'Lakrimosa'. GAUDEAMUS ETA UNANUE KORALAK + AUKERAN JANTZA TALDEA

Julia Foruriak zuzendutako Gaudeamus Koralak Lakrimosa ikuskizuna aurkeztuko dau. Gernikako bonbardaketearen 85. urteurrena dala eta, abesbatza osotzen daben artista gazteek joandako sasoiakaz daben lotureari balioa emon gura deutse, aitita-amomen memoria historikoari hain zuzen be.

Lakrimosa ikuskizunean, arte eszenikoak (musikea, jantzak) eta ikus-entzunezkoak (erretratuak, irudiak) agertzen dira, hizkuntza artistiko ezbardinen bitartez, gure egungo errealidadeari esangurea emoten deutsen joandako bizipenak transmitidu ahal izateko. Identidade hori gure egunerokotasuneko gauza txikietan islatzen da, hau da, batzuek besteakazko dituen jagoletza arduretan.

Lanak hainbat nabardura ditu, osotasun bateko hainbat zati eta nabarmentzekoak dira Jon Artetxe musikari gernikarraren Songs of Sanctuary musika lana eta jantza garaikideko Aukeran konpainiaren Gernika, mihise gaineko dantza lana.

Musikearen eta jantzearen bidez, gure senitartekoak izango dira, bonbardaketan hil ziranak zein handik bizirik urten ebenak, 1937ko apirilaren 26ko bonbardaketa bildurgarria gogorarazoko deuskuenak eta zelan aldatu zan betirako euren bizitzea eta gurea.

Egungo azken jazoerek eta gure etxeetatik oso gertu bizitea toketan jakun gerreak,  joanari, orainari eta danon artean eregi gura dogun etorkizunari buruz hausnartzera eroan behar gaitu.