Pakea Bizkaia olatuen ganean dantzan Cabo Verdera bidean

| Ikusi handiago | Argazki originala

Vendée Globeko (Munduari bira belaz bakarka, eskalarik eta kanpoko laguntzarik barik) bederatzigarren jardunaldia zoragarri doa sailkapen buruan nahiz azkeneko postuetan hainbat ontzi talde alkartu baitira.

Dana ondo doa, aurrez planifikau bezela, Pakea Bizkaian. Unai Basurko hegoalderantz azkar nabigatzen ari da, Ipar-ekialdeko aldeko haizeagaz. Bere hurrengo helburua, Cabo Verdeko ugartedia bihar bertan zeharkatzea da, ezaguna dan Doldrumseko inguru gatxera heltzeko, Ekuatore inguruko barealdietara hain zuzen be. Haize gitxi eta bero jasanezineko ingurualde horretan, Basurko miliak murrizten saiatuko da. Pasa den gauean, 12 eta 17 korapilo arteko abiadurea hartu dau eta estropadaz disfrutetan hasi da dagoeneko Unai Basurko. '500 metro koadroko belagaz, ontziak potentzia handia harrapatzen dau eta olatuen gainetik nabigatzea zoragarria da, baina dana ondo joan daiten eta ezustekorik izan ez daiten arreta handia jarri behar da' adierazo dau.

Bien bitartean, Loïck Peyronek (Gitana Eighty) estropada buruan jarraitzen dau, baina Jean Le Cam (VM Materiaux) eta beste zortzi ontzi ehun miliatako distantzian ditu. Atzetik, arazoak portuan konponduta, Bernard Stammek (Cheminees Poujoulat) gogo handiagaz urten dau eta azkar doa beste lehiakideak atrapau ahal izateko. Bere aldetik, Pakea Bizkaia eta Rich Wilsonen Great American III nahikoa hur dagoz. 'Oso hur daukat. Atzo ikusi ahal izan neban' adierazo dau bizkaitarrak.