Bizkaie!

Zornotzako Luis Urrengoetxea kaleko jaiak

2019/11/09 21:30

JOSETXO PIPERRAK & THE RIVER ROCK BAND + THE BON SCOTT BAND

Zornotzako Luis Urrengoetxea kaleko jaiak

2019/11/07 - 2019/11/10

'Markina-Xemeindik Errumaniara bizikletaz'. Hizlaria: David Razkin

2019/11/08 20:00

Gazte markinar hau, bizikletaz joan da Bucaresteraino, aurtengo udan. 4.000km egin ditu bizikletaz garagarrilean eta abuztuan, bere txakur Kuba lagun hartuta. Abentura honen helburua, Bucarestera heldu eta bertako umezurtz etxe bati laguntzea izan da, izan be, Bucarestera heldu eta David umezurtz etxean geratu da hilebetez, bolondres. Diru batze solidario bat jarri eban martxan, kilometro bakotxeko euro bat jasoz. Jasotako diru guztia umezurtz etxera zuzendu dau, zehatz umeei zuzendutako ekintza eta materialak finanzietako.

Ekimenari Txakurbizi izena jarri eutson Davidek, eta informazino gehiago gura izan ezkero, klik egin hemen eta hemen. 

'Bwall Collective'

2019/10/16 18:00

Alegria-Dulantziko 13. Antzerki Amateur Jaialdia

2019/11/01 - 2019/11/23

Informazino gehiago eta egitaraua hemen.

51. Tolosako Abesbatza Lehiaketea

2019/10/31 - 2019/11/03

Danetara, 11 herrialde ezbardinetako 16 abesbatzek hartuko dabe parte aurtengo lehiaketan: Indonesia, Alemania, Suitza, Letonia, Ukrania, Polonia, Erresuma Batua, Belgika, Japonia, Espainia eta Lituaniako taldeak lehiatuko dira, hain zuzen be.


Egitaraua

Urriak 31

19:30ean, Leidor Antzokian, Abesbatza Lehiaketan polifonia eta folklore modalitatean parte hartuko duten ganbera abesbatzen emanaldia.

Zemendiak 1

11:00etan, Leidor Antzokian, Abesbatza Lehiaketan musika profanoaren modalidadean parte hartuko daben ahots taldeen saioa.

16:00etan, Leidor Antzokian, Abesbatza Lehiaketan polifonia arloan parte hartuko daben ganbera abesbatzen kantaldia.

19:30ean Leidor Antzokian, Abesbatza Lehiaketan folklore arloan parte hartuko daben ganbera abesbatzen saioa.

Zemendiak 2

11:00etan, Santa Klara eleizan, Abesbatza Lehiaketan erlijino-musikearen modalidadean parte hartuko daben ahots taldeen abesbatzen saioa.

16:00etan, Leidor Antzokian, Abesbatza Lehiaketan polifonia eta folklore arloan parte hartuko daben ganbera abesbatzen kantaldia.

19:30ean, Topic aretoan, kontzertu lirikoa Juan Laboreria abeslariaren eta German Ormazabal piano jolearen eskutik.

Zemendiak 3

11:30ean, Leidor Antzokian, Lehiaketearen Amaiera Saioa eta sari-banaketea. Ekitaldiari Agur Jaunak abestuz emongo jako amaierea.

Jarraian, Abesbatza-bazkaria Ferialekuan.

19:00etan, San Francisco elizan, kontzertu Korala belgikar Swara Vocal Ensemble-ren eskutik.

'Isabel Baquedano. Edertasunaz eta sakratuaz'. Viscofan

2019/10/30 - 2020/01/26

Isabel Baquedanoren (Mendabia, Nafarroa, 1929-Madril, 2018) obrearen osotasunaren lehen barrikuspena; XX. mendearen bigarren erdiko Espainiako pinturako figurarik personaletako bat izan zan.

Ehun eta berrogeita hamarretik gora margolanek eta berrogeita hamar marrazki inguruk zeharkaldi zabala eskaintzen deutse ikusleari artistaren lan eta bizi-ibilbide luzean barrena.

Hirurogeiko hamarkadan Iruñeko Eskolearen bultzatzaile autortua eta zirkulu txiki batzuetan oso errespetatua –haren lanak goiz jaso eban kritika espezializatuaren autortzea eta erregulartasunez egin zituan erakusketak Madrilen eta Euskal Herrian–, Baquedanok laster itxi eutson margolanei sinadurea eta eguna ezartzeari; sekula ez eban ospea bilatu, pinturearen ariketa hutsa baino. Horregatik nahiko ezezaguna da publiko zabalarentzat eta hori da Bilboko Arte Eder Museoak erakusketa hau antolatzeko izan dauen motibo nagusia, helburu bigaz: haren obrea zabaltzea eta haren ezagutzan sakontzea.

Bilbon izan ondoren, erakusketea Iruñean ikusi ahal izango da, Nafarroako Museoan eta Nafarroako Unibersidadea Museoan.

Argazkia: Miguel Zugaza, Bilboko Arte Eder Museoaren zuzendaria; Ángel Bados eta Miriam Alzuri, erakusketearen komisarioak; eta Adelina Moya Valgañón, arte historialaria.

Xare Euskarazko Kultura Digitalaren I. Jardunaldia

2019/10/31 .

Harrera ekitaldia 9:00etan izango da Landako Gunean. Eta, 14:00etara bitartean, hiru ikastetxetatik etorritako Batxilergoko lehenengo mailako 450 gaztek hartuko dabe parte 3 gunetan zehar sakabanatutako ekintzetan: Durangoko Landako Gunea, Plateruena Kafe Antzokia eta Zugaza Zinemea Informazinoaren eta Komunikazinoaren Teknologia barrien gune garrantzitsu bihurtuko dira urriaren 31n. 

Euskerea IKTen sektorean eta gazteen mundu naturala dan uniberso digitalean txertatzeak dauen garrantziaz jaubetuta, Iudana Acasuso Azkue Fundazinoko zuzendaria eta Miren Dobaran Eusko Jaurlaritzako Hizkuntza Politikako Sailburuordea, baita Udal ordezkaritzea be, Durangoko hitzordura hurbilduko dira.

Azkue Fundazinoak eta Xarek berak Eusko Jaurlaritzearen nahiz Durangoko Udalaren laguntzaz antolatutako jardunaldia da hau; IKTen alorrean eta, oro har, kultura digitalaren esparruan euskerearen erabilerea sustatu nahi dauen egitasmoa: Xare.

Gazteak izango dira hitzordu honetan protagonista, Batxilergoko lehenengo mailako 450 ikaslek hartuko dabe parte. Aurtengo barritasuna eta interesgune nagusia Era Aretoa (Zugaza Zinemea) izango da, teknologia barriez egiten dugun erabilerearen inguruan hausnartzera bideratutako gunea, hain zuzen. Maider Likonak (Gipuzkoako Software Askea alkartea) eta Ane Ortiz sexologoak (Emaize) berbaldi interaktibo bana emongo dabe pribatutasunaren eta sare sozialen bidezko hartu-emonen inguruan, hurranez hurran. Izan be, teknologia barriak gero eta gehiago erabilten ditugu gure bizitzako eremu intimoenetan be, eta horregatik da garrantzitsua erabilera horren (ona, erdipurdikoa ala txarra) ondorioak ezagutu eta kalteei aurre egitea.

'Ángela Figuera Aymerich y sus hermanas poetisas'. Hizlaria: Elena Medel

2019/10/30 19:30

Bilboko Udalak Angela Figuera poetearen jaiotzearen urteurrena ospatuko dau urriaren 30ean (Bilbo 1902 – Madril 1984). Bertan, Elena Medel editore eta poeteak Ángela Figueraren bizitzan kurutzatutako izenak, poemak eta bizitzak ekarriko ditu gogora, izan be, gure historiaren parte diren arren, ez dira Literaturearen eskuliburuetan agertzen.

Gerraosteko poesiako figura azpimarragarria, 2008an Udalak urteko egun bat instituzionalizau eban haren ohoretan, idazlearen bizitza eta lana ezagutarazoteko, jente gehienak ez ebalako ezagutzen. Ekitaldi horren bitartez, Bilboko Udalak euskal poeta garrantzitsuenetakoa aintzatetsi eta gogorarazo gura dau, gerra osteko poeten taldeko kidea, 36ko belaunaldia izenekoa. Talde horretan eragin handia izan eben Gerra Zibilak eta haren ondoren etorritako Munduko Gerrak. Era berean, ikusgai bilakatu gura da, haren garaiko emakume asko bezela, genero arrazoiakaitik, kide zan poeta taldearen barruan baztertuta geratu zan bilbotarra. Talde haretan, besteak beste, Blas de Otero edo Gabriel Celaya egozan.

'Palabek, babesleku itxaropenezkoa'

2019/10/30 19:00

Dokumentalaren Euskadiko estreinaldia Salestar Misinoek eta Gazteak eta Garapena Gobernuz Kanpoko Erakundeak produzidutakoa da.

Raúl de la Fuentek zuzendu da filma, eta kontetan dau dau zelan doazen iges Sudan Hegoaldeko ama gazte bi, Ugandako Palabek kokalekuan hezkuntza barri baten inguruan biziteko itxaropenaren bila. Dokumentala uri nagusietan eskainiko da, baita Euskadin, Bilbon be.

Datorren eguazteneko aurkezpenean izango dira Ubaldino Andrade, Palabek-en (Uganda) salestar misiolari dabilena; José Antonio San Martín, Salestar Misinoen zuzendaria; eta Alberto López, Salestar Misinoen eledun eta dokumentalaren produktorea.

Salestar GKEari emondako laguntza izenduna proiektu honetarako da: Ikasgelak ekinean Bilbon: migratzaileak eta pertsona iheslariak Sudan Hegoaldean, hezkuntza formalezko proiektu bat da, Deustuko Salestarren ikastetxean eta Deustuko, Sarrikoko eta San Inazioko eremuan kokatutako denpora libreko talde solidarioakaz lan egiteko asmoa be badauena. Proiektua Deustuko Salestarren ikastetxeko Lehen Hezkuntzako 94 mutiko eta 154 neskatorentzat, Derrigorrezko Bigarren Hezkuntzako 185 mutiko eta 156 neskatorentzat, Oinarrizko Lanbide Heziketako 48 mutiko eta 6 neskatorentzat eta Batxilergoko 96 mutikorentzat eta 99 neskatorentzat da, baita Deustuko Nuestro Club eta Oldarra aisialdiko alkarteetako 55 mutiko eta 62 neskatorentzat, eta Bilboko herritarrentzat, oro har.

'Hitzalak'. KARKAITZ CANO + ANTTON OLARIAGA

2019/10/30 19:00

MCD

2019/11/01 22:30

CARLETTI PORTA

2019/11/03 20:00