Zapatuan, hilaren 6an, izango da VI. Señora Sariketako finala

| Ikusi handiago | Argazki originala

Ana Picallok, Nahia Etxeberrik eta Oihana Iguaranek irabazi eben finalerako txartela Baionako Zizpa Gaztetxean jokatutako kanporaketan. Zizur Nagusiko Esparru Gaztetxean jokatu zan bigarren kanporaketan, barriz, Lide Arregik, Kattin Madariagak eta Kattalin Lizarragak. Plentzian erabagiko da nor izango dan VI. edizinoko pameladuna eta nork eskuratuko dauen tokado saria.

Maiatzaren 23an jokatu zan Zizur Nagusiko bigarren kanporaketea eta Lide Arregik, Kattin Madariagak eta Kattalin Lizarragak irabazi zituen VI. Señora Sariketako finalerako azken hiru txartelak. Kelmene Abaitua, Antton Fernandez, Lide Arregi, Julene Iturbe, Kattin Madariaga eta Kattalin Lizarraga ibili ziran kantuan, Jone Lizarralde gai-jartzailearen esanetara.

Kelmene Abaituak eskuratu eban epaileen Bihotz saria.

Epaileen erabagiz, holan geratu da VI. Señora Sariketako finala:

• Ana Picallo.
• Oihana Iguaran.
• Maider Altuna (Finalean kantau ezingo dauen Nahia Etxeberriren ordez).
• Lide Arregi.
• Kattin Madariaga.
• Kattalin Lizarraga.

Iratxe Legarra izango da gai-jartzailea.

Egun osoko egitaraua

Egun osoko egitaraua atondu dau Atontzaile Taldeak VI. Señora Sariketako finalaren eguna borobiltzeko.

Eguerdian, Ahalduntze Bertso Eskola Feministako kideakaz egingo dan bertso karro-poteoak girotuko dau bazkalaurrea, Plentziako Zubi zuritik hasita.
14:30ean izango da bazkaria eta bazkalostean bingoa izango dogu. Bagilaren 4a (eguena) da bazkarian izena emoteko azken eguna eta ondoko galdetegia beteta edo senorasariketa@gmail.com helbidera mezu bat
idatzita emon daiteke izena bertan.

18:00etan hasiko da finala, bertsopapel sariketako sari banaketeagaz. Ondoren hasiko da saioa eta bertan erabagiko da nor izango dan VI. Señora Sariketako pameladuna.

Egunari amaierea emoteko, 22:00etan Zatekeen erromeria izango da Gaztetxean. Eta ondoren, gaualdea girotzeko, DJ Txillardegi.

Señora kamisetak

Zapatuan, Gaztetxean bertan eskuratu ahalko dira ordurako eskatuta dagozan Señora kamisetak. Horrezaz gan, bertan erosteko aukerea be izango da.