Izaro Bilbaok irabazi dau Ermuan eta Garazi Navarrok Basaurin

Bizkaie! 2025-05-23 07:51   Bertsolaritzea

Udabarria Bertsotaneko azken aurreko saioak Ermuan eta Basaurin jokatu dira; datorren eguenerako iragarri ditue azken saioak, Gautegiz Arteagan eta Plentzian. Orduan osotuko da Bizkaiko Bertsolari Txapelketara sailkatutakoen zerrendea.
Udabarria Bertsotanek egin dau ibilbide erdia baino gehiago.

A multzoko saioan, Ermuan, Izaro Bilbao Arostegi izan da nagusi, 183 puntugaz. Holan geratu da sailkapena:

• Izaro Bilbao Arostegi --------------------------------------- 183
• Iker Uriarte Urrutia ------------------------------------------166,5
• Garikoitz Sarriugarte Onaindia ----------------------------- 165,5
• Peio Molinuevo Martin --------------------------------------- 165
• Jon Martinez Beaskoetxea -----------------------------------147
• Ana Picallo Perez ---------------------------------------------131,5

Gaiak emoten Leire Garatxena Larrabe ibili da; epaimahaian, ostera, hurrengoak izan dira: Ander Txakartegi Basterretxea, Mirari Azula Aurrekoetxea eta Miriam Juaristi Urizar. Idazkari beharretan, Itziar Basterretxea Olarreaga ibili da.

B multzoko saioa, Basaurikoa, Garazi Navarro Ugarteburuk irabazi dau, 191 puntugaz. Holan geratu da hango sailkapena:

• Garazi Navarro Ugarteburu --------------------------------191
• Paule Ixiar Loizaga Legarra ------------------------------- 183,5
• Enare Muniategi Etxabe ------------------------------------182
• Aitor Esteban Etxebarria ---------------------------------- 180,5
• Kerman Diaz Franco ----------------------------------------177,5
• Iker Garitagoitia Astigarraga ------------------------------- 172

Garazi Navarro Ugarteburu.

Gaiak emoten Igor Menika Bengoetxea egon da. Epaimahaikideak, barriz, ondokoak izan dira: Garazi Mendoza Agirre, Leire Etxebarria Gaztelu eta Marta Ortiz Mateo. Idazkaria Itxaro Juaristi Olaetxea izan da.

Datorren eguenean jokatuko dira Udabarria Bertsotaneko azken saio biak: Gautegiz Arteagan A multzokoa, eta Plentzian B multzokoa. Saioak amaitu eta berehala jakingo dogu Bizkaiko Bertsolari Txapelketan nortzuk sailkatu diran aurrera egiteko.