Bizkaie!

'Hil kanpaiak'. Zuz: Imanol Rayo

2021/04/27 18:30

Miren Gorrotxategiren 33 ezkil liburuan oinarritutako filma.

Informazino gehiago hemen.

Pascal Ramberten 'Maitasunaren itxiera'. Arriaga Antzokia

2021/04/29 - 2021/05/01

Antzezleak: Miren Gaztañaga eta Eneko Sagardoy.

Fant-PreFant. 'The ring'

2021/04/29 19:00

Bilboko Udalak antolatzen duen FANT-ek hilaren 29an emongo deutso amaierea PreFant zikloari, 1998an estreinautako Hideo Nakataren The Ring filmagaz.  Protagonismo berezia dau filmak FANTen 27. edizinoan, zinemaldiko kartelean omenaldi personala egiten jakolako filmari.

Proiekzinoa 19:00etan izango da eta sartzea doban da baina gonbdapena beharrezkoa da, gehienez sarrera bi personako. Egun berean jaso ahal izango dira, 16:00etatik aurrera.

Fant Zinemaldia maiatzaren 7an hasi eta 16an amaituko da.

The Ring (1998, Hideo Nakata, Japónia, 96 min)

'La armadura del rey'

2021/04/26 19:00

Eider Hurtado eta Ana Pardo de Vera liburuaren egileek eta Blanca Rosa Roca editoreak hartuko dabe parte aurkezpenean. Xabier Lapitzek moderauko dau berbaldia.

Ana Pardo de Vera (Lugo, 1974)

Filologia Hispanikoan lizentziau zan eta ondoren Hedabideetan masterra egin eban. Hainbat komunikabidetan lan egin dau, besteak beste, Diario 16, La Voz de Galicia, Tiempo edo El Siglo de Europa eta hainbat irrati eta telebistagaz kolaborau dau. José Luis Rodríguez Zapateroren Gobernuan, Komunikazino aholkulari izan zan Defentsa, Industria, Turismo eta Merkataritza ministerioetan eta Lurralde Politikako Lehendakariordetzan. 2016. urtetik 2019. urtera bitartean, Público egunkari digitala zuzendu eban; gaur egun, haren zuzendari korporatiboa eta Hartu-emon Instituzionaletakoa da.

Eider Hurtado (Santurtzi, 1982)

Ikus-entzunezko Komunikazinoan lizentziaduna da UPV/EHUn. Kazetari lanak egiten ditu ETBn. 360 grados erreportaje-programaren zuzendaria eta aurkezlea izan da. Ibilbideari irratian ekin eutson, Radio Euskadin eta Onda Vascan, gaurkotasun politikoaren jarraipen berezia eginez. Azken urteotan, ikerketa-kazetaritzan dabil.

Ikusgarritasun Lesbikoaren Eguna. 'Bagara/Somos'

2021/04/26 12:00

Bilboko Udalak kanpaina instituzional barri bat jarri dau martxan, Bagara/Somos, gizartea sensibilizetako emakume lesbianen errealidadeaz. LGTBIQ+ arloko politiketan adituak diran Beatriz Gimenok eta Irantzu Varelak egindako webinarra ikusi ahal izango da online, eguerdiko 12:00etatik 14:00etara, hemen. 

Kanpaina honen bidez, Udalak herritarrak animetan ditu aztertu deien zer zeregin bete daben emakume lesbianek kulturan, hedabideetan eta espazio publikoan era batera edo bestera agertzeko orduan, hor zer ibilbide egin daben, edo zer absentzia eta presentzia izan daben.

Lesbianak ikusgai eta eskubidedun

Apirilak 26an, ikusgarritasun lesbikoaren egunean, oraindino gatxa da ikusgarritasun hori aldarrikatzea pandemiaren testuinguruan. Lesbianak badagoz egon eta harro egoteko arrazoi asko.

Oraindino be, lesbianak ikusezinak dira gure jendarteko hainbat esparrutan: eskolan, familian, lanean, kalean… Eta zer esanik ez lesbiana nagusiak, migratuak edo asilo-eskatzaileak diranean.

Ikusezintasuna beste indarkeria mueta bat da, emakumeei sexualidade libre eta autonomoa ukatzen jarraitzen dauen gizarte patriarkalean. Hainbeste emakume lesbianaren existentziarik eza edo ikusezintasuna gaitzestea da sistemeak darabilen mekanismoa, gizartean sexu eta genero-aniztasuna ukatzen jarraitzeko.

Gizarte osoaren erantzukizuna da diskriminazino eta indarkeria mueta guztien kontra burrukatzea, lesbianen ikusgaitasuna sustatzen daben politika publikoak beharrezkoak dira eta, batez be, maskulinoa dan LGTBI+ irudimenetik harago doazenak.

Egun honetan, lesbiana horreek guztiak aldarrikatu nahi ditugu, ikusarazoten diranak eta ez diranak. Gure helburua emakume lesbianek euren ikusgaitasuna zelan bizi gura daben askatasunez erabagi ahal izatea da eta, horretarako, baldintza egokiak sortzen jarraitzeko egingo dogu lan. Era berean, dei egin nahi deutsegu persona, alkarte, kolektibo, erakunde eta organismo guztiei, jendarte osoari, lanean jarraitu deien.