Charlie Wilson's war

| Ikusi handiago | Argazki originala

- Zuzendaria: Mike Nichols.
- Herrialdea: AEB.
- Iraupena: 97 minutu.
- Antzezleak: Tom Hanks (Charlie Wilson), Julia Roberts (Joanne Herring), Philip Seymour Hoffman (Gust Avrakotos), Amy Adams (Bonnie Bach), Ned Beatty (Doc Long), Emily Blunt (Jane Liddle), Om Puri (presidente Zia Ul-Haq), Ken Stott (Zvi Rafiah) eta Jud Tylor (Crysta Lee).
- Gidoia: Aaron Sorkin; George Crile-ren liburuan oinarrituta.
- Musikea: James Newton Howard.
- Argazkia: Stephen Goldblatt.
- Muntaia: John Bloom eta Antonia Van Drimmelen.
- Diseinua: Victor Kempster.
- Jantziak: Albert Wolsky.

Film honek hiru birtute handi ditu: batetik, umore garratz eta lotsabakoz zipriztindutako narrazino ausarta, oinarri politikoko komedia honi atsegintasun eta interesgarritasun handia emoten deutsona; bestetik, isilpeko mezua dogu, kontzientziatzen ahalegintzen dana sermoirik bota barik; eta, azkenik, antzezle talde bikaina dogu, batez be Tom Hanks-en lan onean islatzen dana, baina ganerakoen aktoreen jarduna baztertu barik, kasu baterako Philip Seymour Hoffman-en papel harrigarri baizen erakargarria.

Hala eta guztiz be, Charlie Wilson's war filma indar larregi barik agertzen jaku unekada batzuetan; kontraesana dala emoten dauen arren, zelan edo halango homogeneotasun edo kontserbadorismoa igarten jako; horrek apur bat moteltzen dau eta, ondorioz, beharbada ikusle batzuek epel urten leikie aretotik. Era berean, Afganistango gatazkearen barri emokeran, sakontasun falta apur bat atzemoten da.

Edozelan be, txinpart eta umorean oinarritutako gidoiak nahiz aktoreen lanak holango hutsuneak estaldu eta sendotasuna emoten deutsie. Ganera, ekintzazko eszenak artxiboko irudiakaz nahastaukeran asmau dabe. Laburbilduz, honako hau gai serio baten bidez ondo pasetako aukerea eskaintzen dauen pelikulea da. Ez da gitxi, benetan.