'Bilbao – Bizkaia. Exterior – Dia' eta 'Distantziak' talde filmak Malagako Zinemaldian emongo ditue
2016-04-20 10:59 Barriak
2015ean, Bilboko Dokumentalen eta Film Laburren Nazinoarteko Jaialdiak – Zinebik produzidu zituan Bilbao – Bizkaia. Exterior - Día (7 miradas y una ciudad) eta Distantziak talde filmak, bariku honetan, apirilaren 22an, hasi eta datorren maiatzaren 1ean amaituko dan Malagako Jaialdiaren hurrengo edizinoan egongo dira.
Juul jardunaldi literarioa egingo dabe ikastoletan eguenean
2016-04-20 10:37 Kulturea
Euskal Herriko Ikastolen Alkarteak antolatuta, eta Liburuaren Nazinoarteko Egunagaz bat eginaz, Juul hauteskunde literarioak antolatu ditue. Ikastoletako neska-mutilek euren liburu gustukoenak aukeratzeko aukerea eukiko dabe, bozketa baten bidez. Eguena, hilak 21, izango da bozketa eguna. Irakurzaletasuna bultzatzea eta parte-hartze prozesuak erakustea izango dira helburuak.
Gaxure gatzur kremea, produktu barritzailea aurkeztu dau gaur Bilbon Leartiker zentro teknologikoak
2016-04-19 18:10 Jan edanak
Lea-Artibaiko Landa Garapen Alkartea, MIBA kooperatibea, Azaro Fundazinoa eta Barroeta (Markina-Xemein) eta Txori Errota (Abadiño) gaztandegiakaz batera, Leartiker zentro teknologikoak egindako 4 urteko ikerketa eta lankidetzeari esker sortu da Gaxure gatzur kremea.
'Hitzez eta ahotsez', sei orduko irakurraldia Durangon
2016-04-19 17:40 Kulturea
Durangaldeko herri guztietatik etorritako irakurleen topagune bihurtuko da Plateruena datorren barikuan; arratsaldeko 18:00retatik, gauerdira bitartean, sei orduko ekitaldia egingo dabe apirilaren 22an eta hainbat irakurle dagoz zerrendan, abeslariak, musikariak, bertsolariak eta jantzariak be animau dira, danetara, 240 bat lagun.
Abian da 365 Jazz Bilbao zikloaren bederatzigarren denporaldia
2016-04-19 13:51 Musikea
Apiriletik zemendira egingo dan zikloaren bederatzigarren edizinoan punta-puntako artistak izango dira Bilbon, besteak beste, Regina Carter biolin-jotzailea (Apirilaren 26an), Sendecki eta Olejniczak bikotea (Irailaren 21ean), John Scofield gitarra-jotzailea (urriaren 19an) eta San Francisco Jazz Collective taldea (Zemendiaren 9an).
Joanes Illarregi eta Beñat Mujika nagusi Nafarroako eta Gipuzkoako Eskolartekoetan
2016-04-18 15:17 Bertsolaritzea
Joanes Illarregi eta Xabat Illarregi nafarrek eta Beñat Mujika eta Aizpea Garmendia gipuzkoarrek datorren bagilaren 4an, Ereñozun, ospatuko dan Euskal Herriko Eskolarteko Txapelketako finalean abestuko dabe.
Apirilaren 23an ospatuko dabe II. Jentilak Diman eguna
2016-04-18 14:30 kulturbiz
Antolaketa lanetan dabilen Txumuluxueta kultur alkarteak jakitera emon dauenez, apirilaren 23an ospatuko da II. Jentilak Diman eguna. Mitologian herriak dauen nortasuna eta aberastasuna ezagutzera emotea dau helburu ospakizunak. Aurten egun osoko programea osotu dabe, nahiz eta gaueko ikuskizuna izan ekintzarik indartsu eta deigarriena.
Oihane Perea aukeratu dabe entzuleek, Oholtzapetik lehiaketearen Murgiako saioan
2016-04-18 13:20 Bertsolaritzea
Entzuleak epaile dirala egiten dabilz Araban Oholtzapetik lehiaketea. Asteburuan Murgian jokatutako saioan, Oihane Perearen alde egin eben zaleek eta, hortaz, Legutioko finalean egoteko txartela lortu dau. Hurrengo saioa Agurainen izango da, apirilaren 22an.
Bizkaiak bat egin dau monumentuen eta leku historikoen egunagaz
2016-04-18 11:14 kulturbiz
Apirilaren 18a Monumentuen eta Leku Historikoen Nazinoarteko Eguna da eta, hitzordu horregaz bat eginaz, jarduera ugari antolatu ditue Bizkaiko museo eta gune arkeologikoetan, apirilaren bigarren hamabostaldian. Dobako bisitaldiak, umeentzako tailerrak, berbaldiak eta abar egongo dirala aurreratu dau Bizkaiko Foru Aldundiak.
Baffest, emakumeak protagonista izango dituan I. Argazkien Jaialdia antolatu dau Barakaldok
2016-04-18 10:49 Barriak
Barakaldo Foto Festival (Baffest) da kultur mapan Barakaldo kokatuko dauen ekimenaren izena, emakumeen sormen-lanak batuko dituan argazkien uri erakusketea. Lanbidea argazki sorkuntzara bideratu daben emakumeen lanak bistaratzeko jaialdi bat da eta, beraz, emakumeek egindako irudi nagusien topagune bihurtuko da Barakaldo urtero, Barakaldoko Udalak bultzatutako ekimenaren bidez.
Ander Berrojalbiz: 'Oraintsura arte, herejeen aurkako epaiketak tabua izan dira Durangon'
2016-04-18 10:18 Barriketan
Los herejes del Amboto liburuaren egilea
Ander Elortegik irabazi dau Bermeon Udabarriko Faseko bigarren kanporaketea
2016-04-18 10:13 Bertsolaritzea
Saioko irabazlea Ander Elortegi Garatea izan da, 179,25 puntugaz. Bigarren sailkatua Julen Ibarguengoitia Ordorika izan da 159,50 puntugaz eta hirugarren, barriz, Aitor Arrutia Azkueta Enkarterriko bertsolaria 153 puntugaz.
Eleberri baltza ardatz, Jon Alonso eta Jon Arretxe idazleak batuko ditu Eztabaidak literatureagaz ekimenak Bilbon
2016-04-15 15:55 Kulturea
Eztabaidak literatureagaz, Bidebarrieta Kulturguneak abiarazotako ekimenak Jon Arretxe eta Jon Alonso idazleak alkartuko ditu datorren martitzenean, apirilaren 19an, itxuraz irakurleen artean oso aldi ona biziten dagoan eleberri baltzaren bilakaerea aztertzeko. Topaketea euskeraz izango da eta Iratxe Fresneda kazetariak egingo ditu gidari lanak.
Aurrekoak baino disko baikorragoa dakar Pettik, 'Hotzikarak'
2016-04-15 14:04 Musikea
Etxeko Uzta bandeagaz batera, laukote formatuan grabau dau Pettik Hotzikarak diskoa (Elkar). Doinu indartsuak eta sentimenduei lekua egiteko une lasaiagoak tartekatu ditu lan barri honetan. Musika ilunaren eta letra baikorren arteko nahastea dakar zuzenekoetan pentsauta sortutako diskoak.
Ikusi eta Ikasi umeentzako astialdi programan 6.500 neska-mutilek parte hartu dabe aurten
2016-04-15 10:24 kulturbiz
Bilboko Udalak eta Topaguneak antolatzen dabe urtero Ikusi eta Ikasi, urte bi eta zortzi bitarteko umeei euskerazko astialdirako eskaintzea emoteko. Aurten, 12. edizinoan, 58 jarduera egon dira eta 6.500 neska-mutilek parte hartu dabe. Bilborock aretoan egin dabe amaierako jaia eta opariak banatu deutsiez parte-hartzaileei.
Bilboko Udaltegiek 5 argazki eta pintura erakusketa jasoko ditue 'Expodistrito' ekimenaren barruan
2016-04-14 15:16 Kulturea
Expodistritok, Bilboko barrutietako Udaltegietan eskainiko dan aldi baterako erakusketa zikloak, urteko bigarren seihilekorako egitaraua inaugurauko dau datorren astelehenean, apirilaren 18an. Udaltegietara hurreratzen diranek, hainbat pintura teknika erabiliz egindako lau pintura erakusketa ibiltariz eta argazki erakusketa batez gozau ahal izango dabe.
Euskerazko 55 liburu braille eta audio sistemetara egokituko ditue, itsuentzat
2016-04-14 14:03 Euskerea berbagai
ONCE erakundearen eta Eusko Jaurlaritzako Hizkuntza Politikako sailburuordetzearen arteko alkarlanari esker, ikusmen urritasuna daukien euskaldunentzako liburuen katalogoa sortzen dabilz. Aurten, 44.000 euroko fondoa sortu dabe, euskerazko 55 obra braille eta audio sistemetan erabilteko. 2006an alkarlana hasi zanetik, 600 liburu baino gehiago egokitu dira.
Sr. Chinarro, Adrian eta Claude VonStroke apirilaren 15eko 'Art After Dark' saioan, Guggenheim Bilbao Museoan
2016-04-14 10:12 Musikea
Hilebetean behin, barikuetan, eta joan dan 2008ko urriaren 31tik aurrera, Guggenheim Bilbao Museoan musikea eta artea buztartzen dituan gaueko programea da Art After Dark, Fever klubaren laguntzinoagaz atondua.
Munduko inprobisatzaileen eta bertsolarien arteko topaketak, apirilean eta garagarrilean
2016-04-13 15:06 Bertsolaritzea
Mintzola fundazinoak eta Donostia 2016k alkarlanean sortutako proiektua da Europa bat-batean, inprobisazinoa erabilten daben munduko tradizinoak ezagutzeko. Apirilaren 16tik 23ra Euskal Herrian ibiliko dira bertsolariak eta Sardiniako, Kurdistango eta Kataluniako inprobisatzaileak. Garagarrilean nazinoarteko topaketea egingo dabe Donostian.
Ondo landutako sei kanta dakarz Eskean Kristö taldeak 'Ezkurrik onenak' diskoan
2016-04-13 13:55 Musikea
Aurreko lanakaz alderatuta, disko helduagoa da Ezkurrik onenak (Baga-Biga), estudiora joan baino lehen ondo preparautakoa. Iraganeko talde mitikoei begira, nortasun handiko rocka dakar Arratiako boskoteak diskoko sei kantetan. Letra eta musika indartsuen bidez, lokatzetan sartzeko ikararik ez dau euki Eskean Kristök eta emoitzea, urrezko sei ezkur dirala dinoe.