Bizkaie!

‘Kranston ikastetxea: munstroen eskola’ gaur helduko da EAEko zinema-aretoetara

Bizkaie! 2021-03-12 08:06 Zinemea

Zinema Euskeraz programearen barruan dator.

VII. Loraldia. ABERE BA: ULU ALA ELE

2021/03/16 19:00

Bilboko Bidebarrieta Liburutegian. |Antzerkia

Saio poetiko musikatua (palindromoak).

Bigara kolektiboa, Okene Abrego, Amorante

Berbak, irudiak eta musikea / 60 min

Musikea, berbea eta irudia batzen dituan ikuskizun poetikoa. Palindromoak (ezker-eskuin zein eskuin-ezker testuek eduki berbera dabe) izango ditugu abiapuntu. Bigara bikote sortzaileak Abere ba palindromo ilustratuen piztegia liburu ederra kaleratu eban igaz eta orain ikuskizun bihurtu dau. Proiektua modu esperimentalean landu dabe eta berben jokoa eta musikea buztartu. Amorante eta Okene Abrego musikariakaz batera sortutako esperientzia poetikoa izango da. Palindromoen simetria grafikoa eta hotsezkoa agertu eta harek dakarren berben topaketea parodietan dauen saioa.

VII. Loraldia. 'Odolekoak'. Antxine Mendizabal

2021/03/15 19:00

Bilboko Elkar dendan (Poza Lizentziatua). |Berbaldiak

Odolekoak Antxiñe Mendizabalen azken liburua da. 1941ean hasi eta oraintsu arte, Iruñeko familia baten historia kontetan deusku idazleak hiru emakumeren bitartez: Matilde, Teresa eta Amaia, nor bere ama bilatzen eta ukatzen daben hiru matrioxka. Ama-alaba hartu-emonei buruzko kontakizun sakon, gogor eta hunkigarria. Liburu aurkezpen honetan Alaine Agirrek gidatuko dau barriketaldia.

VII. Loraldia. AZTIHITZA. AGUSTIN XAHO

2021/03/14 12:30

Bilboko Itsasmuseumen. |Musikea

Artistak: Ihintz Potorena, Asisko Urmeneta, Daniel Arbeletxe, Marianes Gorostiaga, Xanmari Hirigoien (Irudia, testua eta kantua / 70 min).

Bizkaitar batzuek Atharratzeko trinketea erosi barri dabe eta bertako gazteei itxi, nahi daben moduan kudeatzeko. Baldintza bakarra, trinketean bertan sortu zan Agustin Xahori (1811n) omen egitea. Zuberotarrek onartu dabe ezohiko tratua. Baina hasteko… nor zan Xaho? Jazoera horreek emoten deutso hasierea irudiz, berbez eta kantuz eginiko bidaia honi.

Ikuskizuna baino lehen komikia izan zan. AztiHitza komikiak, hain zuzen, azken Literatura Euskadi Saria irabazi eban. Orain ikuskizuna plazaratuko dabe. Asisko Umenetak marrazkiak egingo ditue.

Irakurketa dramatizatuan, barriz, Daniel Arbeletxe, Mariañes Gorostiaga, Xanmari Hirigoien izango dira eta musika eta kantuan Ihitz Potorena.

Zuberoatik jatorku XIX. mendeko historian izan dogun personaia nabermenetako bat, baina ez oso ezaguna. Kontuan izan Agustin Xaho abertzaletasuna eta gure eskubide historikoen sortzailetako bat dala historialariek.

VII. Loraldia. 'Zura eta Ura'

2021/03/13 18:30

Bilboko Itsasmuseumen. |Erakusketak

Hamarkada gitxitan, itsasontziak eregiteko prozesuan, material sintetikoek egurra ordeztu daben neurrian, nortasunik bako zuritasun antzu batek estali dau itsas portuetako mendetako paisaje kromatikoa. Konrado Mugertzaren gogoeta honetatik abiatzen da Itsasmuseumeko Zura eta Ura erakusketea; bertan erakusten diran kresalezko edukiak ikusteko aukerea izango da eta jarraian, museoaren auditorioan gaiagaz lotuta Konrado Mugerza argazkilariaren irudiak eta gogoetak eta idazle biren, Miren Agur Meaberen eta Leire Bilbaoren testu literarioak buztartzen dituana.

Sarrerak hemen.

Sekula baino parte-hartzaile gehiago Ramiro Pinilla Lehiaketan

Bizkaie! 2021-03-11 13:49 Kulturea

Testuak bialtzeko epea amaituta, 192 lan jaso dituala dino Getxoko Kultur Etxeak.

XVIII. Laburbira: herrietan film laburren proiekzinoak atontzeko deialdia zabalik

Bizkaie! 2021-03-11 13:44 Zinemea

Martiaren 18ra arte zabalik dago XVIII. Laburbiran proiekzinoak atontzeko epea.

Beatriz Arzamendi eta Gabriel Erkoreka musikagileak hautatu ditue

Bizkaie! 2021-03-11 13:10 Musikea

SGAE Fundazinoaren eta AEOS alkartearen Obra Sinfonikoak Sortzeko programarako.

'Kantaldia'. BILBOKO UDAL TXISTULARI BANDEA

2021/03/15 19:00

Bilboko Euskalduna Jauregian. |Musikea

Helburua, euskal kantutegi zahar eta barrian dagozan abestiak ikusleakaz alkarregaz abestea da. Okasinorako Garikoitz Mendizabal (txistu lehena eta zuzendaria), Idoia Kareaga (txistu bigarrena Gorka Zabaleta (silbotea), Sabin Bikandi (silbotea) eta Asier Garciak (perkusinoa-atabala), hiru gonbidatu izango ditue: Xabier Saldias abeslaria, Iñar Sastre pianistea eta Gorka Eskauriaza baxu elektrikoa.

Kontzertuaren ondoren, Txistulari Bandeak Euskal Museoan jarraituko dau bere denporaldiagaz eta formazino tradizionaleko kontzertu bat eskainiko dau hilean behin (martiaren 24an, apirilaren 21ean, maiatzaren 19an eta bagilaren 16).