UEU eta Euskaltzaindiak lankidetza-hitzarmena sinatu dabe

Aitor Bengoetxea eta Andres Urrutia. | Ikusi handiago | Argazki originala

Hitzarmen honetako egitasmo guztietan Euskaltzaindiak euskerearen arloan ezarritako arauak eta proponidutako gomendioak zabaltzeko konpromisoa hartu dabe erakunde biek. Era berean, euskerearen jakitean, erabilerean eta haren aldeko sustapenaren ikerketan, dibulgazinoan eta sentiberatzean egitasmoak partekatzeko konpromisoa hartu dabe.

Euskerazko produkzino zientifikoak dauen autortza txikiaren gaineko kezkea partekatzen dabe eta euskerazko produkzino zientifikoaren zilegitasuna autortu, baita ekimenak sustatzeko konpromisoa hartu be. Era berean, unibersidade eta kalidade agentziei jagokionez, alkarlanean eragiteko asmoa agertzen dabe, euskeraz egindako produkzinoak merezi dauen autortza akademikoa eduki deian, arabere gehiago, euskera ofiziala dan lurraldean.

Erakunde biak euskerearen transmisino eta motibazinoaren inguruko atxikimenduaren gainbeherea kultur transmisinoaren indartzeagaz lotzea partekatzen dabe, baita euskereak eskaintzen dituan aukerak modu positiboan transmitidu be.  Gainera, sustapen eta ikusgarritasunean lan egiteko konpromisoa hartu dabe.

Kontuak kontu, ondoko honeek izango dira jorratuko dituen egitasmoak:

• Euskaltzaindiak euskeraz sortu, argitaratu eta zabaltzen dauenaren oinarrizko informazinoa Euskal Komunidade Zientifikoaren Datu-basean (Inguma) jarriko da.
• UEUren testu-moltsoak Euskerearen Erreferentzia Corpusean jasotearen eremuan, Lexikoaren Behatokian jaso barik dagozen UEUren unibersidade-mailako argitalpenak jasoko ditu.
• Sorkuntzearen eta sustapenaren eremuan ikertzaile gazteen ibilbidea sustatzeko beka-deialdia sortu eta martxan jarriko dabe, ikertzaile hasibarrien lana bultzatzeko asmoz, argitalpen-deialdi bateratu baterako oinarriak jorratzen hasiko dira.
• Maila akademikoan euskereari ospea eta zilegitasuna autortzeko asmoz, alde biek ekitaldi akademiko bat eta Euskaltzaindiak euskerearen arloan ezarritako arauak eta proponidutako gomendioak zabaltzeko ikastaroak atonduko ditue.