Thank you for smoking

| Ikusi handiago | Argazki originala

- Zuzendaria: Jason Reitman.
- Herrialdea: AEB.
- Iraupena: 92 minutu.
- Antzezleak: Aaron Eckhart (Nick Naylor), Maria Bello (Polly Bailey), Cameron Bright (Joey Naylor), Adam Brody (Jack Bein), Sam Elliott (Lorne Lutch), Katie Holmes (Heather Holloway), David Koechner (Bobby Jay Bliss), Rob Lowe (Jeff Megall), William H. Macy (Finistirre senataria), J.K. Simmons (B.R.), Robert Duvall (Doak Boykin).
- Gidoia: Jason Reitman; Christopher Buckley-ren nobelan oinarrituta.
- Musikea: Rolfe Kent.
- Argazkia: James Whitaker.
- Muntaia: Dana E. Glauberman.
- Diseinua: Steve Saklad.
- Jantziak: Danny Glicker.

Nick Naylor Big Tobacco enpresako burua da eta erretzaileen eta tabako-konpainien alde egiten dau, gaur egungo kultura puritanoaren atxakian. Telebistan kanpaina gogorrari ekingo deutso tabakoak eragindako gatxak ukatuz; ganera, Hollywoodeko manager bategaz egingo dau berba, filmetan tabakoaren publizidadea egin daian.

Pelikula honek manipulazinoaren ganeko satira entretenigarria egiten dau. Reitman-ek zuzen jardun dau gitxi batzuen interesek liluraturiko gizarte honen makaltasun eta ahulezia agirian imintean. Arrakasta materiala jadetsi daben persona karismadunak eredu bihurtu dira eta aukera guztiak erabilten dabez euren interesen arabera on eta txarraren arteko mugea ezartzeko.

Edozelan be, honako hau ez da aparteko lana, baina erritmo egokia ez eze gidoi zorrotz nahiz burutsua eta ikus-entzuleei barre algararen bat edo beste eragiteko moduko gag bereziak be badaukaz. Ganera, ikus-entzuleei euren eretxiak atarateko aukerea emoten deutse, gaiaren inguruan daukan ideologia argi eta garbi plazaratu arren. Bere xumean Thank you for smoking film komikoa, garratza eta interesgarria da, are hobea une honetan ikusgai daukaguzan film kaskarren aldean.