Pantxoa eta Peiok jasoko dabe 2026ko Adarra Saria

| Ikusi handiago | Argazki originala

Pantxoa eta Peio bikote lapurtarrak eskuratuko dau 2026ko Adarra Saria, Donostiako Udalaren eta Donostia Kulturaren eskutik. Kontzerturako sarrerak, eguaztenean, apirilarenk 22an, jarriko dira 25 euroan salgai, goizeko 11:30ean Donostia Kulturako bazkideentzat eta eguenean apirilarenk 23an, eguenean, 11:30ean publiko orokorrarentzat.

Kontuak kontu, Odile Kruzeta kazetariak, Edurne Otamendi Donostiako Udaleko Euskera Zerbitzuko buruak eta Gorka Iribar Lugaritz Kultur Etxeko zuzendariak osotutako epaimahaiak 2026ko Adarra Saria Pantxoa eta Peiori emotea erabagi dau.

Pantxoa eta Peiok bagilaren 21ean, Musikearen Europako Egunean, Victoria Eugenia Antzokiko oholtzan jasoko dabe Marijose Rekalde eskultoreak egindako sariaren garaikurra, Jon Insausti alkatearen eskutik, eta segian kontzertua eskainiko dau Iñaki Dieguez (eskusoinua), Mixel Ducau (gitarra), Dánae Riaño (baxua), Gorka Pastor (teklatuak) eta Josu Erbiti (perkusinoa) musikariakaz batera.

Kontzerturako sarrerak asteazkenean, apirilak 22, jarriko dira salgai, goizeko 11:30ean Donostia Kulturako bazkideentzat eta ostegunean apirilak 23, osteguna, 11:30ean publiko orokorrarentzat, 25 eurotan, Victoria Eugenia Antzokiko eta Antzoki Zaharreko leihatiletan eta webgunean.

Epaimahaiaren argudioak

Odile Kruzeta kazetariak, Edurne Otamendi Donostiako Udaleko Euskera Zerbitzuko buruak eta Gorka Iribar Lugaritz Kultur Etxeko zuzendariak osotutako epaimahaiaren arabera, Pantxoa eta Peiok 60ko hamarkadatik gaur egun arte ‘kantuaren plazerra’ hainbat belaunaldigaz konpartidu dau, jagondako interpretazinoak, melodia kantagarriak eta konpromiso soziala alkarregaz buztartuta, estilo propioa dauen errepertorio zabal eta interesgarria osotzeaz gan. Euskal gizartearen min eta nahien ahots bilakatuta, erresistentziazko ereserki bihurtu ziran protesta-kantuak plazaratu ditu; Euskal Herriaren nortasuna, sentimendua eta memoria kolektiboa adierazoten daben Iparraldeko kantu tradizionalak berreskuratu eta hareen transmisinoan upealako lana egin dau bikoteak. Era berean, Ipar Euskal Herriko poeta, idazle eta musikarien lanak interpretauta, Ipar eta Hego Euskal Herriaren arteko zubilana egin dabe Pantxoa eta Peiok, eta garai larri eta erabagigarrietan euskal musikarako oinarrizkoa izan dan azpiegitura emonkorra martxan jarri dabe.

13 urteko ibilbidea

Donostiako Udalak eta Donostia Kulturak 2014an sortu eben Adarra Saria, euskal musikearen arloan aparteko garrantzia edo eragin bereziko ibilbidea egin dauen edo egiten dagoan artista bat, urtero, ometzekoo. Orain arte Mikel Laboa, Ruper Ordorika, Benito Lertxundi, Fermin Muguruza, Anari, Berri Txarrak, Kepa Junkera, Amaia Zubiria, Joseba Tapia eta Zea Mays, Errobi eta Antton Valverdek jaso dabe Adarra Saria.