Zinebik ‘Hileko Dokumentala’ sareagaz bat egin eta beste jaialdi batzuetan saritutako filmak ekarriko ditu Bilbora
2014-03-14 09:54 Barriak
Bilbora ekarriko daben ekimen honi esker, hilean behin, dokumental baten aldi bereko estreinaldia egingo da Espainia, Txile, Kolonbia eta Argentinako 53 aretok osotutako sareaan, generoaren zaleei nazinoarteko beste jaialdi batzuetan aukeratu edo saritu baina gerora ia-ia banaketa komertzialik ez daben lanez gozetako aukerea emonez.
Euskerazko ikus-entzunezkoen produkzinoa zabalduko dau XI. Laburbirak
2014-03-13 17:15 Barriak
Zazpi film labur eskainiko ditue aurten hamaikagarren urtez martxan jarriko dan Laburbira film laburren zirkuituan. 2013. urtean euskeraz sortutako film labur azpimarragarri zenbait ezagutzeko aukerea emongo dau. Martiaren 14an, barikuan, abiatuko da zirkuitua Sondikan eta Atarrabian eskainiko dan emonaldi banagaz.
Jose Antonio Retolaza ohorezko euskaltzaina hil da
2014-03-13 12:44 kulturbiz
Atzo, 2014ko martiaren 12an, Jose Antonio Retolaza Kili-kili personaiaren eta izen bereko aldizkariaren sortzaile, euskerearen aldeko ekintzaile eta ohorezko euskaltzaina hil zan Bilbon, 84 urte zituala. Haren aldeko hileta eleizkizuna gaur, martiak 13, izango da, arratsaldeko 19:00etan, Bilbon, Abandoko Done Bikendi parrokian.
Garikoitz Mendizabal txistulariak bost kontzertu emongo ditu egunotan Hego Korean
2014-03-13 09:56 Musikea
Martiaren 14an eskainiko dau lehenengo kontzertua Garikoitz Mendizabal txistulari zestoarrak Seulen, Chun Cheon Philarmonic Orchestreagaz batera. Beste hiru emonaldi eskainiko ditu, hilaren 16, 18, 19 eta 21ean, Etxepare Euskal Institutuko iturriek adierazo dabenez.
Euskadiko hizkuntza-industriek 278 miloe fakturau zituen 2013an
2014-03-12 17:33 kulturbiz
Euskal Autonomia Erkidegoko (EAE) hizkuntza-industrien sektoreak 277.692.571 euro fakturau zituan igaz, aurreko ekitaldian baino % 0,5 gehiago. Sektoreak 5.058 langile ditu, hau da, Euskadin lanean dagozan biztanleen % 0,63, eta horrek esan nahi dau langile-kopurua % 1,26 areagotu dala 2013aren aldean.
Arratia aurrera XXII. Bertsolari gazteen BBK sariketan
2014-03-12 16:30 Bertsolaritzea
Gaur Zallan jokatutako XXII. Bertsolari gazteen BBK sariketearen 2. kanporaketan, Enkarterri eta Arratiako taldeak izan dira aurrez aurre eta irabazlea Arratiako taldea izan da.
'Ni, Petti buhamea' pastorala martxan da Garindainen
2014-03-12 16:09 Kulturea
abuztuaren 3an Garindainen taularatuko dan Ni, Petti buhamea pastorala. Urtarrilean hasi ziran antzezlanean beharrean, danetara ehun bat garaindaitarrek hartuko dabe parte egitasmoan. Buhame edo ijitoek Zuberoan bizi izandako egoerea azaldu gura dau Berzaitzek.
Selma Huxleyk Lagun Onari goraipamena jaso dau
2014-03-12 14:03 sariak-autortzak
Eusko Jaurlaritzeak Lagun Onari goraipamena emon deutso Selma Huxley jatorri kanadarreko eta britainiarreko ikertzaileari. Izan be, 1517. eta 1713. urteen artean Ternua eta Labradorren izan ziran euskal arrantzantzaleen ganean ikertzen emon dau bizitza osoa.
Danele Sarriugarte elgoibartarrak 'Erraiak' lehenengo liburua kaleratu dau
2014-03-12 12:54 Kulturea
2012ko Igartza sariaren emoitzea da Danele Sarriugartek aurkeztu barri dauen Erraiak (Elkar) nobelea. Bikote baten hartu-emonaren amaierea da istorioaren abiapuntua. Emakume baten bakarrizketea, bere obesinoaren kontaketea, hori da idazle elgoibartarraren eleberriaren ardatza.
Euskal Onomastika Datutegiaren sareko bersinoa eguneratu dau Euskaltzaindiak
2014-03-12 10:56
Euskaltzaindiak bere webgunearen bidez plazaratzen dauen Euskal Onomastika Datutegiaren bersino eguneratua ipini dau sarean. Bersino honetan, besteak beste, Amerikako eta Asiako toponimiaren datuak batu dira, 567 toponimo danetara.
Parte hartu Begira Photo Festivalen
2014-03-12 09:51 jardunaldiak
Aurtengo udan laugarrenez egingo da Begira Photo Festival nazinoarteko argazki festibala Durangon. Beste behin be, erakusketa kolektiboan parte hartu gura daben herritarrei dei egiten jake argazkiak bialdu deiezan; autoerretratu generoko argazkiak dira eskatzen dituenak.
Lea-Artibaiko taldea izan da nagusi Markina-Xemeinen
2014-03-11 16:45 Bertsolaritzea
Gaur hasi da aurtengo Bertsolari gazteen XXII. BBK Sariketea Markina-Xemeinen jokatu dan saioagaz, Lea-Artibai eta Bilboaldeko taldeen artean. Saioa Markina-Xemeingo Lea Artibai ikastetxean izan da eta bertako ikaslez beteta egon da. Irabazlea Lea-Artibai taldea izan da.
Rikardo Arregi Kazetaritza Sariaren 26. edizinoa aurkeztu dabe Donostian
2014-03-11 14:04 kulturbiz
Euskarazko kazetaritzan, prensa idatzian, irratian, telebisinoan edo Interneten 2013ko maiatzetik 2014ko maiatzera bitartean egindako lanik onenak nabarmenduko ditu 26. Rikardo Arregi Kazetaritza Sariak.
Martxan dira 'Bilbao-Santander Bertatik bertara' kultur topaketak
2014-03-11 13:17 kulturbiz
Bilbo eta Santander uriak batzen dituan hainbat kultur ekitaldi antolatu ditue Bizkaiko uriburuan. Martiaren 16ra arte, Santanderreko kulturearen alderdi azpimarragarrienak ezagutzeko aukerea daukagu; antzerkia, argazkigintzea, musikea, zinemea eta abar. Kantabriako artisautza eta produktu tipikoen azokeak zarratuko dau egitaraua, astegoienean.
Udabarrian Aiko taldearen erromeriak izango dira Bilboko Bizkaia Aretoan
2014-03-11 10:36 Kulturea
Martiaren 21eko arratsaldean, Kulturbasquegaz lankidetzan, Udabarriko Dantzaldiak egitasmoko lehen erromeria egingo dabe, zuzeneko musikeagaz, publiko guztiarentzat zabalik egongo dan erromeria. Hortik aurrera erromeriak barikuetan izango dira arratsaldeko 19:00retan, lehenengoa 21ean, eta apirilaren 4an eta maiatzaren 16an besteak.
Musika-Música programeak 35.400 ikus-entzule batu ditu Bilbon
2014-03-11 10:02 Musikea
Bilbao 700 Fundazinoak antolatzen dauen Musika-Música programeak 35.422 ikus-entzule batu ditu bere hamahirugarren edizinoan. Sarrera guztien % 20 Frantzian saldu zirala eta Euskal Autonomia Erkidegotik (EAE) kanpoko musikazaleek sarrera ugari erosi dituela nabarmendu dabe antolatzaileek.
Arriaga Antzokiak Euskal Antzerki Produkzino Onenaren Ercilla Saria 2013 jasoko dau gaur
2014-03-10 14:42 sariak-autortzak
Aurtengo sarituen artean, oraintsu Espainiako Antzerki Sari Nazionala irabazi dauen Ramon Barea bilbotarrak, sortzaile, zuzendari eta aktore legez egin dauen ibilbide oparoa aintzat hartuta, merezidutako saria jasoko dau.
Euskerearen arnasguneak tailerra Lekeition
2014-03-10 13:35 Euskerea berbagai
Arnasguneek euskerearen normalizazino prozesuan daben garrantziaren jaube izanik eta, aldi berean, gune geografiko euskaldunetan atzemon dan distensino eta kontzientziazino falteak sortutako ardureaz jaubetuta, horreetan eragiteko asmoz, arnasguneen tailerrak diseinau ditue Kontseilua, Bertsozale, EHE, Emun, Topagunea eta UEMA erakundeek.
Espaloian, Itoiz talde mitikoaren ondareari eutsi guran
2014-03-10 11:24 Musikea
Espaloian proiektua Itoiz taldearen bost jarraitzailek sortutako idea da. Eta helburua da Itoiz taldearen musikeak zuzenean eukan freskotasuna, edertasuna eta indarra jenteari erakustea. Euskaldun guztiona dan Itoiz taldearen musika ondarea ezagutarazo nahi dau Espaloian taldeak
Bertan, 1959ko bagilaren 21ean berak emoneban Euskal Herrian -eta munduan- izan zan lehen mezea euskeraz.
Ze patinazo da hori? Eta gure sermolari zahar guztiak??
Erantzuna | Jose Antonio Retolaza ohorezko euskaltzaina hil da