Musikea eta kantuak nagusi Mungian Agate Deunaren bezperan

Arratsaldean bertsoa eta ahozko tradizinoa ardatz dituan proposamena: J.M Arregi Abesbatza eta Taket Bertso Eskolako ikasleak Euskal Pizkundea etorbidetik ekingo deutse bideari Agate Deunako koplak Mungiako kaleetatik eroateko giro hurbila eta parte-hartzailea sortuz.

Goiz partean be ibili dira (900 ikasle inguru) eta Alaitz Erkoreka Mungiako alkateak ospakizun honen esanahia nabarmendu dau: Santa Ageda oso data garrantzitsua da gure kulturearen barruan. Poztekoa da umee eta gazteek egun hau biziten eta gure nortasun kolektiboaren parte dan tradizinoari zelan eusten deutsen ikustea.