Infernuko Itsaslabarretatik disfrutetan

Amaia Larruzea 2026-01-20 10:23 Ibilian-ibilian

Irailaren 6an, I. Trail del Infiernu lasterketea atondu eben Ribadesellan.

Asturias, urteko edozein momentutan bisitau daitekean lekua da. Gu, negu betean joan gara. Galiziatik etorri eta Astuariasetik barriz pasetean, Ribadesellan geldialdia egitea proponiduten deutsuet. Herri txiki eta polita da, kostaldean. Ibilbide horrek eskaintzen dituan aukerak parebakoak dira. Beraz, ezagutu daigun!

Llanes ingurura joateko tradizinoa dago gurean. Handik Gijonera, erdibidean, Ribadesella dogu; eta, bertan, Acantilados del Infierno izeneko mendi ibilbidea. Herritik bertatik hasi daiteke, aparkau eta hondartza ingurura joanez.

2025eko irailaren 6an, Trail del Infiernu lasterketearen lehen edizinoa egin zan herrian, Ribadesella Trail Run taldearen eskutik. Urteerea Grua de la Villa pasealekutik izan zan eta aukera bi eskaini ziran; batetik, 11 km eta 450 metroko desnibel positiboa: eta, bestetik, 21 km eta 700 metroko desnibel positiboa. Azken ibilbide hori izan dogu erreferentzi bezela.

Holan, bidearen zati gehiena Infiernuko bideetatik eta itsaslabarretatik da eta Bufones de Priara heltzea dau helburu. Inguru eta bide politak, gora eta behera gelditu barik, hankei upealako berotua emonez. Guztira, 18 kilometro inguru egin ditugu, 473 metroko desnibel positiboagaz.

Bufones de Priara heltzean, gura beste luza daiteke, batetik bestera. Bertan, kotxez heltzeko aukerea be dago, beraz, zerbait jateko eta ikuspegi onez disfrutetako aukera polita da. Panoramikaz disfrutau eta bueltan jungo gara Ribadesellara, herriaren erdigunean dagoan gozotegi ezaguneko gozoak jatera. Ibilbide gomendagarria, Ribadesella inguruko kostaldean!

Ikusi argazki guztiak handiago