Enara Gallastegik irabazi dau Bizkaiko eskolarteko bigarren kanporaketea

Bizkaie! 2025-04-03 08:35   Bertsolaritzea

Gordexolan ondokoak izan dira zortzi parte-hartzaileak:

• Adur Lopez.
• Aimar Marcos.
• Aretx Iruskieta.
• Ekhi Zuluaga.
• Enara Gallastegi.
• Helene Yerga.
• Izaro Pagalday.
• Nora Prellezo.

Gai-emoile lanetan Jon Martinez ibili da eta epaileak, barriz, Garazi Mendoza, Juanjo Respaldiza eta Beñat Romero izan dira. Idazkari lanak Ander Elortegik egin ditu.

Bizkaiko Eskolarteko hirugarren kanporaketea

Apirilaren 7an izango da Igorreko Lasarte Aretoan. Saioa, aurreko kanporaketak bezela, arratsaldeko 17:00etan hasiko da eta parte-hartzaileak Aiala Irurtia, Amaia Gallastegi, Emile Zabala, Iradi Barrenetxea, Iraia Lauzirika, June Legarretan eta Oskar Joseba de Rueda izango dira.

Saio bakotxeko irabazlea zuzenean sailkatuko da finalera eta gainontzeko lau bertsolariak puntuazinoaren arabera.

Finala

Maiatzaren 31n jokatuko da Iurretako frontoian. Goizeko 10:00etan eskolarteko nagusien idatzizko finala izango da, eta ostean, 11:30ean, ekingo deutso bat-bateko finaleko zortzikoteak.