Garin bakarkako lehen lanak 30 urte bete ditu

| Ikusi handiago | Argazki originala

Garik orain dala 30 urte grabau eban bakarkako lehen diskoa, Gari (Elkar, 1995) izenekoa. Urteurrena ospatzeko, binilozko edizino zaharbarritua kaleratu dau Elkar Musikak.

Edizino oso berezia da, izan be, Garik barriro grabau ditu ahotsak jatorrizko pisten gainean. Bestalde, Miguel Moyanok gitarrea jo dau hainbat kantutani. Ganerako guztia, barriz, jatorrizko grabazinoari jagoko: Aitor Ariñok 1995ean Berrizko Lorentzo Records estudioetan egin ebanari hain zuzen be. Ondoko honeek be parte-hartu eben: Mikel Irazoki (bajua, ahotsak eta teklatua), Fran Iturbe (gitarrea) eta Victor Celada (bateria).

Lan barriaren nahasketak eta masterra Victor Sanchezek egin ditu, Adunako Elkar estudioetan. Gorka Salmeronek (Zum argazkiak) egin eban jatorrizko argazki-sesinoa be errekuperetako aukerea izan dabe. Beraz, orduko irudi batzuk, orain arte argitaratubakoak ziranak, diseinu barrian integrau ditu Juanma Aramendik.

Diskoan, Amets, Egun finlandiar bat, Bidegurutzean eta Apar urrunak lako kantuak dagoz, azken 30 urteotan haren errepertorioaren parte garrantzitsua izan diranak.

Hurrengo kontzertuak  

• Maiatzak 9: Gari (Latxartegi Aretoa, Legazpi).
• Maiatzak 11: Gari (Bonberenea, Tolosa).
• Maiatzak 29: Gari & Maldanbera.
• Data zehaztu dabe: Gari (Miramar Gauak, Donostia).