Begihandi eta onddo nahasturea

Kaixo irakurleok. Oraingoan mendia eta itsasoa nahastauko doguz gure platerean. Horretarako aukeratu doguzan elementu nagusiak honako honeek dira: itsasotik, begihandia; basotik, barriz, onddoak. Biak be, denporaldiko produktuak dira. Platera modu bitara jan daiteke, bai lehenengo plater moduan, baita bigarren plater legez be. Probau, konbinazinoa oso egokia da eta. Beraz, animau eta goazen sukaldera, zelan egin ikustera.

Osogaiak

- Berakatza: ale bi
- Piper berdea: 100 gr.
- Kipulea: 250 gr.
- Begihandia: 1 kg.
- Txipiroi-tintea: 3
- Kipulea: 200 gr.
- Piper berdea: 100 gr.
- Latako onddoak: 400 gr.
- Arrautzak: dozena bat.
- Ogia.
- Perejila.


Zelan egin

Garbitu begihandia eta erregosi berakatzagaz, piper berdeagaz eta kipuleagaz. Erregosi ostean, atara eta itxi barazkien ura urritzen; gehitu tintea, txikitu irabiagailuagaz, iragazi eta jarri gatz-puntuan.

Txikitu brunoisean kipulea eta piper berdea. Beste ontzi batean, jarri kipula apur bat prijiduten eta, gero, piper berdea. Ondo egin arte itxi. Ostean, gehitu begihandia eta onddo-dadoak. Egin nahasketea 3 arrautzagaz eta jarri gatz-puntuan.