Mikel Laboari buruzko jardunaldiak antolatu ditue Donostian, urriaren 15etik 17ra bitartean
2013-10-11 15:53 jardunaldiak
Mikel Laboaren irudi artistikoa aurkezteko antolatutako jardunaldi eta musika instalazinoaren barri emon dabe gaur Donostiako Koldo Mitxelena Kulturunean. Mikel Laboa Katedreak atondu ditu jarduerak, urriaren 15etik aurrera.
Nerbioi-Ibaizabal bailarako herri ondarea herritarren artean zabaltzeko euskarri barriak aurkeztu ditu Labayruk
2013-10-11 15:44 kulturbiz
Zuztarretatik ahora proiektuko euskarri barriak aurkeztu ditue gaur: batetik, Olgetan brinko 2013-2014 Eskola Agenda koloretsua eta sano erabilgarria, marrazki, ipuin eta olgeta bildumeagaz horniduta. Bestetik, Zuztarretatik ahora webgunean eskuragai dagoan bideo bilduma osotuaren barri emon dabe.
Bizkaiko bazterrak, Dora Salazar eta hamar emakume idazleren begietatik
2013-10-11 14:35 Kulturea
Bizkaia emakumeen begiradan erakusketea edegi barri dabe Bizkaiko Foru Liburutegiaren areto nagusian. Dora Salazarrek Bizkaiko hainbat leku pintau ditu, Gaztelugatxe, Elantxobe, Gernikako arbolea, Butroeko gaztelua, Guggenheim Museoa edo Bizkaiko Zubia, besteak beste. Hamar emakume idazleren gogoetek osotzen dabe erakusketea.
'Zinemakumeak gara' emakumeek eginiko zinema erakusketea Bilbon urriaren 16tik 19ra
2013-10-11 14:27 Barriak
Simone de Beauvoir talde feministeak antolatzen dauen Zinemakumeak gara emakumeek eginiko zinemearen erakusketeak 18 urte beteko ditu aurten, eta urriaren 16tik 19ra ospatuko da Bilbon, emakumezko zinemagileek eginiko lana onetsi eta erakusteko asmoagaz. BBK Aretoan izango dira proiekzino, berbaldi eta erakusketa nagusiak.
Getxoko XII. Komiki Azokeak Jan komikigilea eta Luis Gasca dibulgatzailea omenduko ditu
2013-10-11 12:23 Kulturea
Getxoko XII. Komiki Azokea zemendiaren 22tik 24ra bitartean ospatuko da, eta Juan López Fernández Jan komikigilea omenduko dau, Superlópez personaia ospetsuaren sortzailea. Eskarmentu handiko artista espainiarraz gan, Luis Gasca dibulgatzaile gipuzkoarrari be omenaldia egingo deutsie Getxon, bederatzigarren artearen inguruko hainbat entsegu idatzi eta komikiari loturiko ekimen asko bultzatu ditualako.
Napoka Iria bikoteak 'Arnasten ikasteko berriz' disko barria zuzenean aurkeztuko dau gaur Donostian
2013-10-11 12:01 Musikea
Barruranzko bidaiaren emoitzea da Napoka Iria taldeak argitaratu barri dauen Arnasten ikasteko berriz diskoa. Miren Narbaiza eta Ander Mujikaren bigarren lan luzea da hau. Donostian, Lugaritz kultur etxean, aurkeztuko dabe zuzenean gaur bertan, 21:00etan.
Miguel de Unamunoren 'Erbesteko Sonetoak' itzuli ditu Jean-Louis Davantek euskerara eta frantsesera
2013-10-10 18:15 Kulturea
Miguel de Unamunoren Sonetos de Exilio lana euskeraz eta frantsesez ere irakur daiteke daborduko, Jean-Louis Davantek egindako itzulpena argitaratu barri dau eta Maiatz alkarteak. Erbesteko Sonetoak / Sonnets de l'exil izenburuagaz kaleratu dabe. Danetara 103 soneto itzuli ditu.
Alice Munro idazle kanadarra da 2013ko Literaturako Nobel sariduna
2013-10-10 17:50 sariak-autortzak
Alice Munro idazle kanadarrari emon deutsie 2013. urteko Literaturako Nobel Saria. Munro kontaketa labur garaikidearen ikur dala adierazo dau Akademia Suediarrak.
Natur Zientzien I. Topaketea aurkeztu dau UEUk
2013-10-10 15:03
UEUren Natur Zientziak Sailak eta EuskalNatura taldeak antolatuta, datorren zemendiaren 9an eta 10ean Natur Zientzien I. Topaketea egingo da Donostiako Eureka! Zientzia museoan. Bilkura honen helburua naturearen inguruan lanean dabilzan aditu eta naturazaleen alkargune bat sortzea da.
Dana prest 'IV. Txotxongiloak Igandero' ekimenari hasierea emoteko
2013-10-10 13:59 Kulturea
Aurten laugarrenez, Txotxongiloak Igandero zikloa hasteko gero eta gitxiago falta da. Arteria Bilboko Campos Antzokian izango dira ekitaldiak zemendiaren 3tik 2014ko martiaren 30era.
Antxinako azokea, berbaldiak eta bisita gidatuak Bermistorian egitarauan
2013-10-10 12:04
Herriko historia zabaltzea helburu dauen Bermistorian aurten urriaren 12tik 24ra egingo da. Urtero lez, Bermistorianen barruan, antxinako azokea egingo da, bisita gidatuak, berbaldiak eta ikuskizunen emonaldiak.
Getxoko 31. Antzerki Jardunaldiek zortzi antzezlan eskainiko ditue urriaren 12tik 20ra bitartean
2013-10-10 11:29 Kulturea
Zapatuan, hilak 12, abiatuko dira Getxoko 31. Antzerki Jardunaldiak. Aurten genero guztien eta publiko mueta guztientzako zortzi antzezlan eskainiko dituela aurreratu dabe antolatzaileek. Zortzi antzezlan taularatuko dira, urriaren 20a bitartean.
Aurtengo Xalbador Eguna, urriaren 11tik 13ra, Xalbador eta Basarriren omenez
2013-10-10 11:14 Bertsolaritzea
Xalbadorregaz batera, Basarri izango dau gogoan 2013ko Xalbador Egunak. Urriaren 11tik 13ra Urepelen egingo dan jaiaren goiburua Xalbador eta Basarri izango da. Urriaren 11n, Benito Lertxundik kontzertua eskainiko dau, eta 12an Xalbadorren itzalean, hamar urte Joxemari Iriondok idatzitako liburua aurkeztuko da. Sebastian Lizaso, Juan Jose Eizmendi Loidisaletxe II, Amets Arzalluz eta Joxe Luis Gorrotxategi bertsolariak Urepelen izango dira.
'Kafkaren aulkia', irakurraldi bertsotua aurkeztu dau Lankuk
2013-10-09 18:15 Bertsolaritzea
Bertsoa eta literaturea buztartuko dituan Kafkaren aulkia ekimenean Uxue Alberdi eta Andoni Egaña bertsolaria, Pello Ramirez musikaria eta hainbat idazle (Andu Lertxundi, Eider Rodriguez, Harkaitz Cano, Oier Guillan, Arantxa Urretabizkaia, Unai Elorriaga, Miren Agur Meabe, Lander Garro, Itxaro Borda, Jon Sarasua, Iratxe Esnaola, Xabier Mendiguren...) izango dira parte-hartzaileak.
Itziar Okariz donostiarrak egin dau 48. Durangoko Azokea iragarriko dauen kartela
2013-10-09 15:32 Kulturea
Virginia Woolf idazlearen Gela bat norberarena obran oinarritu da Itziar Okariz (1965, Donostia) performance barria osotzeko, eta kartelak ekintza artistiko horren gidoia irudikatzen dau. Zuriaren gainean berbak jantzan. Irudi horregaz osotu dau kartela Itziar Okariz artista donostiarrak.
Euskal musika talderik onenak saritzen dituan V. Banden Lehia martxan
2013-10-09 14:44 Musikea
Azkue Fundazinoak antolatzen dauen musika-lehiaketearen bosgarren edizinoari egunotan emon jako hasierea. Musika arloko lehiaketa honek euskerea eta teknologia barriak buztartzen ditu eta helburua euskal musika talde amateurrik onena saritzea da.
'Euskara Jendea' dokumentala Euskal Herriko sei uriburutan aurkeztuko da urrian
2013-10-09 14:40 Barriak
Prest dago Euskara Jendea: gure hizkuntzaren historia, gure historiaren hizkuntza dokumental bildumea. Sei ataletan banatu dabe, eta lehenengoa, Historiaren atarian Maulen estreinauko da, urriaren 10ean. Ostean, Gasteizen, Iruñean, Baionan, Donostian eta Bilbon kapitulu bana proiektauko dabe.
'Eman giltza - ¡Háblale, escúchale!', euskerea familia bidez transmitiduteko kanpainea aurkeztu dabe
2013-10-09 12:46 Euskerea berbagai
Eman giltza - ¡Háblale, escúchale! lemapeko kanpainearen helburua da nabarmentzea familia ze garrantzitsua dan euskara belaunaldiz belaunaldi transmitiduteko zereginean. Aitatutako kanpainea Bizkaiko 10.000 familia inguruk jasoko dabe eta, Alkarbide bilguneak koordinauta eta Bizkaiko Foru Aldundiak babestuta, orain dala urte bi abiarazotako egitasmoa aurten be 39 udalerritan eta 2 mankomunidadetan zabalduko da.
Nerbioi-Ibaizabal bailara ez da existitzen eta Galdakaok lotura gutxi du Nerbioi inguruko herriekin.
Erantzuna | Nerbioi-Ibaizabal bailarako herri ondarea herritarren artean zabaltzeko euskarri barriak aurkeztu ditu Labayruk