZ jaialdian
2013-02-14 16:35 Musikea
Euskal Herria Zuzenean jaialdia hasi da bagilaren 28tik 30era bitartean izango dauen kartelaren barri emoten. Hain zuzen be, zazpi talde iragarri ditue: Fermin Muguruza, Willis Drummond, Belako, Les Ogres de Barback , Zuloak, Jimmy Cliff eta Herri Oihua.
Aiert Goenagak eta Gerediagak komunikadu bana plazaratu dabe
2013-02-14 13:48
Aiert Goenaga Durangoko Azokearen zuzendari kargutik kentzearen barri emon eban atzo Gerediaga alkarte antolatzaileak. Igaz hartu eban zuzendaritzea ondarroarrak. Bai Gerediagak bai Goenagak prentsa-ohar bana plazaratu dabe.
Eibarko 36. Antzerki Jardunaldiek José María 'Chema' Cornago zana omenduko dabe
2013-02-14 12:38 Kulturea
Eibarko 36. Antzerki Jardunaldiak barikuan, hilak 15, hasiko dira. Helduentzako hamabi antzezlan, ume eta familiei zuzendutako behar bi eta antzerki eskolek sortutako lan bi eskainiko ditue jardunaldiek, horrezaz gan, Giza Estatuen Erakusketea eta Antzerkia zinemagintzan proiekzino-zikloa atondu ditue. Egitaraua martiaren 21ean itxiko dabe.
Gizazinea zikloak krisialdi ekonomikoari buruzko hainbat ikuspegi eskainiko ditu
2013-02-14 11:17 Barriak
Gizazinea programeak gaur egungo krisialdi ekonomikoaren hainbat ikuspegi batuko ditu zezeilaren 20tik eta 22ra Bilbon, Udaleko Kultura eta Hezkuntza Sailaren ekimenez. Film laburrak eta luzeak, dokumentalak zein fikzinozkoak, proiektauko ditue. Saio guztiak doban dira.
Elhuyar Fundazinoak Web-corpusen Ataria aurkeztu dau
2013-02-14 10:42
Atari hau konsultagai jarri dau Elhuyarrek, eta erabiltzaileek hiru baliabide izango ditue eskura: euskerazko corpus elebakar bat, 125 miloe berbez osotua; euskera-gaztelania corpus paralelo bat, 18 miloe berba inguru dituana; eta euskerazko corpusetik automatikoki erauzitako berba-konbinazinoak.
Aiert Goenaga Durangoko Azokako zuzendari kargutik kendu dau Gerediaga alkarteak
2013-02-13 14:50
Durangoko Azokea antolatzen dauen Gerediaga alkarteak zuzendari kargutik kendu dau Aiert Goenaga. Orain urtebete hartu eban ondarroarrak Jon Irazabalen lekukoa zuzendaritzan. Durangoko Liburu eta Disko Azoka ez da sekula izan, ezta izango be, inoren proiektu petsonala. Azoka ez dau zuzendariak bakarrik egiten, lan talde osoak baino, adierazo dau Gerediagak prentsa-ohar bidez
Berreginen Museoak Venusen eta Marteren maitasun istorioari buruzko bideo bategaz ospatuko dau San Balendin Eguna
2013-02-13 12:39 kulturbiz
Venusen eta Marteren arteko maitasun istorioa mitologia klasikoko erakargarrienetakoa da. Bien arteko ezkutuko maitasuna Bilboko Arte Berreginen Museoan gogoratuko da San Balendin Egunean, maitasun abentura erromantikoa kontetan dauen bideoa eskainiz.
'Madame Bovary' eta 'Gure garaiko heroia' Urrezko Bilduman berrargitaratu ditue
2013-02-13 12:08 Kulturea
Gustave Flauberten Madame Bovary eta Mikhail Jurievitx Lermontoven Gure garaiko heroia liburuen euskerazko itzulpenak argitaratu ditue Patxi Apalategik eta Jose Moralesek Urrezko Biblioteka bilduman.
Blanca Sarasua eta Miren Agur Meabe protagonista Zurgai aldizkariaren zenbaki barriaren aurkezpenean
2013-02-13 10:52 Kulturea
Bilboko Bidebarrieta Kulturguneak euskal poesiari buruzko Zurgai aldizkariaren zenbaki barriaren aurkezpena jasoko dau gaur, eguaztena, hilak 13, arratsaldeko 19:30etatik aurrera. Ekitaldian Blanca Sarasua eta Miren Agur Meabe poetak izango dira protagonista.
Euskal Herriko galeria bi baino ez, Arco nazinoarteko arte azokan
2013-02-13 10:43 Kulturea
Arco arte garaikideko azokeak 27 herrialdetako 201 galeria batuko ditu zezeilaren 13tik 17ra bitartean, Madrilgo Ifeman. Danetara, mundu osoko 2.000 artista ingururen lanak ikusteko aukerea izango da. Aurton, Euskal herriko galeria bi besterik ez dira izango Arcon, Bilboko Carreras Mugica eta Donostiako Altxerri.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...