BERTSO BAZKARIA

Maiatzaren 18an, zapatuan, Euskal Herriaren mutur biak batuko ditue mahaiaren bueltan, Sustrai Colina urruñar iruindartuaren eta Jone Uria algortarraren bertsoak lokarri dirala. Getxoko Benta kultur alkartearen lokal zaharberrituan bazkalduko dabe, Aritz Landeta bertako partaide eta ALBEkidearen bitartekaritzeari esker.

Bazkaria 14:30ean hasiko da Getxoko Andra Mariko Benta kultur alkartean. Oso menu erakargarria presatu dabe 15€-ren truke: pasta ensalada, sukalkia eta pantxineta, edaria eta kafea barne. Izena emoteko deitu 605 704 385 telefonora edo idatzi albegetxo@gmail.com helbidera maiatzaren 13a baino lehen.