Bilboko hainbat sektoretako entidadeek Euskaraldian parte hartuko dabe

| Ikusi handiago | Argazki originala

Euskaraldia hizkuntza ohiturak aldatzeko maiatzaren 15etik 25era egingo da, euskeraz gehiago, gehiagogaz eta gehiagotan egiteko ariketea. Ahobizi eta belarriprest rolen bitartez parte hartzeko dei egin deuskue norbanakoei eta entidadeei.

Bilbon oinarrizko zeregina dabe, sektore askotako bilbotarrak batzen dira horreetara eta horregaitik, hizkuntza ohiturak aldatzeko testuinguru bihurtu dira entidadeak eta horreek, bereziko garrantzia dau Euskaraldia lako ekimen batek presentzia lortzeko ikusgarritasuna lortzea oso gatxa baita.

Euskaraldiaren laugarren edizinoan, entidade bakotxak erabagiko dau ariketea zein mailatan landuko dauen. Hain zuzen be, oinarrizko lanketea egiteko aukerea egoteaz gan, lanketa sakona egiteko aukerea egongo da. Bigarren aukerea egiten dabenek, euskerearen erabileran bestelako urratsak egiteko modua izango dabe. Oinarrizko lanketea egiteko, ondorengo hiru pausuak jarraitu beharko ditue entidadeek:

• Kideak Euskaraldiaren inguruan informau eta parte hartu deien animau.
• Euskerearen erabilerea sustatzeko prestakunteza eta baliabideak kideen eskura jarri. 
• Ariketea ikusgarri egin.

Entidadeak bestelako pausoak emon nahi baditu eta ariketa sakona egin, bestelako baliabide batzuk eskainiko jakez, besteak beste, ariguneak sortu, komunikazinoak euskeraz egiteko eta euskerearen presentzia indartzeko bestelako neurriak eta horreek aurrera eroateko hainbat laguntza-tresna batzen dauen euskaraldia.eus webgunearen intraneterako sarbidea eta aholkularitzea izango ditue eskura erakundeek.

Hizkuntza ohiturak aldatzeko asmoagaz, Euskaraldian izena emon daben 5 entidadeetako ordezkariak agertu dira BBK Kunan egindak prentsaurrekoan. Bakotxak bere sektorean, Euskaraldian parte hartzeko dituen arrazoiak eta ariketea zelan eroango daben aurrera adierazo dabe:

Loraldia euskaraz sortzen diran kultura adierazpenei espazioa emoten deutsen festibala da. Ekimenaren helburua euskal kultur industriaren sustatzea da, honi ikusgarritasuna emonez eta gizartean zabalduz. Amaia Ocerin, Loraldiko Komunikazino Arduradunak adierazo dauanez, euskereak bizi nahi dau eta kulturea sano garrantsitsua da hizkuntzeari bultzadea emoteko. Loraldia eta Euskaraldia lako ekimenek, euskeraz biziteko aukerak zabaltzen ditu.

Sortzen Psikoterapia Humanista Zentroak be euskereagaz dauen esperientzia konpartidu dabe. Orain dala 18 urte jaio zan zentroa eta ordutik euskal hiztunei euskeraz psikoterapia eskaintzen dabe. Maritxu Jimenez, Sortzen Psikoterapia Humanista Zentroko Zuzendarien eretxiz, gure helburua datozen personetan dago. Horregaitik, gurera etorten diran pertsonentzat terapia euskeraz egiteak dauen garrantziaz arduratzen gara. Hori dala eta, Euskaraldia haree jarduna euskeraz egiten jarraitzeko aukerea modura ikusten dabe.

Hezkuntza arloari jagokonez, Euskaraldian izen emon dabela adierazo nahi izan dabe Angeles Custodios Lanbide Heziketakoek eta Ulibarri Euskaltegiko arduradunek. Angeles Custodios Lanbide Heziketea osasunagaz lotutako zentroa izanda, Euskaraldia aukera parebakoa da euskerea indartzeko eta osasunaren arloan pazienteakaz hartu-emon biziagoak lortzeko esan dau Aingeru Pereda, ikastetxeko ikasleak.

Ulibarri Euskaltegikoek Euskaraldia ikasleen profiletara egokitzeko asmoa zehaztu dabe: hizkuntza-ohiturak aldatzeko ekimen hau profil nagusi bigaz sustatzen dogu: trebatzaileen kasuan adibidez, entidade jakin bateko langileakaz eta besteetan, ohiko ikasleakaz.

Erakunde publikoek be, entidade moduan izena emoteko aukerea dabe eta horreen arten dago Lehiaren Euskal Agintaritzea, aurten be Euskaraldian parte hartuko dauena: herritarrei euskeraz zerbitzuak eskaintzea da gure asmoa. Gure mezua zabaltzeko momentu eta tresna aproposena Euskaraldia da, esan dua Ainara Harce San Martin, Lehiaren Euskal Agintaritzako buruak.