Gure Zirkuagaz sinatutako hitzarmenak aisialdian euskerearen erabilerea sustatzen lagunduko dau

Iker Galartza erta Amaia Girre. | Ikusi handiago | Argazki originala

Aisialdian euskerearen erabilerea sustatzen laguntzea da Getxoko Udalak eta Gure Zirkuak sinatutako hitzarmenaren helburua, Euskara Plan Estrategikoaren barruan umeen eta gazteen erabilerea handitzeko neurriakaz bat datorrelako: gure umezarora eroaten gaitu zirkuak, aisialdi hezitzailea eskainiz modu atsegin eta dibertigarrian, edade guztietako publikoari ondo pasetako momentua eta aukerea emongo deuskulako. Getxoko Udala euskerearen erabilerea sustatzeko ekimenen alde dago eta horregaitik besoak zabalik ondoetorria emoten deutsuegu. Aldi berean, esker ona agertu nahi dogu denporaldiaren hasierea Getxon egiteagaitik, getxotarrentzat hain berezia dan Portu Zaharrean, bederatzi saio izango baitira maiatzean. Getxon inoiz ikusi ez dan euskerazko zirku-ikuskizuna izango da eta espero dogu, gure umeen artean eta hain ume ez diranen artean be magia eta ilusinoa sortzea. Euskaldunak, euskerea ikasten dabizanak eta euskerara hurreratu nahi dabenek animetan ditut jarduera dibertigarri honetan parte hartu deien, adierazo dau Amaia Agirre alkateak.

Hitzarmenaren arabera, Udalak Gure Zirkuari baliabideak erraztuko deutsoz eta Gure Zirkuak hainbat abantaila eskainiko ditu berton, esate baterako, Lehen Hezkuntzako eskola-umeei zirkuaren funtzionamendua eta barrukoak hurretik ezagutzeko aukerea eskainiko deutse eta zirkua Getxon dagoan bitartean Euskaraldiaren egunak izango diranez, euskerearen aldeko ariketan kolaboretea be. Iker Galartza Gure Zirkuaren sortzailea oso pozik agertu da zortzigarren denporaldi barriari hasierea emoteagaitik eta hasierea Getxon izateagaitik:  euskaldunak eta hain euskaldunak ez diranak animetan doguz barritasunak zenbat-gura izango diralako, polita, umoretsua, koloretsua eta ondo pasetako gogoz. Abestu egingo dogu gure hizkuntzan eta gure musikeagaz, ondo pasauko dozue gure hizkuntzan eta Gure Zirkuan, nabarmendu dau Iker Galartzak.

Gure Zirkuak bederatzi ikuskizun eskainiko ditu Portu Zaharrean:

- Maiatzaren 4an, domekan: 17:00etan.
- Maiatzaren 9an, barikua: 19:00etan.
- Maiatzaren 10ean, larunbata: 16:30ean eta 19:00retan.
- Maiatzaren 11n, barikua: 12:00etan eta 17:00etan.
- Maiatzaren 16an, ostirala: 19:00retan.
- Maiatzaren 17an, 16:30ean eta 19:00retan.

Erosi sarrerak hemen.