Martiaren 2an edegiko da Bertso Udalekuetarako izena emoteko epea

| Ikusi handiago | Argazki originala

Udea urrun dagoan arren, daborduko planak egiten hasteko garaia da. Halanda ze, martiaren 2an edegiko da Bertso Udalekuetarako izena emoteko epea.

Lehenengo epe horretan bertso-eskolako kide diran gazteentzat edota gurasoetako bat Bertsozale Alkarteko bazkide dabenentzat egongo da aukerea. Goizeko 11:00etan hasiko da izen-emotea hemen. Txandak, izen-emote ordenaren arabera beteten dira, beraz, joan gura izan ezkero, lehenbailehen izena-emon.

Lehen epealdia martiaren 15era arte egongo da edegita. Ondoren, beteteko geratzen diran txandakaz bigarren izen-emote epea edegiko da gainerakoentzat martiaren 18tik (goizeko 11:00etan hasita) apirilaren 13ra bitarte.

Edozein zalantza edo galdera izan ezkero, deitu edo idatzi Bertsozale Alkartera: 943694129 / aisialdia@bertsozale.eus

Lau txanda, garagarrilean

Bertso Udalekuetako gazteak leku bitan alkartuko dira aurten: 9 eta 11 urte artekoak Zuhatzako islan (Uribarri Ganboan, Araba); gainerako hiru txandak, barriz, (12-13, 14-15 eta 16-18 urte artekoak) Getadar aterpetxean (Ezprogi, Nafarroa). Lau txandak garagarrilean izango dira. Informazino gehiago hemen.

Eusko Jaurlaritzeak eta Bizkaiko Foru Aldundiak babesten dabe Bertso Udalekuen egitasmoa eta Irizarrek laguntzen dau.