Bost irabazle, Euskerazko Tesien VI. Koldo Mitxelena Sarietan

Bizkaie! 2019-04-05 09:05   Euskerea berbagai

Urte birik behin antolatzen dabe lehiaketea EHUk eta Euskaltzaindiak.

Argazkia: Euskaltzaindia | Ikusi handiago | Argazki originala

Euskeraz idatzitako tesien artean nabarmenenak aukeratu ditue VI. Koldo Mitxelena Sarietan. Bost kategoria eta beste horrenbeste irabazle dagoz edizino honetan:

Zientziak: Asier Lopez Eiguren.

Injinerutzea eta Arkitekturea: Olatz Perez de Viñaspre Garralda.

Osasun Zientziak: Mikele Macho Aizpurua.

Gizarte eta Lege Zientziak: Juan Mari Aguirreurreta Elosegui.

Artea eta Giza Zientziak: Miren Ibarluzea Santisteban.

Euskaltzaindiaren Iker Sailak eta EHUk 2008an sortu zituen Koldo Mitxelena Sariak, euskerazko ikerketak bultzatzeko. Antolatzaileek euskerazko tesien balio bikotxa azpimarratu dabe: batetik, jakintzearen arloa zabaltzen laguntzen dabelako, eta bestetik, euskerearen normalizazinoaren prozesuan lagungarriak diralako. Urte birik behin emoten ditue sariok.

Aurtengo sariak maiatzaren 6an banatuko deutsiez irabazleei, Bilbon goizeko 11:00etan hasiko dan ekitaldian. Bakotxari diplomea eta 2.000 euroko diru-saria emongo deutsie.

Miren Ibarluzea, Artea eta Giza Zientziak kategoriako irabazlea, Bizkaie!-ko kolaboratzailea da. Ardi txikia beti bildots bloga idazten dau gurean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu