Haur Literaturako Mikel Zarate I. Saria 2010 aurkeztu dabe Lezamako Udalak eta Elkar argitaletxeak
2009-10-01 15:34 Kulturea
Mikel Zarateren hiru senitartekoen (Gorka, Ritxar eta Mikel) izenean, Ritxar Zaratek esan dau 1973an Mikel Zaratek Txomin Agirre Saria jasotako 'Haurgintza minetan' nobelea idatzi ebanetik 36 urte joan diranean eta Mikelen heriotzearen 30. urteurrenean datorrela haren besoetakoa, Haur Literaturako Mikel Zarate I. Saria.
Lur Merinok diseinautako kartelak iragarriko dau Durangoko Liburu eta Disko Azokearen 44. edizinoa
2009-09-30 18:09 Kulturea
Astrabuduako (Erandio, Bizkaia) diseinatzailea Arte Ederretan lizentziaduna da, eta bere ibilbide profesionalean hainbat publizidade agentziatan eta komunikabidetan lan egin dau. Egun, freelance legez dabil. '44. edizinorako irudi indartsua gura neban. Elementu grafikoen ekonomia dago (tipografia, marrak eta kolore bakar bat) krisialdiak jota dagoan gaurko sasoiagaz bat etorteko, azaldu dau.
Tim Robbins-ek zuzendutako '1984' antzezlanagaz ekingo deutso Arriaga Antzokiak 2009-2010 programazinoari
2009-09-29 11:03 Kulturea
Arriaga Antzokiko antzerki-programazinoari urriaren 6an eta 7an ekingo jako '1984' antzerki lanagaz; izen bereko George Orwell, idazlearen eleberri hausle eta mitikoan oinarrituta dago. Tim Robbins aktore ezaguna da '1984' muntaiaren zuzendaria, baita Los Angelesko Actors Gang antzerki-konpainiako zuzendari artistikoa be orain dala 22 urtetik.
Eguaztenean ikusiko dogu aurtengo Durangoko Azokea iragarriko dauen kartela
2009-09-28 17:55 Kulturea
Durangoko Azokako arduradunek aurtengo edizinorako aukeratu dan kartela ezagutzera emongo dabe irailaren 30ean, 11:30ean Landako gunean egingo dan prentsaurrekoan. Aurten, hirugarren urtez, kartela lehiaketa bidez aukeratu da. Danetara 55 proposamen jaso dira, igaz baino 20 gehiago.
Lekuan lekuko euskal jantzak ikusgai Basaurin
2009-09-18 15:04 Kulturea
Gaur hasi eta domekara bitartean, Euskal Herriko Dantza Agerketaren 37. edizinoan jantza-talde autoktonoek jatorrizko lekuetan eta egun berezietan baino ikus ezin daitekezan jantzak eskainiko ditue.
Azurmendik Gandiaga gogoratu dau bere azken liburuan
2009-09-17 14:40 Kulturea
Joxe Azurmendik (Zegama, 1941) 'Azken egunak Gandiagarekin' izeneko liburua kaleratu dau, 'bere libururik pertsonalena', Elkar argitaletxeko iturrien esanetan. 'Gandiaga 2001an hil zan Arantzazun, eta liburu hau haren heriotzearen inguruan sortua da', azaldu dau idazleak. Liburuak bizitzearen zentzua, heriotzea eta fedea lantzen ditu, besteak beste.
Umeentzako lau liburu Elkarren eskutik
2009-09-16 15:54 KultureaElkar argitaletxeak etxeko txikienei zuzendutako lau liburu aurkeztu ditu: Kuku saileko 'Printzesa begizulo' eta 'Martin, egon geldi'; Eta zer? saileko 'Ez naiz sirena bat, eta zer?'; eta Batela saileko 'Fatima'.
Bernardo Atxaga idazlea eta Daniel Innerarity filosofoa 'Eztabaidak Literatureagaz' zikloan
2009-09-14 14:47 Kulturea
Iñaki Esteban kazetariaren gidaritzapean, nobelagilea eta saiogilea protagonista izango dira 'Ulertu, susmatu, kritikatu' lemapeko jentaurreko topaketan. Bihar, hilak 15, Bilboko Bidebarrietako Liburutegia Bernardo Atxaga eta Daniel Innerarity idazleen arteko beste topaketa baten eszenatoki bihurtuko da.
Azken astea 'Cai Guo-Qiang: Sinetsi nahi dut' erakusketea Guggenheim Bilbao Museoan ikusteko
2009-09-14 13:58 Kulturea
Irailaren 20an erakusketeak ateak zarratuko ditu baina Guggenheim Bilbao Museoak beste erakusketa interesgarri bat abiarazoko dau; aldi baterako erakusketa honi 'Frank Lloyd Wright' izenburua jarri deutsie eta bertan AEBko izen handiko arkitekto horren ibilbideari omenaldia egingo jako.
'S.T.O.P. Okupautako Lurralde Palestinarretan bizirauten', sufrimentu gordinaren argazki-erakusketea Gernika-Lumon
2009-09-11 12:05 Kulturea
Luis Valtueña Argazkigintza Humanitarioko XI. Nazinoarteko Sariaren irabazle den Giovanni Marrozzinik ataratakoak argazkiek Lurralde Palestinarretan populazinoak bizi dauen egoera larriaren barri emoten dabe. Erakusketea 2010eko urtarrilaren 31ra bitartean egongo dira ikusgai Gernika-Lumoko Bakearen Museoan.
XXXVII. Ezpatadantzari Eguna Izurtzan
2009-09-09 15:27 Kulturea
Datorren zapatuan, irailak 12, Izurtzan XXXVII. Ezpatadantzari Eguna ospatuko da, sano egun garrantzitsua Bizkaiko eta Euskal Herriko folklorezaleen artean, kontuan izanik 'Dantzari dantza' edo 'Bizkaiko Ezpatadantza' izenakaz ezagutzen dan jantza multzoak, Durangoko eskualde honetako sei eleizateetan iraun dauela mendeetan zehar.
Asiako egileen obrak III. Nazinoarteko Getxophoto Argazki Jaialdian
2009-09-08 18:34 Kulturea
Erakusketak hile osoan zehar ikusi ahal izango dira, 2009ko irailaren 10etik urriaren 11ra. Jaialdiaren ekintza nagusiak, barriz, jaialdiaren lehen astegoienean egingo dira, irailaren 11tik 13ra
'Asiako fikzioak' izenpean, gaur aurkeztu dabe Getxoko Portu Zaharrean III. Getxophoto. Txina, Japon, Hego Korea eta Taiwan-eko hogei ospedun egileren obrak aukeratu ditu hirugarrenez jaialdiko komisario lanak egin dituan Alejandro Castellotek.
Jantzan ikasteko tailerrak eskainiko ditu Dantzaldi Ibiltariak
2009-09-08 15:56 Kulturea
Euskal musika-ondarea erabarritzen diharduen Aiko euskal jantza taldeak eskainitako 'Dantzaldi Ibiltaria' ekimenaren bigarren edizinoa ikasturte barriagaz bat hasiko da. Bizkaiko hainbat herritan izandako tailer ibiltarien lehenengo edizino arrakastatsuaren ondoren, taldeak sei ikastaro finko antolatu ditu aurtengo ikasturterako.
Getxophoto'09 Alberto Garcia Alix-en 'De donde no se vuelve' proiekzinoagaz abian jarriko da
2009-09-03 15:16 Kulturea
Hitzordua irailaren 10eko iluntzeko 20:00etan izango da Getxon, Areetako Andres Isasi Musika Eskolan. Ikusentzunezkoa egileak berak aurkeztuko dau eta honen ostean, Alejandro Castellote GetxoPhotoko komisarioagaz alkarrizketa bat izango dau.
Lau euskal konpainia izango dira Tarregako Azokan
2009-09-03 10:56 Kulturea
'Euskal Teatroa', Eusko Jaurlaritzako Kultura Sailak arte eszenikoak sustatzeko bultzatu dauen ekimena, aurtengo XXIX. Tarregako Azokan izango da, kaleko artea bultzatzen daben lau ikuskizun tarteko dirala.
Bilboko Udaltegiak 'Expodistrito'-ren eszenatoki bihurtuko dira
2009-09-01 18:07 Kulturea
Gaur, irailak 1, hasi eta abenduaren 31ra arte, ekimen honegaz bat egin daben zazpi Udaltegietako edozeinetara hurreratzen diran bilbotarrek lau erakusketa desbardinez gozetako aukerea izango dabe: lau pintura-erakusketa, hiru argazki-erakusketa eta hogei urte bete dituan Hortzmuga antzerki-talde bilbotarraren ibilbideari eskainitako beste erakusketa bat.
Bonifazio Arandia, 'Fasio' trikitilariaren omenezko ekitaldiak Igorren, haren jaiotzearen mendeurrenean
2009-08-26 16:15 Kulturea
Udalak herriko ondarearen berreskurapenagaz lotzen ditu omenaldiko ekitaldiak; Oihane Goioaga Kultura zinegotziaren esanetan: 'Fasio trikitilari ezaguna zan, Arratian zein inguruetan urte luzetan alaitu zituan erromeriak bere akordeoi diatonikoagaz eta, esangura horretan, haren figurea berreskuratu nahiko geunke omenaldiagaz, jaiotzearen mendeurrena beteten dan urte honetan.
Angel Corella jantzariak 'La Bayadere' ballet klasikoa aurkeztuko dau Donostian
2009-08-20 15:04 Kulturea
Corellak gizonezko protagonista nagusia interpretauko dau, Solor gerlaria; Fernando Bufala eta Carmen Corella jantzari espainiarragaz, Kazuko Omori japoniarragaz, Adhiráis Almeida kubatarragaz eta Joseph Gatti eta Ashley Ellis estadubatuarrakaz batera.
Aitana Sanchez-Gijon eta Maribel Verdu Euskalduna Jauregian
2009-08-19 15:27 Kulturea
Aktoreek, Antonio Molero eta Pere Poncegaz batera, Yasmina Rezaren 'Un Dios salvaje' ('Le Dieu du Carnage') lana estreinauko dabe eguaztenean Bilboko Euskalduna Jauregian. Umore beltzez betetako komedia da Un Dios salvaje eta ikusmen handia biztu du lanak: honezkero, aurresalmentan, 12.000 sarrera saldu dira.
I. Topa Eszenika jardunaldiek antzerkizaleentzat preparautako egitaraua eskainiko dabe Usurbilen
2009-08-18 14:41 KultureaAntzerkian esperimentazino-lana egiteko bideak azalduko ditue, sorkuntza-jantzea, gorputz adierazpena, antzezpena edota joko eszenikoen arloetan. Tailerrak eta ikuskizunak irailaren 3tik 6ra bitartean egingo ditue.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...