Aspaldiko proiektua berreskuratu dabe Angel Unzuk eta Txuma Murugarrenek '14 abesti eta hamahiru istorio txiki' diskoan
2013-11-15 15:44 Musikea
Orain hamahiru urte sortutako proiektua gauzatu dabe Angel Unzu gitarristeak eta Txuma Murugarren abeslariak 14 abesti eta hamahiru istorio txiki (Gaztelupeko hotsak) diskoan. Lehen aldia da Murugarrenek inork sortutako doinuak abesten dituala, eta Unzuk be lehenengoz jardun dau konposatzaile pop-rock munduan.
Euskal Kulturearen XV. Jardunaldiak Getxon abenduaren erdialdera bitartean
2013-11-15 15:35 jardunaldiak
Euskerea eta euskal kulturea euskaldunei ez eze, zeozertxu dakitenei eta jakin ez baina interesa dabenei be hurreratzea izango da Euskal Kulturearen XV. Jardunaldien helburua.
Odolaren mintzoa indartsu dator, laukotearen lehenengo diskoan
2013-11-15 14:40 Musikea
Hardcore soinua da nagusi Odolaren mintzoa taldearen lehenengo diskoan. Laukotearen izen bereko lana da, bost kanta ditu eta jentaurrean aurkezten dabilz daborduko. Gaur, hilak 15, Lasarteko Zulo aretoan joko dabe, 22:00etan.
Pedro Maria Unanue Nazinoarteko Kanta Lehiaketearen irabazleen gala lirikoa Bilboko Arriagan egingo da
2013-11-15 13:05 Musikea
BFAk antolatuta 2012ko zemendiaren 26tik abenduaren 1era arte egin zan Pedro Maria Unanue Nazinoarteko Kanta Lehiaketea irabazi eben sei interpreteek parte hartuko dabe zemendiaren 19an Bilboko Arriaga Antzokian egingo dan gala lirikoan. Zehatz esateko, Sun-Hyung Cho, Seung-Gi Jung, Miren Urbieta Vega, Sergio Escobar Perez, Iwona Sobotka eta Karoly Szemeredy dira interpreteak.
Eratu hirukoteak hasi dau 'Ispilu iluna' diskoa aurkezteko birea
2013-11-15 10:38 Musikea
Hamaika kanta ditu Eratu taldearen bigarren diskoak, Ispilu iluna (Mauka) lanak. Usurbilgo Hi-Hain estidoan grabau dabe, Haritz Harreguyren zuzendaritzapean. Behar barria aurkezteko birea hasi dabe daborduko, zapatuan, zemendiak 16, Bilboko 7Katu gaztetxean joko dabe, 21:30ean.
Manuel Irujok erbestera eroan zituan liburuen artxiboa dohaintzan jaso dau Liverpooleko Unibersidadeak
2013-11-15 10:03 kulturbiz
Manuel Irujoren ondorengoek, abokatu eta politikari jeltzale zanak Pariseko eta Londreseko erbestera eroan zituan liburuen artxiboa dohaintzan emon barri deutsie Liverpooleko Unibersidadeari. Horregaz batera, Etxepare Euskal Institutuak bi ekimen barri jarriko ditu abian Irujo zanaren lana eta itzala aztertzeko: Manuel Irujo Lecture Biltzarra eta Manuel Irujo Fellowship Katedrea.
BFAk 6,2 miloe euro zuzenduko ditu 2014an euskerearen erabilerea sustatzeko
2013-11-14 17:56 Euskerea berbagai
Apustu estrategiko eta aitzindaria egingo da, euskera planak ezarriz 17 foru entidade eta enpresetan, eta aurrera egingo da euskerearen presentzia eta erabilerea sendotzen IKTetan, hori ezinbestekoa baita apurka-apurka benetako elebitasuna bermatu ahal izateko.
Landakotik harago Durangoko Azokeak jarduerez beteko dau Durango
2013-11-14 14:55 Kulturea
Durangoko Euskal Liburu eta Diskoen Azokea izatetik, Durangoko Azokea izatera pasau da aurten; izen laburragoa, baina era berean zabalagoa. Gainera, Kulturaren plaza leloa atxikita izango dau. Gune guztiak plaza horren parte baitira: Areto Nagusia; Ahotsenea; Kabi@; Irudienea; Plateruena; Saguganbara; eta Szenatokia.
hóPLAY13 bideo joko independenteen nazinoarteko lehiaketea zemendiaren 25etik abenduaren 1era izango da Bilbon
2013-11-14 14:41 jardunaldiak
Nazinoarteko aisialdi elektronikoaren eta arte alkarreragileen arlo ludiko, teknologiko, industrial, kultural eta sozialak batu eta proiektauko dira Bilbon. Jaialdian bideo joko independenteen sormenaren arduradunen lana goraipatu nahi da, bai eta euren izaera hezigarria eta sortzailea be.
Aurreko hiru urteetako euskaltegietako matrikulazinoen jatsierea eten egin da 2013-2014 ikasturtean
2013-11-14 13:16 Euskerea berbagai
Euskerearen transmisinoan, familia, hezkuntza sistemea eta helduen euskalduntzea dira hiru oinarri nagusiak. Esaterako, euskereak azken hogeita hamar urteotan irabazi dituan 300.000 hiztun barrietatik, 100.000 inguru izan daitekez helduen euskalduntzeak emon dituanak.
'Egungo euskal saiakeraren historia' kaleratu barri dau EHUk
2013-11-14 11:16 kulturbiz
Euskal Herriko Unibersidadeko Laida ikerketa taldeak Egungo euskal saiakeraren historia liburua argitaratu barri dau. Joseba Sarrionandiaren Ni ez naiz hemengoa (1985) eta Anjel Lertxundiren Eskarmentuaren paperak (2009) mugarrien artean dagozan beste hamar zutabe aztertzen ditu Euskal Literatura Saileko behar barriak.
Getxoko Manga Azokea, zemendiaren 16an eta 17an
2013-11-13 17:47 Kulturea
Manga Azokeak ekialdeko komikia Getxoraino ekarriko dau aurten be. Zapatu-domekan, zemendiaren 16an eta 17an, Areetako Geltokia plazako karpan berbaldiak, erakusketak, tailerrak eta lehiaketak izango dira aukeran.
'Gasteizko Toponimia IV, Langraiz' liburua aurkeztu dabe Gasteizen
2013-11-13 17:45 kulturbiz
Arabako uriburuko 64 herrixketako toponimo guztiak batzea, eta era sistematikoan batzea, izan da Gasteizko Toponimia egitasmoaren helburua. Izen guztiakaz batera, artxiboetan topautako dokumentazino guztia be batu da. Izan be, lan honen azken asmoa gaur egun erabilten ez diran toponimoak berreskuratzea da, eta jagokezan forma idatziak arautzea eta finkatzea.
Euskerearen erronkak aztergai, Bilboko Goaz museoan
2013-11-13 13:59 Euskerea berbagai
Sabino Arana Fundazinoak antolatutako Euskerearen desafioak lan-jardunaldiak hainbat aditu eta profesional batu ditu gaur Bilboko Goaz museoan. Euskerearen oraina eta etorkizuna izan ditue berbagai. Euskal kulturgintzea XXI. mendean izeneko jardunaldien barruan antolatu dabe topaketea.
Pedro Hilarion Sarrionandia fraile frantziskotarra omenduko dabe domekan, Garain
2013-11-13 12:12 kulturbiz
Garaiko Udalak eta Gerediaga alkarteak Pedro Hilarion Sarrionandia Linazari omenaldia egingo deutso domekan, hilak 17, haren heriotzearen 100. urteurrena dala eta. Gazterik frantziskotarren ordenako fraile sartu zan eta Galizia eta Andaluzian ikasketak egin ostean, Maroko aldeko misinoetara joan zan. Berau da Joseba Sarrionandiaren Moroak gara behelaino artean? lanaren ardatza.
Futbol entrenamenduak euskeraz planifiketako Kimet Planning software informatikoa aurkeztu dau Getxoko Udalak
2013-11-12 17:48 Euskerea berbagai
Proiektuak futbolari buruzko formakuntzea eta euskerearen normalkuntzea batzen ditu, entrenatzaileentzat oso baliogarria izan daitekeen materiala eskainiz. Kalidadezko materiala da eta batzuetan txikien mailetan hori eskasa izaten da eta honegaz sustatzen dogu egunerokoan euskerearen presentzia.
Glaukoma boskoteak 'Vol. 2' bigarren diskoa aurkeztu dau
2013-11-12 17:07 Musikea
Japoniatik bueltau barri, laster da etxean be martxan Glaukoma talde gipuzkoarra. Lasarteko Zulo aretoan aurkeztuko dabe jentaurrean Vol. 2 (Bonberenea ekintzak) lan barria barikuan, zemendiaren 16an.
UPV/EHUko Mikel Laboa Katedreak sormen eta ikerkuntza arloetako laguntzak erabagi ditu
2013-11-12 14:20 kulturbiz
Mikel Laboa Katedrearen helburuetako bat da Laboaren beraren lana, euskal folklorea eta gaur egungo arte-adierazpenak aztertzea. Horren haritik, aitatutako diru-laguntzinoak banatu ditu aurtengo ekitaldian.
Cro!, Sanctrum eta Las Casicasiotone, Bilbo Hiria 25. Pop Rock Lehiaketako irabazleak
2013-11-12 10:55 Musikea
Astegoienean jokatu dira Bilbo Hiria 25. Pop Rock Lehiaketako finalak. Cro!, Sanctrum eta Las Casicasiotone taldeek irabazi dabe, Pop Rock, Metal eta Beste Joerak kategorietan, hurranez hurran.
Diseinatzaile onenak Bilbon B Awards Bilbao Bizkaia Concept Design Festivalaren barruan
2013-11-12 10:47 jardunaldiak
Milango Triennaleko zuzendari Arturo Dell’Acqua eta Made in Japan lanaren egile Naomi Pollock izango dira B Awards Bilbao Bizkaia Concept Design Festival ekimenean parte hartuko daben hamar hizlarietako bi; Bilboko Alondigan izango da zemendiaren 13an eta 14an.
Aurreko artikuluarekiko interesatuta nau euskal aditza trinkoak liburu hau erosteko. Erraidazuek mesedez prezio ta zenbat orrialde kopuruak dabez
»» Aditz trinkoa batuan, bizkaieraz eta ...