Bizkaie!

'Ez dok hiru'. Tartean Teatroaren akustikoa

2021/09/18 - 2021/09/19

Euskal Herri osoan ehundik gora saio eskaini ondoren, Bilbora dator euskal kantutegian oinarritutako ikuskizun teatrala eta umorezkoa.

Gure musika ondarea, altxor bat da, gure memoria historikoaren lekuko emozionala.

Kareagako III. Kale Artisten Plazea

2021/09/12 13:00

Kareagako Sorgina Kultur Alkarteak irailerako atondutako kale-antzerki egitarauaren barruan, irailaren 12an, Panoli kabareta lana eskainiko dau Ganso Cia. taldeak

Izakinen Amaierako Merkatua 2021

2021/09/15 - 2021/09/18

Herriko merkataritzea bultzatzeko eta udalerrian dagoan eskaintzea ikusarazoteko, irailaren 15etik 18ra
Getxoko Izakinen Amaierako Merkatuaren beste edizio bat egingo da. Aurreko edizinoen ondoren, 2020ko irailekoa (online sustapen-kanpainea ordezkatu ebana) eta 2021eko martikoa (establezimenduen barruan egin zana), Udalak kanpainearen esentzia berreskuratu eta bezeroek denden kanpoaldean danetarik izango dabe.

Eguraldi txarrak kanpoan merkatuaz gozetako aukerarik emongo ez baleu, irailaren 21era arte luzatzea aurreikusi dabe.

XII. Nafarroako Komiki Azokea

2021/09/03 - 2021/10/03

XII. Nafarroako Komiki Azokan, Iruñean eta Lizarran, 14 erakusketa ikusteko aukerea izango da eta hainbat jarduera izango dira programearen barruan: berbaldiak, tailerrak, argitalpenak, proiekzinoak, muralak, kontzertuak, bisita gidatuak eta liburu-sinatzeak. TIZAk, komikiaren sustapenerako alkarteak, Nafarroan atontzen dauen ekitaldia berezia da beste ekitaldi batzuekaz konparauta, izan be, egile-komikiari buruzkoa da eta alderdi komertzialean baino gehiago, alderdi artistikoan oinarritzen da. Hamabi urteko ibilbideak, izen handiko egileak, erakundeen babesak eta publikoaren harrereak ezinbesteko hitzordu bihurtu dabe Nafarroako Komikiaren Azokea.

Informazino gehiago eta egitaraua hemen.

'Hemen gagoz, Euskal Diasporea gara'. Euskal Diasporearen Eguna 2021

2021/09/08 .

euskaletxeak@euskadi.eus helbidera idatzi zeinkie zuon plana eta bialtzen dituzuen datuakaz Eusko Jaurlaritzeak zuen ekitaldiak be sartuko ditu Euskal Diasporaren Egunagaz bat eginez mundu osoan egingo diran ospakizunen programan.

Euskadin, Eusko Jaurlaritzeak ekitaldi instituzionala egingo dau Gasteizen.

Break on Stage 2021. IZASKUN & NURY

2021/09/18 18:00

'Herejeen alaba-La hija de los herejes'. KHANTORIA

2021/09/03 19:00

Hanson-HeidelbergCement Groupek babestuko dau Khantoria taldearen kontzertua, musika herrikoia eta Erdi Arokoa jasoko dituan kontzertua.

Herejeen alaba-La hija de los herejes izenburupean, Joseba Sarrionandiaren Kristalezko bihotza ipuinaren kontaketa musikalizatua jasoko dau kontzertuak. Ekitaldia COVID-19aren kontrako protokoloari jarraituz egingo da, leku zabal batean eta 100 lagun baino ez dira dartuko.

Khantoria taldea Ander Berrojalbiz (rabela eta biolina) eta Maider Lópezek (biola) osotuko dabe, Ainhoa Pineda aktoreagaz batera. 2010ean ekin eutson bideari, hiru musikariren jakinminak bultzatuta, Europako musika-zentro entzutetsuetan trebatu ondoren (Royal College of Music, Schola Cantorum Basiliensis, Musikhochschule
Trossingen) eta lanbidean leku bat egin ostean, Erdi Aroko musikatik XXI. mendeko elektroakustikara bitarteko interpretazino-eremua daben taldeakaz (Bilboko Orquesta Propitia Sydera, Al Ayre Español, Ars Memoriae, Grupo Sinkro) lankidetzan. Bere proiektuak askatasun-espazio bat sortu gura dau, ikerketak, intuizinoak eta esperientziak islatu ahal izateko. Holan, Khantoriaren kontzertu, berbaldi eta grabazinoek beti dabe balio
erantsia.

Oraingo osasun egoerea dala eta, 100 persona baino ez dira sartuko eta 633069019 telefonoan emon behar da izena. Euria egingo baleu, kontzertua Mañariko frontoian izango litzateke.