Onddoen risottoa

Kaixo irakurleok. Udagoienean sartuta, ganean dogu onddo eta perretxikoen denporaldia be. Horregaitik, denporaldiko produktuak aprobetxetako, gaur onddoakaz eginiko arroza preparauko dogu. Arroza preparetako erea rissotoa izango da. Risottoa arroza jateko beste modu bat da, krematsua, ez paellea lako arroz soltea.

Onddoen risottoa

Osogaiak (lau lagunentzako)

- Kipulea: 0,10 kg.
- Azenarioa: 0,10 kg.
- Porrua: ale bi
- Prijiduteko tomatea: 0,10 kg.
- Txarri-mina: 2 ale

- Kipuletea: ale bat
- Txanpinoiak: 0,50 kg.
- Hirugiharra: 0,10 kg.

- Arroza: 0,20 kg.
- Ardao zuria: gura beste
- Gaztai txikitua: 0,05 kg.
- Urtzeko gaztaia: 0,05 kg.
- Esne-gana: gura beste
- Oliba-orio birjina (1ºkoa): 0,05 ml.

- Onddoak: 250 gr.

- Antxoak oriotan: lau ale
- Ozpinetako pepinoak: 50 gr.
- Perexil-sortea: gura beste
- Oliba baltza: 25 gr.
- Kipulina: gura beste

Zelan egin

Egin txanpinoi-kremea loditu barik: jarri julianan ebagitako kipulea sueztitzen eta eginda egoteko gitxi falta danean, bota txanpinoien zurtoinak. Itxi egiten, gehitu hegaztien saltsea, itxi egosten 10 minutuz, txikitu eta bahetu.

Egosi txarri-mina barazkiakaz eta espeziakaz. Txikitu eta gorde geroko.

Konfitau onddoak, anoa edo razino bakotxeko txapel polit bana itxita. Hori apaingarri moduan erabiliko dogu.

Sueztitu brunoisean txikitutako kipuletea, hirugiharragaz eta lau zatitan ebagitako txanpinoiakaz. Gehitu arroza (ahal bada, risottorako arroz berezia). Sueztitu apurtxu bat, gehitu ardao zuria eta itxi egiten. Busti txanpinoi-kremeagaz eta hegaztien saltseagaz behar dan beste. Itxi egosten ordu laurden batez eta eragin behin baino gehiagotan. Ostean, iragazi txinatar iragazkiagaz. Gero, itxi hotzitu arte.

Egin maionesa bat, Dijon ziape edo mostazeagaz, zuringo egosiagaz, perexilagaz, oliba baltzakaz, pepinoakaz eta oriotako antxoakaz.

Mahaira atarateko