Gabonetako Soinuak

BILBOKO KORAL ALKARTEKO UMEEN KORUA + GAUDEAMUS KORALA  + KANTIKA KORALA

Hasteko, Bilboko Koral Alkarteko Umeen Koruak, Jose Luis Ormazabalek zuzenduta eta Alberto Sáez Puentek pianoaz lagunduta, Ruth Morris Grayren Christmas Canon of Peace abestuko dau, baita Kirby Shaw-Donald Mooreren Can I ride?, Montes, valles y oteros (Aragoiko kanta herrikoia, Emma Lópezek moldatua) eta, amaitzeko, Tomás Aragüesen Umetxo maite.

Ondoren, Leioa Kantika Koralaren txandea izango da, Basilio Astulezen zuzendaritzapean eta Itziar Bilbao, Ander Lekue, Unai García eta Ane Arakistainegaz; honako abesti honeek kantauko ditue: Tadeja Vulcen O Sapientia, Ola Gjeiloren Northern lights, Anna Mari Kähärären By the light of the moon eta Juan Tony Guzmánen ¡Llega la Navidad! Hirugarrenik, Gernikako Gaudeamus Koralak, Jon Artetxe, Ania Cid, Nerea Quincoces eta Julia Foruria buruan, Gernikako Marijesiak abestuko dau, Jesús María Sagarnak moldatua, bai eta Charles Gounoden Ave Maria, Ilka Kuusistoren The land of music eta George Michaelen Last Christmas be.

Azkenik, talde guztietako kideek ahotsa batu eta Xabier Sarasolak kontzertu honetarako propio
sortutako Hator hator estreinauko dabe.