Sommer vorm balkon

| Ikusi handiago | Argazki originala

- Zuzendaria:Andreas Dresen.

- Herrialdea:Alemania.

- Iraupena:108 minutu.

- Antzezleak:Inka Friedrich (Katrin), Nadja Uhl (Nike), Andreas Schmidt (Ronald), Stephanie Schönfeld (Tina), Christel Peters (Helene), Kurt Radeke (Oskar), Hannes Stelzer (Herr Neumann), Vincent Redetzki (Max), Lil Oggesen (Charly), Maximilian Moritz (Rico), Veit Schubert (Farmazialaria).

- Gidoia:Wolfgang Kohlhaase.

- Musikea: Pascal Comelade.

- Argazkia:Andreas Höfe.

- Muntaia:Jörg Hauschild.

- Zuzendaritza artistikoa:Susanne Hopf.

- Jantziak:Sabine Greunig.

Uda sasoi polita Berlinen. Katrin eta Nike sortaldeko Berlingo etxe zahar batean bizi dira. Nikeren etxebizitzeak balkoi ikusgarria dauka; bertan, lantzean-lantzean Katrinek eta Nikek gau osoa emoten dabe berbetan. Lur eta zeruaren arteko muga lausoan, mundua balkoitik ikuskatzen dabe, gizonezkoen, bizimoduaren, zalantzen eta gurarien ganeko kontuak alkarreri kontetan deutsiezan bitartean.

‘Sommer vorm balkon’ filmak gidoirik onenaren saria jaso eban Donostiako igazko zinemaldian. Pelikulan giroak, itxaropen falteak eta gogaitasunak sortu eragindako krisi existentzial baten barri emoten jaku, baina, egia esan, era honetako drama ironikoak eta ha atontzeko lanabesak ez dira lar originalak. Hori bai, gidoia eta antzezle nagusi biren jarduna bikainak dira eta horrek une distiratsuez gozatzeko aukerea emoten dau.

Edozelan be, hasikera on baten ostean, filmari personaien erritmo apal eta ardurabakoa kutsatzen jakola emoten dau, udako sargoriak eraginda edo. Ganera, gatazka personalen garapena lar luzatzen da, gehiegi larritu eta estutzen gaitu. Horra hori pelikula interesgarri honen makalguneak.