2015eko Bilboko Aste Nagusiko sei kartel finalistak aukeratu ditue
2015-06-24 17:50
Sei kartel finalistak Plaza Zirkularrean dagoan Bilboko Turismo Bulegoko egoitzan (Terminus) egongo dira ikusgai eta baita Bilboko Udaleko webgunean be, astelehenetik, bagilaren 29tik, garagarrilaren 3ra arte. Epe horretan, herritarrek kartel irabazlea hautatu ahal izango dabe.
Itsuentzat egokitutako hiru liburu aurkeztu ditue ONCEk eta Euskaltzaindiak
2015-06-24 14:13 Kulturea
Gaur, bagilaren 24an, Euskaltzaindiak eta ONCEk bi erakundeen arteko alkarlanaren lehen emoitzak aurkeztu ditue: Erlea aldizkariaren azken bi zenbakiak eta Bernard Etxepareren Linguae Vasconum Primitiae liburua, persona itsuentzat edota ikusmen urritasunak dituen personentzat egokituta.
Cristobal Balenciagak jantzarako, musikarako eta antzerkirako egindako lanak erakusketa baten batu ditue
2015-06-24 12:36 Kulturea
Getariako Aldamar jauregian egongo da ikusgai udan, Balenciaga eta Arte Eszenikoak erakusketea. Moda diseinatzailea izan arren, getariarra bestelako arlo batzuetan be ibili zan. Jardun hori lehenengo aldiz publikoari erakusteko, bat egin dabe Balenciaga museoak eta Donostia 2016 Europako Kultur Uriburutzeak. 80 irudi eta dokumentu batu ditue. Tailer eta ikastaro osagarriak be egongo dira.
Oiz mendiaren mitologia eta historia azaltzeko mahai barria tontorrean
2015-06-24 10:49
Oiz mendian, Berrizko Udalaren mugetan kokatuta dagoan orientazino mahaiak inguruko mendien identifikazinoa, informazinoa eta kokapena dakarz: Nafarroako edo Gipuzkoako mendietatik hasita, Bizkaiko mendi adierazgarrienetaraino
III. Estropatadea Bilboko itsasadarrera bueltauko da garagarrilaren 5ean
2015-06-23 17:42
III. Estropatada, Walk On Projecten aldeko jaialdiak lortutako dirua neuroendekapenezko gaixotasunen ikerketak egiteko erabiliko da. Gainera, egun osoan zehar edade guztietako personei zuzendutako jarduerak antolatu ditue: magia, The Groovies taldearen kontzertua, zumba, giza mahai-futbola, ohe elastikoak, joko tradizionalak...
Bagilaren 27an egingo dabe Zapato Azule Ondarroan
2015-06-23 12:52 Kulturea
Urtero legez, jai giroan murgilduko da Ondarroa bagileko azkanengo zapatuan. Ondo pasetako aukerea ez eze, kirola egiteko modua be egongo da, Dina Martxeari esker. Kamiseta Azokeak be ez dau huts egingo.
XIII. Surfilmfestibal Donostian, bagilaren 24tik 28ra
2015-06-22 18:26 Barriak
La Primera Ola (Pedro Temboury) filmaren mundu mailako estreinaldia izango da Donostian eta surfak Espainian izan eban hasierea dau ardatz; nor dira gure benetako aitzindariak? Edizino honetan, omenaldi berezia eskainiko jake jatorriari eta ondorengo belaunaldiei estreinaldi handi honegaz.
Bilboko XVI. Kalealdian 27 konpainia izango dira
2015-06-22 15:52 Kulturea
Bilboko Kalealdia bagilaren 29an hasiko da, gaueko ikuskizun bakarragaz, 21:30etik aurrera, Casilda Iturrizar Parkean egongo dan karpan. Bazar Forain izango da jaialdia abiarazoko dauena, ikus-entzuleei leku bitxia, zirku bildurgarria, proponiduko deutsena, momentu dibertigarri eta ezustez betea, umore baltzez eta musika iradokigarri eta basatiz betea.
Sei ikastetxetako 143 ikasleren artelanak ikusgai dagoz Bilboko Guggenheim Museoan
2015-06-22 15:10 Kulturea
Artea Ikasbide programeak ibilbide luzea bete dau dagoeneko, Guggenheim Museoaren eta BBK Fundazinoaren alkarlanari esker. 1998tik, 2.639 ikaslek, 28 artistak eta 186 irakaslek parte hartu dabe. Guztira, Euskal Autonomia Erkidegoko 127 ikastetxe dagoz edo egon dira egitasmoan sartuta.
Ainhoa Ortells: 'Herriko artista gazteen sarea sortzea da gure asmoa'
2015-06-22 10:45 Barriketan
Margolaria
Perhaps Contraption da Amorebieta-Etxanoko Haizetara, Banda eta Kaleko Musikearen X. edizinoko irabazlea
2015-06-22 10:20 Musikea
- Lehiaketaren sari nagusia : Perhaps Contraption. 12.000 euroko saria.
- Ikusleen sari berezia: The What Cheer? Brigade. 5.000 euroko saria.
- Instrumentistarik onenarentzat saria 1.500 euro: François Piriou (NoWater Please). Interkable enpreseak emoten dau.
VI. Baseleiza Ibilaldia Morgan
2015-06-19 15:13
Morgako Udalak aisialdi osasuntsua eta kulturea batzen ditu herriko baseleizak ezagutzeko atondutako martxa herrikoiaren bitartez. Jarduera fisikoa, osasuna eta herriko ondarearen ezagutza sustatzea da helburua. Domekan, bagilaren 21ean, Morgak baseleiza ibilialdiaren 6. edizinoa ospatuko dau eta aurten be, ibilbide bi izango dira aukeran, luzea (23,4 km.) eta laburra (13,5 km.).
Amesak josi, Gure Esku Dago
2015-06-19 12:59
Aurten be egun historikoa planteau dau Gure Esku Dago erakundeak hilaren 21erako, uriburuetako estadioak beteteko asmoagaz, eta erabagiteko eskubidea aldarrikatzeaz gan, eskubidea gauzatzeko pausuak emoteko. Kontuak kontu, Bilbon, Donostian, Gasteizen, Iruñean eta Baionan jai bana egingo da, Gaurko hautestontzia, biharko erabagia lemapean.
'Osterak Bilboko auzoetatik' bildumako laugarren eta azken liburua argitaratu dabe
2015-06-19 10:41 kulturbiz
Bilboko Udaleko Kultura eta Hezkuntza Sailak, oraingo honetan Surbisa udal soziedadeagaz lankidetzan, Osterak Bilboko Auzoetatik bildumako laugarren eta azken liburukia argitaratu dau, Jatorrizko Bilbo lez ezagutzen danaren ganekoa. Ondarearen hedapenerako Bilbao Izan programearen barruan sartzen dan ekimena, 2005etik gure uriko auzo guztietan egin diran bisitetatik sortu zan.
Bidaiak protagonista, IX. GetxoPhoto Jaialdian
2015-06-18 15:17 Kulturea
Begihandi kolektiboak antolatuta, datorren irailaren 3tik urriaren 4ra arte IX. GetxoPhoto Nazinoarteko Argazki Jaialdia egingo da, oraingo honetan Bidaiak gaia ardatz hartuta.
Bagilaren 20an egingo da Arratiatik Urkiolarako errogatibea
2015-06-18 12:01
Aurten be Arratiatik Urkiolara joateko oinezko ibilaldi gidatuak izango dira Dimatik eta Zeanuritik abiatuz. Dimako plazan goizeko 06:00etan izango da urteerea eta Zeanuriko plazan, 07:30ean. Gainera, aurten Zeanuri eta Urkiola lotzen dituan PR-BI 1 ibilbidearen bedeinkazinoa eta inaugurazinoa egingo da.
UPV/EHUk jantza tradizionalaren ganeko udako ikastaroa antolatuko dau Aiko Taldeagaz batera
2015-06-17 12:42 Kulturea
Euskal Herriko jantza tradizionala ezagutarazo guran dabilzan musikari eta jantza-maisuek osotutako Aiko Taldeak Euskal Herriko Unibersidadeagaz lankidetzan, Udako Ikastaroen hurrengo edizinoan, Tradegin: tradizinozko jantza garaikidea egin izenburupean, gehienbat praktikoa izango dan ikastaroa eskainiko dau jantza herrikoien inguruan, bagileko azken astegoienean (hilaren 26, 27 eta 28an), Arratian, Areatzan, hain zuzen be.
Euskal Kostaldeko Museoen eguna: bagilaren 20an eta 21ean
2015-06-17 10:48
Bagilaren 20 eta 21ean Euskal Kostaldeko Museoen Eguna izango da. Egun horren helburua euskal kostaldeko ondarearen balioa nabarmentzea eta zabaltzea, kostako eskaintza erakargarria sortzea eta herritar guztien artean proiektuak konpartidutea dira. Horretarako, museoek zenbait jarduera berezi antolatu ditue.
Ruper Ordorikak Adarra Saria jasoko dau Victoria Eugeniako kontzertu berezian
2015-06-16 12:28 Musikea
Sari honegaz 1980an argitaratutako Hautsi da Anphora disko historiko haretatik, gaur egun arte bere kantuen kalidadeaz aparte, Ruper Ordorikaren ibilbidearen seriotasuna, bere jarrera artistikoaren modernotasun berezkoa eta konpositore lez egin dauen lanaren sakontasuna saritzen da, besteak beste.
'Minecraft Gernika': eraikuntzan eta sormenean gazteek dituen dohainak erakusteko mundu paraleloa
2015-06-15 18:32
Gernikako Bakearen Museoak bere lehen Minecraft Gernika online topaketea antolatu dau bagilaren 21erako (10:00etatik 22:00etara). Minecraft© sormenezko eraikuntzan oinarritzen dan jolasa da; oso zabaldua eta ezaguna da nerabeen artean eta taldeka edo bakarka jolasteko aukerea dago.