Nuovomondo

| Ikusi handiago | Argazki originala

- Zuzendari eta gidoilaria: Emanuele Crialese.
- Herrialdeak: Italia eta Frantzia.
- Iraupena: 118 minutu.
- Antzezleak: Charlotte Gainsbourg (Lucy), Vincenzo Amato (Salvatore), Aurora Quattrocchi (Donna Fortunata), Francesco Casisa (Angelo), Filippo Pucillo (Pietro), Federica de Cola (Rita), Vincet Schiavelli (don Luigi), Isabella Ragonese (Rosa), Massimo Laguardia (Mangiapane), Filippo Luna (don Ercole), Andrea Prodan (Del Fiore).
- Musikea: Antonio Castrignanò.
- Argazkia: Agnès Godard.
- Muntaia: Maryline Monthieux.
- Zuzendaritza artistikoa: Carlos Conti.
- Jantziak: Mariano Tufano.

XX mendeko emigrazino italiarraren istorioa kontetan da, Mancuso familia siziliar baten ikuspegitik. XX. mende hasikerako urteetan Agrigentotik urtengo dabe Estadu Batuetara bidean. Salvatorek, semeek eta Donna Fortunata amak, mundu barri bati egin beharko deutsie aurre.

Errealismo magikoaren ikutuak erabiliz, zuzendariak bizimodu hobearen bila egindako bidaia gogor baten barri emon gura izan deusku. Sizilian miseria gorrian bizi dan familia pobre bat eta bizitzearen gorabeherek kinka larri batera eroandako andrazko britainiar bat alkartuko dira periplo honetan. Lehenago, dana dala, Italia hegoaldeko atzerapena eta bizimodu latza ikusi ahal izango doguz, bai eta aztertu be zeintzuk ziran persona horreek erbestera joateko eukiezan arrazoiak.

Istorio honen eszenaratzea bikaina da eta personak piztien moduan garraiatzen ebezen itsasontzietako giroa berregiteko lana itzela; ganera, pelikulea ez da drama negarti bihurtzen eta, bide gazi-gozo bati jarraituta, benetako kontakizun bat ikusten gabilzala sinistuko dogu. Beharbada, italiarrek mundu barriaren inguruan daukiezan itxaropen faltsuak irudikatzeko erabilitako tarte magikoak ez dira oso beharrezkoak. Baina, istorioaren garapena eta erritmoa egokiak dira eta gidoia ez da txarra.

Bestalde, Vicenzo Amatok aita ezjakin eta sentibera modura egindako lana on-ona da eta ez da atzean geratzen Charlottte Gaingsbourg-ek gainbehera egin eta aberatsa izandako andrazko dotore baizen indartsu baten narrutan sartzeko egindako antzezpena. Film honek hunkitu egingo zaitue.