Euskaltzaindiak igaz hildako bost euskaltzain omendu ditu

| Ikusi handiago | Argazki originala

Osoko Bilkurea Gipuzkoako Foru Aldundiaren egoitzan izan da eta buru izan dira Irune Berasaluze Gipuzkoako Foru Aldundiko Gobernantza diputadua eta Itxaro Borda euskaltzainburuordea.

Irati G. Rodriguez biola-jotzaileak egin dau sarrerakoa, Benito Lertxundiren Udazken koloretan interpretauta. Ostean, banan-banan irakurri dira igaz hildakoen profilak: Xabier Itzainak irakurri dau Mixel Itzaina euskaltzain ohorezkoaren txostena; Paulo Agirrebaltzategik Joxe Azurmendi ohorezkoarena; Juan Luis Goikoetxeak Iñaki Sarriugarte ohorezkoarena; Jose Ramon Etxebarriak Martxel Ensunza urgazlearena eta Patxi Salaberrik Koldo Artola ohorezkoarena.

Tarteka, musikariak beste pieza batzuk interpretau ditu, hain zuzen, Martxa baten lehen notak (J. Artze / M. Laboa) eta Xalbadorren heriotzean (Xabier Lete).