Martxan da Alberto Handia XXVI. Zientzia Fikzinozko Literatura Lehiaketea
2014-07-28 15:47 Kulturea
EHUko Zientzia eta Teknologia Fakultadeak Alberto Handia XXVI. Zientzia Fikzinozko Literatura Lehiaketearen deialdia egin barri dau. Kontakizunak euskeraz edo gaztelaniaz aurkeztu daitekez, zemendiaren 3a baino lehen. Irabazleak 2.000 euroko saria jasoko dau, eta bigarrenak, 1.000 eurokoa.
Azkenengo bost urteotako irabazleak, Bilboko Aste Nagusiko XXIV. Bilbao Uria Nazinoarteko Sari Nagusian
2014-07-28 14:23
Aurten ez da edozelakoa izango piroteknia enpresen arteko lehia, izan be aurreko edizinoetako bost irabazleek hartuko dabe parte Bilboko Aste Nagusiko XXIV. Bilbao Uria Nazinoarteko Sari Nagusian , tartean Areatzako Astondoa etxeak. Suak 22:45ean hasiko dira.
16.000 lagunetik gora, 22. Euskal Encounter partyan
2014-07-28 11:54
Lau egunetan 6.000 parte-hartzaile eta 10.000 bisitari batu dira Barakaldoko BECen, Euskal Encounter bideojoko eta informatika topaleku erraldoian. Estadu espainiarreko party handiena da, eta zaharrena bere bai. Sabino San Vicente antolatzailea oso pozik dago aurtengo edizinoagaz. Barritasun nagusietakoa Z-Day apokalipsi zonbia izan da.
Tokioko Atzerriko Ikasketen Unibersidadeak Euskerea eta Euskal Kulturea erakutsiko ditu
2014-07-28 11:33 kulturbiz
Etxepare Euskal Institutua munduko unibersidadeetan dituan Euskera eta Euskal Kulturako Irakurletza Sarea osotzen dabil. Euskal hizkuntzearen eta kulturearen ezagutzea eta ospea nazinoartean sustatzea da ekimenaren helburu nagusia. Halanda ze, Japonen euskal ikasketen irakurletza zabalduko da datorren urtean lehenengoz, Tokioko Atzerriko Ikasketen Unibersidadean.
Euskal Herriko I. Elektrotxarangen Topaketea egingo dabe irailaren 6an, Bermeon
2014-07-24 15:13 Musikea
Gasteizko Ttek kultur alkartea eta Bermeoko txosnak dabilz antolatzen Elektrotxarangen Topaketea, Euskal Herriko hainbat elektrotxaranga taldegaz batera. Egun osoko egitaraua izango da, eta amaiera ikusgarria eukiko dauela aurreratu dabe arduradunek.
'Giza Anatomiako Atlasa' ikasliburua argitaratu dau EHUk
2014-07-24 12:34 kulturbiz
Euskal Herriko Unibersidadeak kaleratu barri dau Marban argitaletxearen Máster Atlas de Anatomía lanaren euskerazko itzulpena. Atlasak giza anatomiaren euskerazko terminologia osoa batzen dau. Erreferentziazko lana da bere arloan.
'Humboldt: Selected Basque Writings' lana argitaratu dabe Bizkaiko Foru Aldundiak eta Renoko Euskal Ikasketen Zentroak
2014-07-24 11:30 Euskerea berbagai
Iñaki Zabaleta Gorrotxategik atondu dau Wilhelm von Humboldten testuen antologia, Basque Classics Series bildumako bederatzigarrena. Renoko Euskal Ikasketen Zentroak euskal kulturea AEBetan hedatzeko eta sustatzeko bultzatzen dauen programearen barruan dago saila.
Irati Iciarrek UEUren Udako Ikastaroen lehenengo balorazinoa egin dau
2014-07-24 10:43 jardunaldiak
UEUren 42. edizioko Udako Ikastaroak ateak zarratzekotan dagoz, eta amaieraren atarian Irati Iciarrek, ikastaroetako arduradunak, aurtengo edizinoko lehenengo balorazinoa egin dau. Bidean aldaketa eta zailtasun batzuk sortu diran arren, orokorrean sentsazino oso ona daukiela adierazo dau. Eibarren, Baionan eta Iruñean antolatu diran ikastaroetan 500 ikaslek parte hartu dabe, eta horrek sarearen osasun ona erakusten dau UEUko arduradunaren ustez.
Denzel Washington aktoreak Zinemaldiko Donostia saria jasoko dau
2014-07-23 14:28 Barriak
Antoine Fuqua zuzendari eta Denzel Washington protagonista dituan The Equalizer pelikuleak abiatuko dau, lehiaketaz kanpo, aurtengo Donostia Zinemaldia, irailaren 19an. Aktoreak eta zuzendariak aurkeztuko dabe lana, Kursaal auditoriumean. Eta inaugurazino ekitaldi horretan jasoko dau aktore estadubatuarrak Donostia saria.
Berri Txarrak taldea Ricky Falkner produktoreagaz beharrean dabil egunotan Madrilen
2014-07-23 13:28 Musikea
Hirukote nafarra 20. urteurreneko sortze-prozesuan buru-belarri dabil. Madrilen dagoz, Reno Studiosen, Ricky Falkner produktoreagaz grabazinoak atontzen. Urte amaieran kaleratuko dabe disko barria. Bilboko Aste Nagusian joko dau Berri Txarrakek, abuztuaren 22an, Europa Parkean.
Elkarrekilan Zuberoan udalekuak antolatu ditue garagarrilaren 24tik 30era
2014-07-23 11:50
Aurten lehenengoz eskainiko ditue Ikastolen Elkarteak eta Uda Leku alkarteak Elkarrekilan Zuberoan izeneko udalekuak. Euskal Herriko 9-15 urte bitarteko ehun bat umek hartuko dabe parte. Mauleko Agerria etxean izango da egotaldia, garagarrilaren 24tik 30era. Begiraleak Bidasoaz bi aldeetakoak izango dirala adierazo dabe arduradunek.
Alex Angulo aktorea omenduko dabe gaur Bilboko Campos Eliseos antzokian
2014-07-23 11:12 kulturbiz
Aktore erandiotarraren lagun, senide eta arte eszenikoetako lankideek omenaldia egingo deutsie eguaztenean, arrastian, Bilboko Campos antzokian. Ekitaldia 19:00etan hasiko da, eta ordubete ingurukoa izango da. Publikoari edegita egongo dala jakinarazo dabe, omenaldi xumea izango da, berak nahiko leuken modukoa.
'Jon Mirande, olerkaria' liburua irakurgai, Euskaltzaindiaren webgunean
2014-07-23 10:32
Txomin Peillen euskaltzainaren Jon Mirande, olerkaria liburua sarean ipini barri dau Euskaltzaindiak, eta Akademiaren webgunean konsultau daiteke, hemen. Euskaltzainak bildumaren 18. zenbakia da, hain zuzen be.
Iker Serranoren 'Basoko zaindaria' erakusketea ikusgai, Rekalde aretoan
2014-07-22 15:47 Kulturea
Artista iruindarraren erakusketea Bizkaiko Foru Aldundiaren Barriek programearen barruan aurkeztu dabe Bilboko Rekalde aretoko Kabinete Abstraktua izeneko aretoan. Basaoko zaindaria erakusketea abuztuaren 31ra bitartean egongo da ikusgai.
Claudia Dias koreografoak ate edegi saioa egingo dau eguaztenean, Bilboko Muelle 3 gunean
2014-07-22 13:14 Kulturea
Muelle 3 jantza alkarteak Claudia Dias koreografo portugaldarra Bilbon zuzentzen dabilen jantza garaikideko ikastaroarren barruan, ate edegien saioa antolatuko dau eguaztenean, garagarrilak 23an.
Agur, Kerobia
2014-07-22 12:31 Musikea
Badoa Kerobia talde nafarra, agur esan dau egunotan bere webgunean. 2001eko abenduan sortu genduan Kerobia izeneko abentura hau hemen amaitzen da. 13 urte ondoren, hau jagokula sentiduten dogu, adierazo dabe.
'Saltillo' EHUko eskola-ontziak udako itsasaldiak hasi ditu
2014-07-21 15:45
Goizeko zortziretan urten da gaur Saltillo Euskal Herriko Unibersidadeko eskola-ontzia Santurtziko portutik. Uda honetan hiru itsas-bidaia egingo ditu: Galizia-Asturias-Getaria, euskal kostaldea eta Santander-La Rochelle. Antxinako belaontzian Mikel Lejarza kapitaina eta EHUko Nautika eta Itsasontzi Makineriako Goi Eskola Teknikoko 14 ikasle joango dira.
Xabi Aburruzagak Ortigeirako jaialdiko Runas lehiaketea irabazi dau
2014-07-21 15:17 sariak-autortzak
Musikari portugaletetarrak zuzentzen dauen taldeak Ortigeirako folk musika jaialdiko Runas sariari esker 5.000 euro jasoko ditu eta datorren urteko jaialdian parte hartzeko aukerea izango dau. Igaz, zemendian, Geure bere hirugarren diskoa kaleratu eban Xabi Aburruzagak.
Ohorezko euskaltzain barriek diplomea jaso dabe
2014-07-21 14:12 sariak-autortzak
Maiatzean izentau zituen ohorezko euskaltzainei diplomak eta Euskaltzaindiaren ikurra emon eutsiezan barikuan Akademiak. Hamabi euskaltzain barri dira: Paulo Agirrebaltzategi, Angel Aintziburu, Dionisio Amundarain, Xabier Amuriza, Xipri Arbelbide, Antonio Campos, Maite Idirin, Mixel Itzaina, Jon Landaburu, Joan Martí, Martin Orbe eta Manu Ruiz Urrestarazu.
Alex Angulo aktore erandiotarra hil da
2014-07-21 10:46 kulturbiz
Atzo arrastian, 17:30 aldera kotxe istripua izan eban Alex Angulo aktoreak Errioxako Fuenmayor herrian. Kaminotik urten zan kotxea, eta bertan hil zan, Errioxako Gobernuko ordezkaritzeak azaldu dauenez. Bendita Calamidad pelikulearen filmazinora joian, Zaragozara. Bertan behera laga dabe filmaketea.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...