The Uski's, Altxa Porru, Pary&Tiza eta Segundo Olaeta Bandea batu dira Gatiburen jaialdira

Erretratua:@_caos_13 @uabshots. | Ikusi handiago | Argazki originala

Gatibuk eta Haziberrik aurkeztu dabe “Azken Zoramena Gernikan” jaialdiaren kartel osoa. Bagilaren 7an Gatibuk bere sorterrian emongo dauen azken kontzertu berezia, arratsaldean hasiko dan jaialdia, musikea, jan-edana eta jaia buztartuko dituana. Gatiburen kontzertu nagusiaz gan, hainbat musika talderen eta artisten uikuskizunak izango dira, agurrari benetako jai giroa emonez.

Gatibufonia

Lehenengo hitzordua arratsaldeko 17:30ean izango da, Gatibufonia ikuskizun sinfonikoagaz. Gernikako Segundo Olaeta Musika Bandeak Gatibufonia izeneko lanaren bitartez, Gatiburen abestien moldaketa sinfonikoa eskainiko dau San Kristobal auzoko plazan -kontzertugunetik hur. Bandako 45 musikariek euren soinu sinfonikoa gitarra, baxu elektriko eta abeslariaka buztartuko dabe Artur Sustatxaren gidaritzapean, Gatiburen ibilbidea laburbatzen dauen errepertorio berezia eskaimnko dabe.

Kontzertugunea arratsaldeko 18:30ean zabalduko dabe

San Kristobal aparkalekuan kokatuko dan kontzertugunearen ateak arratsaldeko 18:30ean edegiko ditue. Gatibuz gan, oholtzan ikusiko doguz The Uski’s, Ibarrangelu eta Elantxobeko kideek osatutako rock taldea, surf rocka eta pop-a buztartzen dituan Busturialdeko talde ganberro eta esanguratsuenetakoa. Altxaporru, erromeria talde bizkaitarrak, barriz, jai giroa ekarriko dau bere zuzeneko antzagarriagaz. Gauari amaierea emongo deutse Pary&Tiza musika jartzaile bikote zornotzarrak, erritmo bizi eta jantzagarrien bidez gaua borobiltzeko.

Musikaz gain, jan-edan eskaintza berezia be izango da. Baserritik Gernikara alkartea arduratuko da janari-eskaintzaz jaialdiaren egunean. Tokiko produktoreek bertoko katekoagaz egindako burritoak jan ahal izango dira; gure baserrietako produktuak eta Mexikoko gastronomiaren zaporeak buztartuz.

Gatiburen agurra milaka lagunen aurrean

Gatiburen kontzertuak Gernikan jendetsuak eta hunkigarriak izan dira beti. Aurreikuspenak gaindituz, berriki lekuz aldatu behar izan da “Azken Zoramena”, Astrako aparkalekua txiki geratu delarik. San Kristobal aparkalekuak 10.000 lagunentzako tokia dauka. Gatibu taldeak etxean eskainiko duen azken kontzertuan errepertorio berezia landuko du, bere sustraietara, bere ibilbidearen hasierako diskoetara joz.

Sarrerak salgai daude oraindik Gernikako Turismo bulegoan eta www.haziberri.eus atarian.