Fernando Savater eta Iñaki Esteban aurrez aurre izango dira 'Eztabaidak literatureagaz' ekimenean
2014-03-25 10:14 Kulturea
Bidebarrieta Liburutegian gaur, hilak 25, Eztabaidak literatureagaz ekimeneko beste hitzordu bat izango da. Bi idazleen arteko topaketea ardatz dauen egitarauan, gaur arratsaldeko topaketearen protagonistak, Fernando Savater eta Iñaki Esteban izango dira eta literaturearen eta filosofiaren arteko loturea aztertuko dabe.
Apirilaren 4an eta 5ean, Osasun Hezkuntzea berbagai OEEren 24. Biltzarrean
2014-03-24 16:47
Datorren astean OEE-Osasungoa Euskalduntzeko Erakundeak Osasun Biltzarra antolatu dau Donostian. 1991tik urtez urte hutsik egin barik egin izan da, eta osasun-zerbitzuak euskeraz emoteko behar dan trebakuntzea jasoteko oso lagungarriak izan dira biltzar honeek. 24. edizinoak Osasun Hezkuntzea izango dau ardatz, profesionalen zein pazienteen ikuspegitik abiatuta.
Jasone Osoro da EIEren buru barria
2014-03-24 14:43 kulturbiz
Joandako zapatuan, Baionan batu zan Euskal Idazleen Elkartearen batzar orokorra, eta aho batez hartu eben erabagia. Osorok Ander Iturriotzen lekua hartuko dau. Osorok Joxemari Karrere, Pako Aristi, Cristina Lasa, Josune Muñoz, Asier Serrano eta Jon Martin izango ditu bidelagun, alkarteak jakinarazo dauenez.
Maria Merce Marçal, Georg Trakl eta Aime Cesaireren antologiak argitaratu ditu Susak
2014-03-24 14:13 Kulturea
Beñat Sarasolak zuzendutako Munduko Poesia Kaieren lehenengo hiru liburuak aurkeztu barri ditu Susa argitaletxeak. Maria Merce Marçal, Georg Traklen eta Aime Cesaireren poemak aukeratu eta euskeratu ditue Itxaro Bordak, Anton Garikanok eta Iñigo Aranbarrik, hurranez hurran.
Austria, Alemania, Italia eta Herbeheretako taldeak izango dira lehian Getxoko Jazzaldiaren Talde Lehiaketako finalean
2014-03-24 13:49 Musikea
Getxoko Jazzaldiak dagoeneko aukeratu ditu bere 38. ekitaldiko Talde Lehiaketan joko daben lau finalistak. Aurten 17 herrialdetako 69 taldek parte hartu dabe lehenengo fasean eta, horreen artean, honako lau honeek hautatu ditu epai-mahaiak: Lukas Gabric Group (Austria), Liya Grigoryan Trio (Herbehereak), Ylativ algo Quintet (Alemania) eta Massimax Project (Italia).
CAF-Elhuyar sariak apirilaren 10ean banatuko ditue, Bergaran
2014-03-24 11:49 sariak-autortzak
Fausto eta Juan Jose Elhuyar anaiek Bergarako Mintegian wolframa isolatzea lortu ebenetik 230 urte bete diranean, Elhuyar efektua izan dabe ardatz sariok. Izan be, sormena, alkarlana, dibulgazinoa eta diziplinartekotasuna nabarmentzea da Elhuyar anaiei egin leioen omenaldirik onena, hain zuzen, Elhuyar efektua sortzea gizartean.
Topic Tolosako Nazinoarteko Txotxongiloen Zentroaren ganeko erakusketea antolatu dabe Bruselan
2014-03-24 11:47 Kulturea
Martiaren 24tik 27ra Topic Tolosako Nazinoarteko Txotxongiloen Zentroari buruzko erakusketea ikusgai egongo da Bruselan, Europako Parlamentuan. Esperientziak, gogoetak eta lanak ikasi, erakutsi, ikertu, produzidu eta alkar banatzeko lekua da Topic, txotxongilo artearentzako zentro integrala. Arrastiko seiretan zabalduko dabe.
Rosarioko Unibersidadeko Euskera eta Euskal Kulturearen Katedrea apirilean hasiko da lanean
2014-03-24 10:00 Euskaldunak munduan
Zazpirak Bat euskal etxeak eta Rosarioko Unibersidade Nazionalak egindako akordioari esker, euskal kulturea zabaltzeko gune barri bat dago Santa Feko uri horretan joan dan garagarriletik. Bi erakundeek adierazo dabenez, proposamenaren helburu nagusia euskerea esparru akademikora eroatea da, eta hortxe, beste hainbat hizkuntza erakusten diran lez, erakutsi eta lantzea.
EH 11 Kolorek kultur aniztasunaren kudeaketan hausnartzeko eztabaidea abiarazo dau jendartean
2014-03-21 14:50
Nazinoarteko Arrazakeriaren eta Xenofobiaren Kontrako Egunean, EH 11 Kolorek Euskal Herria anitzarentzat adostasunak ekimena aurkeztu dau gaur goizean Bilbon. Gure herriaren kultur aniztasunaren kudeaketan adostasunak jorratu nahi ditu, hausnarketa eta eztabaida prozesu baten bitartez.
Badator Euskal Herria Zuzenean
2014-03-21 13:33 kulturbiz
Lapurdin, Lekorneko Garroa gazteluan, bagilaren 27tik 29ra izango diran berbaldiak iragarri ditue antolatzaileek eta apirilean jakinarazoko dabe musika egitaraua. Eztabaida eta gogoeta guneagaz abiatuko da aurten jaialdia. Herri zapalduen adierazpen gune bilakatu nahi dabe aurten jaialdia, aniztasunaren eta alkartasunaren indarrak elikatzeko asmoagaz.
Gipuzkoa Encounterreko sarrerak minutu eta erdian amaitu dira
2014-03-21 11:50
Minutu bat eta hogeita zazpi segunduan bete dira apirilaren 4tik 6ra bitartean Tolosako Usabal kiroldegian egingo dan 8. Gipuzkoa Encounter informatikarien topaketako lekuak. Danetara, 450 jesarleku dagoz. Arte digitala, programazinoa, bideo jokoak, software librea eta hardware arloetako ekimen ugari eskainiko ditue.
'Berriz', Ezinean taldearen 3. diskoa plazan da
2014-03-21 11:23 Musikea
Hardcore erritmo azkarretan buru-belarri sartuta, baxu eta gitarra dibertigarriz jantzitako ahots eta koru melodiko ausartak gidaritzat hartuta bueltau da Ezinean, oraingo honetan Berriz izenburupeko diskoa besapean (Oihuka).
Donostiako 49. Heineken Jazzaldiak badauka kartela
2014-03-21 10:57 Musikea
Asier Nazabal eta Carolina Ruizek irabazi dabe Donostiako 49. Heineken Jazzaldiko Kartel Lehiaketea. Ciudad pianista izenburua dauka kartel irabazleak, eta egileek 1.200 euroko saria jasoko dabe. Jazzaldia garagarrilaren 23tik 27ra egingo da.
Bidebarrieta Kulturguneak Poesiaren Nazinoarteko Eguna ospatuko dau gaur Juan Gelmanen omenezko ekitaldi bategaz
2014-03-21 10:16 jardunaldiak
Bilboko Bidebarrieta Kulturguneak Poesiaren Nazinoarteko Eguna ospatuko dau gaur, barikua, hilak 21, 2007ko Cervantes Saria eskuratu eta joan dan mendeko literaturearen erreferentziatzat joten dan Juan Gelman idazle hil barriaren omenezko ekitaldi bategaz.
Hemen da Bilboko Errekaldeko II. Umorezko Antzerki Erakustaldia
2014-03-20 14:44 Kulturea
Errekaldeko II. Umorezko Antzerki Erakustaldia Hermanos Bolinga bertoko antzerki taldearen eskutik eta Puestos en libertad obreagaz hasiko da bihar martiak 21, alderdirik basatienean biziten ohituta dagozan bi personaien pasadizoak kontetan dituana.
Sabino Arana Fundazinoak eta Euskaltzaindiak lankidetza-hitzarmena sinatu dabe
2014-03-20 14:10 Euskerea berbagai
Akordioaren helburua euskerea sustatu, normalizau eta egoki erabiltea da, eta bost urteko iraunaldia izango dau. Bilbon sinatu dabe hitzarmena, Euskaltzaindiaren egoitzan, Juan Mari Atutxak Sabino Arana Fundazinoko presidenteak eta Andres Urrutia euskaltzainburuak.
Durangaldeko II. Maketa Lehiaketea aurrera doa
2014-03-20 13:49 Musikea
Martiaren 21ean, barriz, Bagauda, The Mockers eta Tigh Leash taldeen txandea izango da. Azken kontzertua, apirilaren 4an izango da eta Ekilibristak, Hozten eta Orion Child agertuko dira taula gainean. Kontzertu danak Zelaieta kontzertu gelan izango dira, gaueko 23:00etan.
Omako basoa lehengoratzen dabilz Bizkaiko Foru Aldundia eta EHU
2014-03-20 13:23 kulturbiz
Zugatzak eta euren kokalekua erroldatu eta katalogau ostean, Agustin Ibarrola artisteak 1982 eta 1985. urteen artean Omako basoan egindako pinturak lehengoratzeko jardunean dabilz Bizkaiko Foru Aldundia eta Euskal Herriko Unibersidadea. Egilea bera eta Miren Josune Ariztondo Kultura diputadua izan dira Kortezubin.
Bakioko Txakolingunea interpretazino-zentroa zabaldu dabe
2014-03-20 11:20 Jan edanak
Edegi dabe Bakioko Txakolingunea. Bizkaiko txakolinaren historia, produkzinoa eta txakolinaren kulturea ezagutzeko interpretazino guneak makina bat argazki, bideo eta objektu batzen ditu. Atzerapenagaz eta kritika artean inaugurau zan.
Intxortako burruken berregitean parte hartzeko aukerea dago oraindino
2014-03-20 11:01
Apirilaren 27an, domekan, Intxortako Atearen aurrean izango da aurten eta egitarau mardula antolatzen dabilz Elgetako Udala eta Intxorta 1937 Kultura Alkartea. Aurten 120 lagunek hartuko dabe parte antzezpenean eta oraindino badago lekua parte hartu gura dauenarentzako.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...