Erdalduntze-makineari aurre egiteko dei egin dau GUKA Bilboko euskaltzaleen plaza libreak

| Ikusi handiago | Argazki originala

Orain hilebete, GUKA Bilboko euskaltzaleen plaza libreak zehaztu eban urian martxan dan erdalduntze-makinea egoala eta dinamika bat abiatuko ebala eta, esangura horretan, bart, Plaza Barrian egindako agerraldiaren bidez, mobimentu euskaltzaleko hamarnaka kidek Bilboko euskaldunek euskeraz biziteko dituen trabak salatu eta egoera horri aurre egiteko dei egin eban.

Uriaren funtzionamendua hainbat arlotan erderazkoa dala nabarmendu eben Plaza Barrian erdalduntze-makinea irudikatu eben euskaltzaleek. Aisialdi eta kultur eskaintzak, ume eta gazteentzako hezkuntza ez formalak, kirolak, ostalaritzeak, hedabideek eta merkataritza zein enpresa munduak makinearen erdal-engranajea osotzen dabela adierazo eben ekimenaren atontzaileek.

Makineak erdaldunak sortzen ditu eta 24 orduz dabil martxan. Euskeraz bizi nahi daben herritarrentzat bizitzako funtzinoak euskeraz jorratu ahal izatea ezinezko egiten dau. Kanpaina honen bitartez, gizartea erdalduntzeko dagozan mekanismo eta mobimentuak erdalduntze-makineari aurre egiteko dei egin dau GUKA Bilboko euskaltzaleen plaza libreak.

Kanpaina honen bitartez, gizartea erdalduntzeko dagozan mekanismo eta mobimentuak bistaratu nahi ditu GUKAk, ia konturatu barik pasetan diran korronte, ohitura eta erabagiak begien bistara ekarriz, herritarren kontzientzian eta erantzunean eragiteko asmoz.

Erdalduntze-makina horren aurrean, euskaltzale komunidadea euskeraz bizi eta makina trabatzeko dei egin dau GUKAk. Bilbo euskaldunagoa eregiteko ardurea partekatua dala gogoratuz, arduradun politikoek, gizarte zein arlo pribatuan dabizanek eta era guztietako botereguneetan dagozanek asko dabela egiteko eta horreetan eragiteko indarra mobimentu euskaltzaleak izango dauela nabarmenduz.

Euskerea eta euskaldunon komunidadearen kontrako oldarraldi judizial, mediatiko eta ideologiko betean, mobimentu euskaltzalea ez dala geldi egongo azpimarratu eben atzoko ekitaldiaren amaieran: Erdalduntze-makinea martxan da Bilbon, eta berau geratzera gatoz.

Erdalduntze-makinearen kanpaineak jarraipena izango dau hurrengo hilebeteetan.