Bilborock aretoak 734.000 ikusle baino gehiago izan ditu 15 urteotan
2012-05-23 18:23 kulturbiz
Bilborock aretoak 15 urte bete barri ditu. Urteotan 734.000 ikusletik gora izan dira bertan moeta guztietakoa adierazpen kultural zein sozialetan. Bilboko Udalaren Euskera, Gazteria eta Kirol Sailaren menpe dago.
Zaratamoko toponimiaren mapea argitaratu dabe
2012-05-23 17:22 Euskerea berbagai
Zaratamoko toponimiaren mapea aurkeztu barri dabe. 2008tik, Maier Gurrutxaga eta Goizaldi Ugarte ikertzaileak ibili dira mapa toponimiko-topografikoa osotzen, Felix Mugurutza Euskaltzaindiaren Onomastika batzordeko kidearen zuzendaritzapean. Zaratamoko Udalak mapearen 2.000 ale argitaratu ditu.
Patti Smithek Bilbon joko dau zemendian, Guggenheimeko 'Women´s Nights' zikloan
2012-05-23 15:34 Musikea
Women’s Nights zikloak Patti Smith, Wanda Jackson, Nneka, Cocorosie eta Julieta Venegas musikariak ekarriko ditu Gugenheim museora garagarrilean eta zemendian. Lehenengo kontzertua Wanda Jacksonek emongo dau, garagarrilaren 3an.
Cristobal Balenciaga Museoak hainbat jarduera antolatu ditu bere lehen urteurrena ospatzeko
2012-05-23 14:28 kulturbiz
Getariko Cristobal Balenciaga Museoak ateak edegi zituanetik urtebete izango da datorren bagilaren 10ean. Ordutik, ia 100.000 lagun izan dira instalazinoetan, Getarian jaiotako jostunaren sorkariak behatzen, eta egun berezi hori aintzat hartuta, museoak hainbat ekitaldi antolatu ditu urteurrenaren inguruko egunetarako.
Gipuzkoako monumentu megalitikoen bilatzailea atondu dau Aranzadik
2012-05-23 13:53
Aranzadi alkarteak Gipuzkoako monumentu megalitikoen eta aztarnategien bilatzailea ipini dau martxan, euren webgunean bertan, www. aranzadi-zientziak.org-en, Arkeologia atalean. 250 momumentutik gora batu ditu Aranzadik, tartean, trikuharriak, harrespilak, tumuluak, harkutxak eta zutarriak.
Karlos Linazasorok 'Apenas' egunkari poetikoa argitaratu dau
2012-05-23 12:36 Kulturea
Karlos Linazasorok Apenas liburua kaleratu barri dau, Utriusque Vasconiae argitaletxearen eskutik. Egunkari poetikoa osotu dau idazle tolosarrak. Errealidadea abiapuntu, egoera edo gogoeta bat, fikzinora egin dau salto egileak egunez egunez, umorea, surrealismoa edo mundu onirikoak erabiliz.
Gueñesko Udalak Internet bidez herritarren partaidetzea sustatzeko proiektua aurkeztuko dau eCitizen europar topaketan
2012-05-23 12:36
Gueñesko Udalak, Eudelen babesagaz, e-partaidetzako proiektua aurkeztuko dau eCitizen europar topaketan, maiatzaren 28tik 31ra bitartean Kerryn (Irlanda) egingo dan bilkuran. Europa mailako trukerako foro horretako kide aktiboa da Eudel, eta Gueñesko Udalaren www.guenes.info webgune barria aukeratu dau e-partaidetzearen arloko jardunbide egokien eredu legez.
ACT jaialdiak mundu osoko sortzaile barriak batuko ditu Bilbon eta Barakaldon
2012-05-23 11:41 Kulturea
ACT Nazinoarteko Sortzaile Barrien Antzerkialdia antzerkizale eta arte eszenikoetako profesionalen alkargunea izango da maiatzaren 30etik bagilaren 2ra arte, Bilbo eta Barakaldoko hainbat agertokitan. Euskal Herriko konpainiekaz batera mundu osotik etorritakoak izango dira.
14 artista aurkeztu dira Bilbo Zaharreko merkataritza lokalak graffitiz apaintzeko 'Behera Pertsianak' IV. Lehiaketara
2012-05-23 11:03 kulturbiz
Epaimahaiak Sebastián Velascoren, Nuria Serranoren (bi horreek 2011ko edizinoan be sarituak izan ziran) eta Juan de la Cruz Irazabalen zirriborroak aukeratu ditu, edizino honetan 14 artistak aurkeztu dituen proiektuen artean.
Emakumeen Dokumentazino Zentroak Bilboko Alondigako BBK Mediatekeari emon deutso bere literatur funtsaren zati bat
2012-05-22 18:07 kulturbiz
Orain arte John Jauregiaren lehenengo pisuko liburutegia osotu dauen funtsaren zati bat lagata, alde batetik, Emakumeen Dokumentazino Zentroko eskari espezifikoa zentralizetea lortuko da, eta bestetik, emakumeek sortutako literaturearen eskutik mobimentu feministea zabaltzeko aukerea egongo da, kultura arloko eta izaera publikoa dauen beste zentro batean, Alondigan, hain zuzen be.
2011ko R.M. Azkue Literatur Sariak banatu ditue Bilbon
2012-05-22 15:34 sariak-autortzak
Euskaltzaindiak berak eta BBK Fundazinoak antolatzen dituen sari honeek idazle gazteak literatura mundura erakarteko asmoz sortuak dira.
Trapagaraneko Itxaropena Ikastoleak danon babesa eskatu dau, hazten jarraitzeko
2012-05-22 14:34 Euskerea berbagai
Laster, 700 ikasleren kopurua gaindituko dogu eta Ibilalditik lortzen dan dirua behar dogu, geure azpiegiturak handitzeko, zehaztu dau Jose Mari Andres Itxaropena Ikastolako zuzendariak.
Miguel de Unamuno ibilten zan lekuetatik antolatutako ibilbide gidatuetako bigarrena bagilean izango da
2012-05-22 14:11 kulturbiz
Bagilerako oinez egingo dan bigarren ibilbide bat proponidu deuskue, egilearen bizitzako gaztaroari buruzkoa, haren prestakuntzeagaz bat datorrena, Madrilera eta Salamancara egin zituan bidaiak eta trenez bidaiatzeko eban zaletasunari buruzkoa.
Euskal hiztun komunidadearen komunikazino beharrak aztergai, Tokikom jardunaldian
2012-05-22 11:51
Zer egitura komunikatibo behar dau euskal hiztun komunidadeak? Galdera horri erantzuten saiatzeko jardunaldia antolatu dabe Tokikomek eta Topaguneak bagilaren 15erako, Arrasaten. Gogoeta teoriko-praktikoa egin nahi dabe, Euskal Herriko zein kanpoko adituen eskutik. 100 lagun batuko dira euskal hedabideen etorkizunaz eztabaidatzeko.
3,4 miloe euro, LanHitz eta Euskalgintza diru-laguntzetarako
2012-05-22 11:40 Euskerea berbagai
3.437.000 euro bideratuko ditu Eusko Jaurlaritzako Hizkuntza Politikarako Sailburuordetzeak 2012ko Euskalgintza eta LanHitz diru-laguntzetarako. Eguenean, maiatzaren 24an, argitaratuko da Euskalgintzaren deialdia, eta barikuan, LanHitzena.
Euskaltzaindiak 'Gazteak, aisialdia eta euskara Ipar Euskal Herrian' ikerketea argitaratu dau
2012-05-21 17:47 Euskerea berbagai
Euskaltzaindiak Gazteak, aisialdia eta euskara Ipar Euskal Herrian liburua aurkeztu dau Baionan. Erramun Baxo ohorezko euskaltzaina eta Jean-Baptiste Coyos euskaltzain osoa dira liburuaren egileak.
'Hitzen hiria' goiburupean, Literaktum 2012 Donostian maiatzaren 21etik 31ra
2012-05-21 12:46 jardunaldiak
XII. Literaktum-en helburua literaturearen inguruan pentsaera kritikoa, hausnarketea eta eztabaidea piztea da. Eta hori guztia artearen hainbat hizkuntzari zein disziplinari ateak zabalduz.
Herri ekimeneko euskal hedabideek sektorearen diagnostikoa aurkeztu deutsie Gipuzkoako Foru Aldundiari
2012-05-21 12:18
Hedabideen ordezkariek nabarmendu dabenez, Gipuzkoak pisu espezifiko berezia dauka sektorearen jardueran, bertan kokatuta baitagoz esparruko eragile gehienak. Hori dala eta, erakunde foralak zeresan handia dauka sektorearen etorkizunean.
Mallabiko Udalak eta Euskaltzaindiak herriko toponimia batzeko hitzarmena sinatu dabe
2012-05-21 12:06 Euskerea berbagai
Mallabiko Udalak eta Euskaltzaindiak herriko toponimia batzeko hitzarmena sinatu dabe. Udalaren izenean, Milagros Mondragon alkateak eta, Euskaltzaindiarenean, Xabier Kintana idazkariak sinatu dabe akordioa. Ikerketea Pello Mugartzak eta Justo Azagirrek egingo dabe.
Athleeeeeeeeeeeeeeetic! Euuuuuuuuuuuuuuuuuuuuuuuuuuuup!!!
Barikuen baiiiiiiiiiiiiiii!!!!!!!!!!!!!!!!!!!!
Erantzuna | Moises Enbeita: 'Bertsozalea asko ugaritu eta, batez be, gaztetu egin da'