'Sinfoniak'. BILBOKO UDAL MUSIKA BANDEA

Ikuskizuna Franz Danzi alemaniar txelo-jotzaile eta konpositoreak idatzitako Sinfonia Concertante in B flauta, klarinete eta Orkestrarentzat Op. 41 obreagaz hasiko da. Lana Karlshruhe-ko Gorteko Orkestrako musikarientzat idatzi eban eta orain, obrako bakarlariak Bilbao Musikako irakasle bi izango dira, Juanje Silguero flautea joten eta J. Rafael Climent klarinetistea. Horrezaz gan, obrea haize-tresnen multzoari egokitzeko
lana bandako beste kide irakasle batek egin dau, fagot-jotzaile bakarlari Jordi Ripollek. Ikuskizunak opera-obertura bategaz jarraituko dau eta kontzertua amaitzeko, XX. mendeko laurogeiko hamar-urtekoan bandarako idatzitako sinfonia bat joko dau bandeak: James Barnesen Second Symphony op.44. Autorea oso personaia esanguratsua da haize-tresnetarako jatorrizko musikan XX. mendeko azkenengo hamar-urtekoetan eta bere obrea, Elegía, Varizioni Interrotte eta Finale mobimentuez osotutakoa, 1982ko zezeilaren 28an estreinau eban Kansasko Unibersidadeko Bandeak, Robert E. Foster maisuaren zuzendaritzapean.